Malaki 3:11 - Mandinka Bible

¹¹ M be kuntiŋolu bayi la ali ye le, ì kana ali la bankoo siimaŋ feŋolu kasaara, aduŋ ali la wayini* yiroolu be diŋ na le kendeke. Nte Yaawe Alihawaa Maariyo le ye a fo.

Malaki 3:11 Mawu Ofanana

Yeremiya 8:13

Yaawe ko: “M be ì la fiifeŋolu taa la ì bulu le, sooto diŋ te soto la, sootoolu santo, sako wayini* yiridiŋ si soto wayini yiroolu santo, ì jamboolu bee ye jaa. Ŋa meŋ dii ì la, a be buusi la ì la le.”

Hoseya 2:21

Yaawe ko: “Wo luŋo la, m be n danku la le, m be n danku la saŋo la le, saŋo ye i danku bankoo ma sanjoo la,

Yoweli 1:12

Wayini yiroo jaata, sooto suŋo norota, roomaani* suŋo, tamarewo aniŋ pomu suŋo, yiroolu bee le jaata. Tooñaa, moolu la seewoo danta.

Yoweli 1:4

Kuntiŋolu mennu ka kunturoo ke, wolu ye too meŋ tu, kuntiŋ koorewolu ye wo domo. Kuntiŋ koorewolu ye too meŋ tu, kuntiŋ podilaalu ye wo domo. Kuntiŋ podilaalu ye too meŋ tu, kuntiŋ tiñaarilaalu ye wo domo.

Yoweli 1:7

Ì ye n na wayini yiroolu kenseŋo londi, ì ye n na sooto suŋolu faraŋ-faraŋ, ì ye ì fatoolu woto ka ì fayi duuma, fo ì buloolu koyita.

Yoweli 2:20

M be kelediŋolu bayi la le, mennu bota naŋ maraa karoo la, ì ye jamfa ali la. M be ì bayi la keñewula kiideeriŋo le kono. Bari mennu be ñaato, m be wolu bayi la Koojii Baa le to, mennu be kooma, ŋa wolu bayi Baa Baa* to, ì furewolu sunkaŋo ye wuli santo. M be ì yankankati la le, kaatu ì ye ì faŋ wara baake le.

Yoweli 2:22

Alitolu beeyaŋolu, ali kana sila, kaatu wuloo ñaamoo bee be jambakereriŋ ne, yiroolu dinta, sooto suŋolu niŋ wayini yiroolu dinta a ñaama.

Yoweli 2:25

“Ŋa kelediŋ kafu baa meŋ kii ali kaŋ, kuntiŋ koorewolu, kuntiŋ podilaalu, kuntiŋ tiñaarilaalu, kuntiŋ kunturilaalu, ì ye fiifeŋolu mennu bee domo saŋolu la, m be ì bee le jooseyi la.

Amosi 4:9

“Ŋa ali la siimaŋ feŋolu kuurandi ka toli aniŋ ka jaa. Kuntiŋolu ye ali la naakito feŋolu kasaara, aniŋ ali la wayini* yiri kankaŋolu, sooto yiroolu aniŋ olifu* yiroolu. Bari hani wo bee, ali maŋ soŋ muru la n kaŋ.” Yaawe le ye a fo.

Habakuki 3:17

Hani niŋ sooto yiroolu maŋ firi faŋ, aduŋ diŋ te wayini* yiroolu bala, olifu* yiroolu maŋ diŋ, kunkoolu maŋ siimaŋ bondi, saajiyolu bee yeemanta saajii buŋo kono, ninsi fanaa te ninsi buŋolu kono,

Hakayi 1:11

Wo le ye a tinna ŋa jaa kili bankoo kaŋ, aniŋ konkoolu kaŋ. A be feŋolu bee le maa la, mennu keta siimaŋ kesemaalu ti, wayini* yiri kankaŋolu, wayini kutoo ka bo daameŋ, olifu* yiri kankaŋolu, tuloo ka bo daameŋ, ka taa bankoo ka fiifeŋ-wo-fiifeŋ wuluu, aniŋ hadamadiŋolu niŋ beeyaŋolu, aniŋ ali ka feŋ-wo-feŋ sene ali buloolu la.”

Hakayi 2:17

Ŋa ali niŋ ali la senefeŋolu bee busa le, ka bo niŋ jaa la, fiifeŋ kuuraŋo, aniŋ saŋ beroo, bari hani wo de, ali maŋ muru naŋ n kaŋ.” Yaawe le ye a fo.

Jakariya 8:12

Ali be fiiroo ke la kayiroo kono le, wayini* yiroolu ye diŋ kendeke. M be ali la bankoo barakandi la le, saŋo ye sanjiyo jindi. Ñiŋ bee be ke la alitolu moo toomaalu le taa ti.

5 Musa 11:14

Niŋ ali ye wo ke, a be samaajiyo dii la ali la a waatoo la le, samaa foloo jiyo aniŋ samaa labaŋ jiyo, fo ali si siimaŋ kese jamaa soto, wayini* yiridiŋolu aniŋ olifu* tuloo.