Malaki 2:17 - Mandinka Bible

¹⁷ Ali ye Yaawe* batandi ali fokumoolu la ko, “Moolu mennu ka kuu jawoo ke, mu moo betoolu le ti Yaawe ñaa koto, aduŋ a ka kontaani ì la kuwo la le,” aniŋ ka a fo ko, “Alla lee, meŋ mu tiliŋo mansoo ti?” Saayiŋ ali ka naa a fo ko, “Ŋà a batandi ñaadii?”

Malaki 2:17 Mawu Ofanana

Yuuba 34:17

Meŋ maŋ lafi tiliŋo la, wo si maraloo ke noo baŋ? Fo i lafita Alla le tuumi la baŋ, Mansoo meŋ be warariŋ, a tilinta?

Yuuba 34:36

M be lafi la, Yuuba la kuwo ye kisikisi kendeke, a ye jaabiriñaa meŋ ke ko moo kuruŋo.

Yuuba 36:17

Bari hani wo bee, i tarata jalayiroo kaŋ ne ko moo kuruŋo, bituŋ kiitindiroo niŋ jaraboo laata i kaŋ saayiŋ.

Yuuba 9:24

Alla ye duniyaa duŋ moo kuruŋolu le bulu. A ye kiitiikuntulaalu bee ñaalu finkindi. Niŋ Alla maŋ a ke, jumaa le ye a ke?

Kawandilaa 8:11

Moolu be naafa la kuu jawu kelaalu jaraboo la doroŋ, hadamadiŋolu sondomoo be wajabi la kuruŋyaa kuu kewo kaŋ.

Yesaya 1:14

Ŋa ali la Kari Kuta Juuraloolu koŋ ne, aniŋ ali la diina beŋ koteŋolu. Ì keta n ye duni baa le ti, m muñata ì la le fo m bataata.

Yesaya 29:15

Kooroo be moolu le ye mennu ye a kata baake, ka ì la yaamaroolu maabo Yaawe ma. Ì ka ì la kebaaroolu ke diboo kono, ì ka a fo ko, “Jumaa le ka ǹ je? Jumaa le be a loŋ na, ǹ ka meŋ ke?”

Yesaya 30:18

Hani wo, Yaawe be hameriŋ ne ka hiina ali ma, a pareeta le ka balafaa yitandi ali la, kaatu Yaawe mu Alla le ti meŋ tilinta. Seewoo be moolu le ye mennu ka ì jikoo loo a kaŋ.

Yesaya 43:22

“Hee Yaakuba, hani wo ali maŋ m batu. Hee Banisirayila, ali pasita n na kuwo la le.

Yesaya 43:24

Ali maŋ hani ñaama seeralaa le saŋ n ye naŋ, waraŋ ka n seewondi ali la beeyaŋ sadaalu keŋo la. Bari ali ye n toora niŋ ali la junuboolu le la, aniŋ ka m batandi ali la kuu kuruŋolu la.

Yesaya 7:13

Wo to le Yesaya ko, “Dawuda koomalankoolu, ali i lamoyi n na. Nte pasita ali la balambaatooyaa la le, saayiŋ ali lafita wo le tiliŋ na Alla fanaa la.

Yeremiya 12:1

Hee Yaawe*, ite le be boloo la, niŋ ŋa tuumiroo naati i kaŋ. Hani wo, m be n na kuwo laa la i ñaa koto le. Muŋ ne ye a tinna moo kuruŋolu ka yiriwaa? Muŋ ne ye a saabu moo jenkeriŋolu ka ñaatotaa soto?

Yeremiya 15:6

Alitolu le ye i bo nte to, ali tuta ali koo dii la n na. Wo le ye a tinna m buloo laata ali kaŋ ka ali kasaara, kaatu m bataata sabari la le.

Yeremiya 17:15

A juubee moolu ka a fo n ye ko, “Yaawe ye kumoo meŋ fo ko a be ke la, a lee? A ye ke baŋ!”

Yeremiya 44:22

Yaawe maŋ ali la kuu jawu baaroolu niŋ ali la kuu ñewundiŋ kewo muña noo. Wo le ye a tinna ali la bankoo keta tumbuŋo ti ka kenseŋyaa, aniŋ ka ke danka feŋo ti, aduŋ moo te siiriŋ jee, ko a be ñaameŋ bii.

Esekiyeli 16:43

Bayiri i maŋ i miira i fondinkeemaa la, i ka naa n kamfandi ñiŋ kuu siifaalu la, wo to i ye kuwolu mennu ke, m fanaa ye wolu le murundi i kaŋ. Fo dii i maŋ cakayaa le lafaa i la ñiŋ kuu haraamuriŋolu bee kono baŋ?” Maarii Yaawe ye wo le fo.

Esekiyeli 18:25

“Hani wo ali ka ñiŋ ne fo ko, ‘Maariyo la kiitiyo maŋ tiliŋ.’ Alitolu Banisirayilankoolu, ali i lamoyi n na. Nte le la kiitiyo maŋ tiliŋ baŋ? Wo ye a tara alitolu faŋolu le tilimbaliyaata.

Esekiyeli 8:12

Wo to le a ko n ye ko, “Hadamadiŋo, i ye a je le Banisirayila alifaalu be meŋ ke kaŋ kulloo kono baŋ? Ì bee ye jalaŋolu le soto ì la buŋolu kono. Ì ka ñiŋ ne fo ko, ‘Yaawe buka ǹ je, kaatu a ye a daa bondi ǹ na bankoo la kuwo to le.’ ”

Esekiyeli 9:9

Wo to le, a ye n jaabi ko, “Banisirayilankoolu niŋ Yahuuda moolu la kuruŋyaa landatambita le. Ì ye ì la bankoo kaŋ bee fandi niŋ moofaa niŋ tilimbaliyaa kuwolu le la. Ì ka naa a fo ko, ‘Yaawe ye a daa bondi ǹ na bankoo la kuwo to le, a buka ǹ je.’

Amosi 2:13

Wo kamma la m be ali dori la le, ko sareetoo ka feŋo dori bankoo to ñaameŋ niŋ a be faariŋ siimaŋ kunsitoolu la.

Sefaniya 1:12

Wo waatoo la, m be tara la Yerusalaamu ñini la niŋ lampu maloo le la. M be moolu jarabi la le, mennu be laariŋ ì faŋ na ko, ì la kuwolu be beteyaariŋ ne. Ì ka ñiŋ miira ko, Yaawe te kuu ke la, a jawumaa to baŋ, waraŋ fo a betemaa to.

Malaki 2:14

Ali naata ñininkaaroo ke ko, “Muŋ ne ye wo saabu?” Kaatu Yaawe keta kee-wo-kee niŋ a la musoo teema seedoo le ti, a ye meŋ futuu a la fondinkeeyaa waatoo la. Ali maŋ foroyaa ali la futuumusoolu ye, ì keta ali nomoñoolu ti ñaa-wo-ñaa, futuwo saratoo be ali niŋ mennu teema.

Malaki 3:8

“Fo moo ñanta le ka Alla suuñaa baŋ? Bari alitolu wo de, alitolu ye n suuñaa le. “Bari ali ye ñiŋ ne fo ko, ‘Ntolu si ite suuñaa noo ñaadii?’ “Ali ka a ke ali la jakoolu le to, aniŋ ali la sadaa koteŋolu.

5 Musa 32:4

Ate le mu Semberaŋ Bere Baa ti, a kekuwolu maŋ sootaari soto, a la siloolu bee tilinta. Alla foroyaata le, faniyaa te a la kuwo to, ate mu tiliŋo niŋ tooñaa le ti.

1 Samuweli 2:3

Ali kana tu diyaamu la ka ali faŋolu sikandi, ali si ali la kuma baalu talaa. Kaatu Yaawe mu Alla le ti, meŋ ye moo la kuwolu loŋ, aduŋ ate le ka ke moolu la kebaaroolu peesarilaa ti.