Malaki 3:13 - Mandinka Bible

¹³ Yaawe ye ñiŋ ne fo ko, “Ŋa ali la kuma jawoolu moyi le, ali ye mennu fo m ma. Bari ali ye ñiŋ ne fo ko, ‘Ntolu ye kuma jawoolu fo i ma ñaadii le?’

Malaki 3:13 Mawu Ofanana

Yuuba 15:13

Muŋ ne ye a tinna i be kamfaa la Alla kamma, ka ñiŋ kuma siifaalu bondi i daa kono?

Yuuba 40:8

Ite si a fo noo baŋ, nte maŋ tiliŋ, i be nte le jalayi la baŋ, ka i faŋo la kuwo tooñaayandi?

Jabuuroolu 10:11

A ka ñiŋ ne fo a faŋ ma ko, “Alla daa te n na kuu to. A ye a ñaa kaasi n na le. A nene te n je la.”

2 Musa 5:2

Firawoona kumata ko, “Jumaa le mu Yaawe ti? Muŋ ne ye a tinna, m be n lamoyi la a la, ka Banisirayilankoolu bula ì ye taa? M maŋ Yaawe loŋ, aduŋ m maŋ taa Banisirayilankoolu bula la ì ye taa.”

Yesaya 3:8

Yerusalaamu be jiijaa kaŋ ne, Yahuuda be boyi kaŋ, kaatu ì fokumoolu niŋ ì kekuwolu ka Yaawe le sooki, ka balaŋo tiliŋ a la semboo niŋ waroo la.

Yesaya 37:23

Sennakeribu bulata jumaa le la ka a neŋ? A ye a kaŋo sikandi ka sari jumaa le kaŋ? A ye a ñaalu wulindi kufaŋo kono nte le kamma, Banisirayila la Senuŋ Baa.

Yesaya 46:12

Ali i lamoyi n na, alitolu jusu jaaroolu, tiliŋo be jamfariŋ alitolu mennu la.

Yesaya 5:19

Ì ka a fo ko, “Alla ye i tariyaa, a ye i tariyaa a la dookuwo la, fo ǹ si a je! Banisirayila la Senuŋ Baa la feeroo ye naa, fo ǹ si a loŋ!”

Yeremiya 44:18

Bari kabiriŋ waatoo meŋ na ŋà m foño ka sadaa bondi Saŋo Santo Musumansoo ye, aniŋ ka miŋ feŋ sadaa boŋ a ye, m̀ maŋ feŋ soto, aduŋ feŋo bee le ye m̀ manki, hawusaroo niŋ konkoo ye ǹ kasaara le.”

Yeremiya 8:12

Ì ye kuu ñewundiŋolu mennu ke, wolu ñanta ì malu la le, bari hanii, ì maŋ malu fereŋ, ka malu fo i ye tara, itolu maŋ wo loŋ. Wo to ì niŋ moolu le be busandi la ñoo la mennu ñanta ka busandi, ì ye kasaara. N na ì jarabi waatoo la, ì be baŋ na wo le fee.” Yaawe le ye a fo.

Esekiyeli 18:25

“Hani wo ali ka ñiŋ ne fo ko, ‘Maariyo la kiitiyo maŋ tiliŋ.’ Alitolu Banisirayilankoolu, ali i lamoyi n na. Nte le la kiitiyo maŋ tiliŋ baŋ? Wo ye a tara alitolu faŋolu le tilimbaliyaata.

Esekiyeli 35:13

Ali ka ali faŋ wara le aniŋ ka tenteŋ ka faŋ wara kumoolu fo m ma. Ŋa a moyi le.”

Hoseya 7:16

Ì maŋ muru nte Alla Tallaa kaŋ, ì ka muluŋ ne ko kala jenkeriŋo. Hawusaroo* le be ì la maralilaalu faa la, ì daakumoo la jawuyaa kamma. Ñiŋ be ì ke la jelefeŋo le ti Misira.”

Malaki 2:14

Ali naata ñininkaaroo ke ko, “Muŋ ne ye wo saabu?” Kaatu Yaawe keta kee-wo-kee niŋ a la musoo teema seedoo le ti, a ye meŋ futuu a la fondinkeeyaa waatoo la. Ali maŋ foroyaa ali la futuumusoolu ye, ì keta ali nomoñoolu ti ñaa-wo-ñaa, futuwo saratoo be ali niŋ mennu teema.

Malaki 2:17

Ali ye Yaawe* batandi ali fokumoolu la ko, “Moolu mennu ka kuu jawoo ke, mu moo betoolu le ti Yaawe ñaa koto, aduŋ a ka kontaani ì la kuwo la le,” aniŋ ka a fo ko, “Alla lee, meŋ mu tiliŋo mansoo ti?” Saayiŋ ali ka naa a fo ko, “Ŋà a batandi ñaadii?”

Malaki 3:12

“Bankoolu bee le be ali la neemoo fo la. Ali la bankoo be ke la niiseewoo bankoo le ti.” Yaawe Alihawaa Maariyo le ye a fo.

Malaki 3:14

“Ali ye ñiŋ ne fo ko, ‘Alla batoo maŋ nafaa soto. Muŋ nafaa le be ǹ ye jee, ka tara bulariŋ a la yaamaroolu nooma, aniŋ ka tara taa kaŋ Yaawe Alihawaa Maariyo ñaatiliŋo la ko saŋawoosiilaalu?

Malaki 3:8

“Fo moo ñanta le ka Alla suuñaa baŋ? Bari alitolu wo de, alitolu ye n suuñaa le. “Bari ali ye ñiŋ ne fo ko, ‘Ntolu si ite suuñaa noo ñaadii?’ “Ali ka a ke ali la jakoolu le to, aniŋ ali la sadaa koteŋolu.

Roomankoolu 9:20

Bari ite, hadamadiŋo, jumaa le mu ite ti ka kumoo murundi Alla kaŋ? Fo meŋ daata si a fo noo a daalaa ye ko, “Muŋ ne ye a tinna i ye n daa teŋ?”

2 Tesalonikankoolu 2:4

meŋ ka balaŋ feŋ-wo-feŋ na, moolu ka mennu batu. A ka a faŋ sikandi le ka tambi feŋolu bee la, a be hani sii la Alla Batudulaa kono le ka a fo ko, ate le faŋo mu Alla ti.