Malaki 3:15 - Mandinka Bible

¹⁵ Bari saayiŋ a fele, faŋ wara moolu ǹ ka wolu le kumandi neema moolu la. Ì ka baara kuu kuruŋo la ñaa-wo-ñaa, ì ka ñaatotaa soto le. Ì ka tara Alla sooki kaŋ ñaa-wo-ñaa, ì ka kana le.’ ”

Malaki 3:15 Mawu Ofanana

Esita 5:10

Hani wo ñaa-wo-ñaa Hamani ye a faŋ muta, aduŋ a seyita suwo kono. A ye a la musoo Seresi niŋ a teeroolu bee kumandi naŋ.

Yuuba 1:22

Ñinnu bee keriŋo, Yuuba maŋ junube kuu ke, waraŋ ka Alla jalayi.

Yuuba 12:6

Suŋolu yaa ka tara sumayaariŋ ne, aduŋ Alla sookilaalu fanaa ka tara tankoo kono le. Ì ka tara jikiriŋ ì fansuŋ semboo le la ko i la Alla.

Yuuba 21:30

Alla la kamfaa luŋo la, aniŋ a la jarabiroo luŋo la, mennu ka kana, tana buka ke ì la, wolu le mu moo kuruŋolu ti.

Yuuba 22:23

Niŋ i ye i faŋ seyi Alla Tallaa ma, i be muru la i ñaama le. Tilimbaliyaa kuwolu bee bondi i yaa.

Jabuuroolu 10:3

Moo kuruŋo ka kibiri a lafinna kuwolu kaŋ ne. A ka a ñoŋ moo hadumeriŋo jayi le, a ka Yaawe sooki.

Jabuuroolu 106:14

Ì tuta domori meeyaa bambaloo le yitandi la keñewuloo* kono, aduŋ ì ye Alla kotobo jee le.

Jabuuroolu 141:4

N sondomoo kaarindi kuu jawoo ma, n kana m faŋ duŋ kuu jawu kewo to, ka bo niŋ moolu kafuñooyaa la, mennu ka junuboo ke. N tanka ñiŋ ma ka kafu ì ma ì la bidaŋ domoroolu to.

Jabuuroolu 49:18

Hani niŋ moo ye barakoo soto a ñaama, a la baluwo waatoo la, aduŋ moolu ye a jayi kaatu a ye kututeyi a faŋ ye le,

Jabuuroolu 58:2

Hanii, ali ka kuu kuruŋolu le siti ali sondomoolu kono. Ali ka fitinoo le taamandi bankoo kaŋ.

Jabuuroolu 73:12

Moo kuruŋolu be teŋ ne, ì ka tara dahaa le kono, aduŋ ì la sotoo ka lafaa le doroŋ.

Jabuuroolu 73:3

kaatu n kiiliyaata faŋ wara moolu la kuwo le la, biriŋ ŋa a je kuwo bee be sooneeyaariŋ moo kuruŋolu ye.

Jabuuroolu 78:18

Ì ye Alla kotobo le ì la tawunteeyaa kaŋ, biriŋ ì ye domoroo kaniŋ meŋ ye ì meeyaa.

Jabuuroolu 78:41

Ì ye a kotobo le, ì ye a seyinkaŋ-seyinkaŋ, ka Banisirayila la Senuŋ Baa kamfandi.

Jabuuroolu 78:56

Hani wo, ì ye balaŋo tiliŋ Alla Mansa Tallaa la le ka a kotobo, aduŋ ì maŋ a la yaamaroolu muta,

Jabuuroolu 95:9

Ali mumuñolu ye n na kaŋo soosoo, ì ye n na muñoo daŋo kotobo, ì ye n na baara kuu baalu je ñaa-wo-ñaa.

Kuma Kotoomaalu 12:12

Moo kuruŋo ka hame le, ka nafaa soto a la kuu kuruŋ kewo to, bari moo tilindiŋo ka ñaatotaa le soto.

Kawandilaa 8:14

Kuu nafantaŋo doo le fanaa be jee meŋ ka ke ñiŋ duniyaa kono: Moo tilindiŋolu ñanta meŋ soto la, moo kuruŋolu ka wo le soto, meŋ ñanta laa la moo kuruŋolu kaŋ, wo ye laa moo tilindiŋolu kaŋ. N ko, ñiŋ fanaa maŋ ke feŋ ti.

Yesaya 2:22

Ali kana jiki hadamadiŋo la, bankumunkoo doroŋ ne mu, wo koolaa a mu muŋ ne ti?

Yeremiya 7:10

Wo koolaa ali ka naa loo n ñaatiliŋo la ñiŋ buŋo kono, n too be meŋ kunna, ali ka a fo ko, ‘Ǹ tankata le!’ A ye a tara ali be wo kuu ñewundiŋolu ke kaŋ.

Daniyeli 4:30

A kumata ko, “Babiloni juubee a be warariŋ ñaameŋ. Ŋa a loo le ka ke n na mansa saatee baa ti. Ŋa a loo n semboo le la, ka n na mansayaa horomoo niŋ waroo yitandi.”

Daniyeli 4:37

Saayiŋ, nte Nebukanesa ye Arijana Mansoo tentu, ŋa a jayi, aduŋ ŋa a horoma le. A ka kuwo bee taamandi tiliŋo niŋ tooñaa le la, aduŋ niŋ moo-wo-moo ye a faŋ sikandi, a be a maarii jindi la le.

Daniyeli 6:16

Wo le to mansa ye yaamaroo dii ko, ì si Daniyeli samba, ì ye a fayi jatoolu la koloo kono. A ko Daniyeli ye ko, “Allamaa i la Alla ye i tankandi, i ka tu meŋ batu la waati-wo-waati.”

Malaki 2:17

Ali ye Yaawe* batandi ali fokumoolu la ko, “Moolu mennu ka kuu jawoo ke, mu moo betoolu le ti Yaawe ñaa koto, aduŋ a ka kontaani ì la kuwo la le,” aniŋ ka a fo ko, “Alla lee, meŋ mu tiliŋo mansoo ti?” Saayiŋ ali ka naa a fo ko, “Ŋà a batandi ñaadii?”

Malaki 4:1

“Luŋo be naa kaŋ ne meŋ be wulee la ko fuuri dimbaa. Luŋo meŋ, faŋ wara moolu niŋ kuu kuruŋ kelaalu be jani la ko ñaama jaaroo. Niŋ ñiŋ luŋo naata, ì bee le be jani la, ì ye baŋ fereŋ. Nte Yaawe Alihawaa Maariyo* le ye a fo.

Kiilaalu 12:21

Luŋo doo, ì ye meŋ londi, Mansa Herodi ye a la mansawaramboo duŋ. A siita a la siiraŋo kaŋ ka diyaamu ì ye.

Kiilaalu 5:9

Pita ko a ye ko, “Muŋ ne ye a tinna ali kambenta ka Maariyo la Nooroo kotobo? A fele, kewolu mennu ye i keemaa baadee, ì be bundaa to, aduŋ ì be i fanaa samba la le.”

1 Korintinkoolu 10:9

M̀ maŋ ñaŋ na Maariyo kotobo la ko itolu doolu ye a ke ñaameŋ, meŋ ye a tinna saalu ye ì kasaara.

Hiburunkoolu 3:9

Ali mumuñolu ye n na muñoo daŋo kotobo jee le to, hani ì ye n na baara kuu baalu je

1 Pita 5:5

Wo ñaa kiliŋo la, alitolu fondinkewolu, ali soŋ alifaalu ma. Ali ye i fammajii ñoo ye. Ali bee si wo fammajiyo duŋ ali la feetoofatoo ti, kaatu “Alla ka balaŋ faŋ wara moolu ma le, bari moolu mennu ye i fammajii, a ka hiina wolu ma le.”