Malaki 3:5 - Mandinka Bible

⁵ Yaawe Alihawaa Maariyo ye ñiŋ ne fo ko, “M be naa ali kaŋ ne ka ali kiitindi. M be tariyaa la ka batuutaatiyolu le la kuwo yitandi, jeenelaalu, seedenduroolu, moolu mennu ka ì la dookuulaalu la joo nakari, moolu mennu ka furuyaamusoolu toorandi, aniŋ aliyatiimoolu, moolu mennu buka tooñaa sabatindi ì niŋ tumarankewolu teema, ì maŋ sila n na.

Malaki 3:5 Mawu Ofanana

1 Musa 20:11

Iburayima ko a ye ko, “Ŋa ñiŋ ke le, kaatu nte ye a miira le ko, Alla ñaasilaŋo hani a kiliŋo maŋ tara ñiŋ dulaa to, aduŋ ì si m faa noo le n na musoo la kuwo kaŋ.

1 Musa 42:18

Tili sabanjaŋo, a ko ì ye ko, “Nte mu Alla ñaasilannaa le ti. Ali be baluwo soto la le, niŋ ali ye ñiŋ ke:

Nehemiya 5:15

Nte siŋo be kumandaŋolu mennu bee kaŋ, wolu ye duni kuliŋo le laa moolu kaŋ. Ì ka moolu kaniŋ domoroo niŋ wayinoo la le, aduŋ ì ka kodiforo kuntu taŋ naani le taa ì bulu luŋ-wo-luŋ. Ì la maakoyirilaalu fanaa ye dunoo le laa moolu kaŋ. Bari Alla ñaasilaŋo le ye a tinna nte maŋ maa wo ñaama.

Yuuba 31:12

A si ke n ye komeŋ dimbaa, a ye n domo fo ŋa kasaara, a ye n na siimaŋ feŋolu bee jani fo ì ye baŋ fereŋ.

Yuuba 7:2

A la kuwo ka muluŋ ne ko joŋo meŋ be dahaa ñinoo la, komeŋ tili dookuulaa, meŋ be joobatoo la.

Jabuuroolu 36:1

Junuboo le ka kuma moo kuruŋo ye, a sondomoo kono, Alla ñaasilaŋo te a la fereŋ.

Jabuuroolu 81:8

“N na moolu, ali i lamoyi ŋa ali dandalaa. Kooni Banisirayilankoolu, muna ali i lamoyi n na.

Jabuuroolu 96:13

ka suukuwo laa Yaawe ye, kaatu a be naa le, a be naa ka duniyaa kiitindi. A be duniyaa moolu kiitindi la tiliŋo niŋ tooñaa le la.

Jabuuroolu 98:9

ì ye suukuwo laa Yaawe ñaatiliŋo la. A ka naa duniyaa kiitindi le, a be duniyaa moolu kiitindi la tiliŋo niŋ tooñaa le la.

2 Musa 1:17

Bari timmutalaalu silata Alla la, aduŋ Misira mansa ye meŋ fo ì ye, ì maŋ a ke. Ì ka dinkewolu tu baluuriŋ ne.

2 Musa 18:21

Bari i si tombondiroo ke moolu bee kono, mennu ye londoo soto, moolu mennu silata Alla la, jikoo be mennu la kuwo to, aduŋ ì ye duku mutoo koŋ, wolu taa ka dookuwo ke moo wuli kiliŋolu, kemoolu, taŋ luuloolu aniŋ taŋolu ye.

2 Musa 20:7

Ali kana nte Yaawe ali la Alla too fo kuu kuruŋolu kunna, kaatu n te moo-wo-moo le tu la jee, meŋ ye n too fo kuu kuruŋo kunto.

2 Musa 22:20

Moo-wo-moo ye sadaa* bo alla koteŋ ye, meŋ maŋ ke nte Yaawe ti, ali a maarii kasaara.

Kuma Kotoomaalu 16:6

Ka bo kanu bambaloo niŋ tiliŋo la, junube kafaroo si soto noo wo le kono, niŋ moo silata Yaawe la, a te hame la kuu kuruŋ kewo la.

Kuma Kotoomaalu 8:13

Yaawe* ñaasilaŋo le mu kuu jawu koŋo ti. Ŋa faŋ waroo niŋ horomantaŋyaa koŋ ne, aduŋ jawuyaa niŋ faniyaa foo mu n tanoo le ti.

Yesaya 57:3

Yaawe* ko: “Alitolu junubekelaalu, ali naa jaŋ, alitolu batuutaa diŋolu, alitolu mennu bota jeenelaalu bala, aniŋ cakoolu.

Yeremiya 23:10

Bankoo kaŋ be faariŋ jeenelaalu le la, ì ye a tinna bankoo dankata, fo bankoo faŋo ka woosii, aduŋ a beeyaŋ daañini dulaalu jaata. Ì taañaa jawuyaata le, aduŋ ì ka ì semboo taamandi tilimbaliyaa le kono.

Yeremiya 27:10

Ì ka faniyaa kumoolu le fo ali ye, meŋ be a tinna ì ye naa ali bondi ali la bankoo kaŋ ka taa dulaa jaŋ to. Nte Yaawe si ali bayi, ka ali kasaara.

Yeremiya 27:9

“Wo to ali kana i lamoyi ali la wo annabiyomoolu la, aniŋ ali la juubeerilaalu, siiboo fasarilaalu, bitaarilaalu, aniŋ ali la batuutaalu. Wolu le ka a fo ali te Babiloni mansakewo batu la.

Yeremiya 29:23

Ì ye kuu fuuriŋ baalu le ke Banisirayila kono. Ì niŋ ì siiñoolu la musoolu ye jeenoo ke le, ì ye faniyaa kumoo fo n tooyaa la, m maŋ ì yaamari meŋ na. Nte ŋa wo loŋ ne, ŋa a seedeyaa.” Yaawe le ye a fo.

Yeremiya 42:5

Bituŋ ì ko n ye ko, “Yaawe tilinta le, a faŋo ye ke ǹ seede koyoo ti, niŋ a ye a tara ǹ te baara la kumoolu bee la, a be i niŋ mennu kii la ǹ kaŋ.

Yeremiya 5:2

Ì ka ñiŋ meŋ fo ko, ‘A be koyiriŋ ñaameŋ ko Yaawe be baluuriŋ ne,’ hani wo ì ka kali faniyaa kaŋ.”

Yeremiya 5:29

Fo m maŋ ñaŋ na ì jarabi la ñiŋ na baŋ? Fo m maŋ ñaŋ na juloo joo la ñiŋ banku siifaa to baŋ?” Yaawe le ye a fo.

3 Musa 19:13

Ali maŋ ñaŋ na ali siiñoo nakari la, waraŋ ka a suuñaa. Ali kana balaŋ moo la joo fee, ali ye meŋ taa dookuwo la. A maŋ ñaŋ na suutoo laa la ali bulu.

3 Musa 20:10

Niŋ kee meŋ niŋ a ñoŋ kee doo la musoo ye jeenoo ke, wo kewo niŋ wo musoo bee ñanta le ka faa.

3 Musa 20:27

Kee-wo-kee waraŋ musu-wo-musu meŋ keta juubeerilaa ti, waraŋ furee kumandilaa, ali ñanta le ka a maarii faa. Ì ñanta le ka a maarii kurulabuŋ, aduŋ ì faŋolu le ye ì la saayaa dunoo laa ì faŋ kaŋ.

3 Musa 20:6

Niŋ moo-wo-moo ye juubeerilaalu la yaamaroo ñini, waraŋ furee kumandilaalu, ka tara cakayaa maañaa la ì nooma, m be a maarii kiitindi la le, aduŋ m be a bondi la a la moolu kono le.

Mika 1:2

Ali moyiroo ke bankoolu bee, ali bee kewu. Duniyaa niŋ a konokono feŋolu, ali i lamoyi. M Maarii Yaawe faŋo le be seedeyaa la ali la kuwo la, ka bo a taradulaa senuŋo to.

Habakuki 1:12

Yaawe*, ite be keriŋ ne biriŋ, Yaawe, n na Alla, n na Senuŋ Baa, ite meŋ be tu la fo abadaa. Ite le ye Babiloninkoolu tomboŋ ka kiitii koleŋo laa ǹ kaŋ. Ite tankandirilaa, ite le ye semboo dii ì la ka naa ǹ jarabi.

Jakariya 11:12

Bituŋ n ko ì ye ko, “Ali a juubee ali faŋ fee, niŋ ali ye a je ko, n ñanta joo la le, ali n joo. Niŋ duŋ a maŋ ñaŋ, ali a tu jee.” Bituŋ ì ye kodiforo kuntu taŋ saba doroŋ peesa n ye n na joo ti.

Malaki 1:6

Yaawe Alihawaa Maariyo ko piriisoolu* ye ko, “Dinkewo ka a faa horoma le, aduŋ joŋo fanaa ka a maarii horoma le. Niŋ a ye a tara nte mu ali faamaa ti, n na horomoo diita n na mintoo le? Niŋ m mu ali maarii ti, n na buuñaa diita n na mintoo le? Alitolu le jututa n too la. “Bari ali ka a fo ko, ‘Ntolu jututa i too la ñaadii?’

Malaki 2:14

Ali naata ñininkaaroo ke ko, “Muŋ ne ye wo saabu?” Kaatu Yaawe keta kee-wo-kee niŋ a la musoo teema seedoo le ti, a ye meŋ futuu a la fondinkeeyaa waatoo la. Ali maŋ foroyaa ali la futuumusoolu ye, ì keta ali nomoñoolu ti ñaa-wo-ñaa, futuwo saratoo be ali niŋ mennu teema.

Malaki 2:17

Ali ye Yaawe* batandi ali fokumoolu la ko, “Moolu mennu ka kuu jawoo ke, mu moo betoolu le ti Yaawe ñaa koto, aduŋ a ka kontaani ì la kuwo la le,” aniŋ ka a fo ko, “Alla lee, meŋ mu tiliŋo mansoo ti?” Saayiŋ ali ka naa a fo ko, “Ŋà a batandi ñaadii?”

Luka 23:40

Bari kuu kuruŋ kelaa doo ye wo jalayi ko, “Fo ite maŋ sila Alla la baŋ? I maŋ a je, i be kiitii kiliŋo le kono.

Roomankoolu 3:8

Waraŋ, fo ǹ si a fo noo ko, “Ŋà kuu jawoolu ke baŋ, fo kuu betoolu si siyaa naŋ!” Nendirilaa doolu le ye ǹ tuumi ko, wo le mu ntolu la karandiroo ti, bari wolu be halaki la le ko ì ñanta halaki la ñaameŋ.

5 Musa 15:13

Niŋ ali ye a firiŋ, ali kana a bulu kenseŋo bula ka seyi.

5 Musa 18:10

Ali kana ali diŋolu jani sadaabodulaa* kaŋ. Ali kana soŋ ali la moolu ye juubeeroo ke, lasitakaaroo, batuutaayaa, buwaayaa,

5 Musa 24:17

Ali kana tumarankewolu niŋ aliyatiimoolu la ñantoo nakari, aduŋ ali kana furuyaamusoo la duŋ feŋo taa ka a ke sankayaaraŋo ti juloo kunna.

5 Musa 27:19

Dankoo be moo ye meŋ ka tumarankewo, aliyatiimoo, waraŋ furuyaamusoo la boloo nakari a bulu. Bituŋ moolu bee si a fo ko: Amiin.

5 Musa 5:11

“Ali kana nte Yaawe ali la Alla too fo kuu kuruŋolu kunna, kaatu n te moo-wo-moo le tu la jee, meŋ ye n too fo kuu kuruŋo kunto.

1 Tesalonikankoolu 4:6

Alla lafita le fanaa ko, moo-wo-moo kana landatamboo ke ka a mooñoo nakari ñiŋ kuwo la. Maariyo be i joo la wo moo siifaalu to le wo kuwolu bee la. Ŋà ñiŋ fo ali ye le nuŋ, ka ali dandalaa kendeke.

Hiburunkoolu 13:4

Futuwo si buuñaa alitolu bee kono, aduŋ futuu laaraŋo si seneyaa futuuñoomaalu teema. Alla le be laañooyaa tulunnaalu niŋ jeenelaalu kiitindi la.

Yankuba 5:12

M baadiŋolu, meŋ kummaayaata kuwolu bee ti, ali kana i kali muumeeke. Ali kana i kali Arijana la, duniyaa, waraŋ feŋ-wo-feŋ na. Bari ali la “Haa” si ke “Haa” ti, ali la “Hanii” ye ke “Hanii” ti, fo ali kana bula halakoo kono.

Yankuba 5:4

A juubee, lebereesoolu mennu ye katiroo ke ali la kunkoolu to, ali ye ì la jooroo meŋ nakari tapaleeyaa kono, wo kumboota baake le, aduŋ lebereesoolu la kumboo kaŋolu futata Alihawaa Maariyo* ma le.

Lankenemoo 21:8

Bari jooteentuŋolu, lannabaloolu, moo kosoriŋolu, moofaalaalu, laañooyaa tulunnaalu, batuutaatiyolu, jalambatulaalu aniŋ faniyaa folaalu, wolu bee be ì niyo soto la wo daloo kono le, meŋ ka jani dimbaa niŋ solifa munkoo* la. Wo le mu saayaa fulanjaŋo ti.”

Lankenemoo 22:15

Bari wuloolu niŋ batuutaatiyolu le be a banta la, ì niŋ laañooyaa tulunnaalu, moofaalaalu, jalambatulaalu, aniŋ moolu mennu ye faniyaa foo kanu, aduŋ ì ka loo wo kaŋ.