Malaki 3:12 - Mandinka Bible

¹² “Bankoolu bee le be ali la neemoo fo la. Ali la bankoo be ke la niiseewoo bankoo le ti.” Yaawe Alihawaa Maariyo le ye a fo.

Malaki 3:12 Mawu Ofanana

2 Taarika 32:23

Moo jamaa ye soorifeŋolu samba naŋ Yaawe ye Yerusalaamu, ì ye feŋ kummaa baalu samba naŋ Mansa Hesekiya ye, Yahuuda mansa. Bituŋ bankoolu bee ye a kuliyaa ka bo wo waatoo la.

Jabuuroolu 72:17

Allamaa mansa too tu la keriŋ fo fawu, a too ye tu bo la ko tiloo. Allamaa bankoolu moolu ye neema ka bo niŋ ate la, aniŋ ì ye a kumandi neemariŋo la.

Yesaya 61:9

Ì koomalankoolu te ke la moo maaboriŋ ti, bankoolu kaŋ, aduŋ mennu bota ì bala, be daraja la moolu kono le. Moo-wo-moo ye ì je, be soŋ na le ko, ñinnu mu moolu le ti, nte Yaawe neemata mennu ma.”

Yesaya 62:4

Moolu te i kumandi la Tumbuŋo la kotenke, waraŋ Banku Tiñaariŋo. Ì be i kumandi la Kanuntee Saatewo le la, i la bankoo be muluŋ na le ko maañoo, kaatu Yaawe be kontaani la i la kuwo la le, aduŋ i la bankoo be ke la a taa le ti, ko maañoo ka ke a keemaa taa ti ñaameŋ.

Yesaya 62:5

I diŋolu be i topatoo la seewoo le kono, ko fondinkewo ka a la maañoo topatoo ñaameŋ. Alla be seewoo soto la i la karoo la le, ko maañootiyo ka kontaani a la maañoo la kuwo la ñaameŋ.

Yeremiya 33:9

Ñiŋ Yerusalaamu saatewo too si ke n ye seewoo ti, duniyaa banku koteŋolu bee ye n jayi, ka n horoma baake, niŋ ì ye a moyi nte ye kuu kendoo meŋ bee ke ñiŋ saatewo moolu ye. Wo moolu be kuu kendoo niŋ firiŋo je la le, ŋa meŋ dii ñiŋ saatewo la, fo ì ye sila ka jarajara.

Daniyeli 11:41

A niŋ a la kelediŋolu be banku neemariŋo faŋo boyinkaŋ na le. A be moo wuliwuloolu le faa la, bari banku doolu be tanka la a ma le: Edomu, Mowabi, aniŋ Ammoninkoolu mennu tuta.

Daniyeli 8:9

Binandiŋo naata finti bina kiliŋ bala, ñiŋ bina naanoolu kono. Binandiŋo la semboo lafaata baake bulubaa karoo la, aniŋ tilibo karoo la, aniŋ banku neemariŋo kaŋ.

Jakariya 8:23

Yaawe Alihawaa Maariyo ye ñiŋ ne fo ko: Ñiŋ waatoo la, sii koteŋolu moo taŋ si i miniŋ Yahuudoo la waramba tuloo la, ka a fo a ye ko, “M̀ batu ŋà bula ali nooma, kaatu ŋà a moyi le ko, Alla be ali fee le.”

Malaki 3:13

Yaawe ye ñiŋ ne fo ko, “Ŋa ali la kuma jawoolu moyi le, ali ye mennu fo m ma. Bari ali ye ñiŋ ne fo ko, ‘Ntolu ye kuma jawoolu fo i ma ñaadii le?’

Luka 1:48

A hakiloo bulata a la joŋ fammajiiriŋo la. Ka bo saayiŋ na, moolu be n kumandi la neemariŋo le la, ka bo jamaani ka taa jamaani,

5 Musa 11:12

Yaawe ali la Alla faŋo le ka wo bankoo topatoo, aduŋ a faŋo le ka jee kanta, ka bo saŋo datidulaa fo a labandulaa to.