Malaki 1:3 - Mandinka Bible

³ Ŋa Esawu koŋ ne, ŋa a la konkotundoo* kenseŋyandi, ka a la keetaafeŋo ke kunkuwuloolu sabatidulaa ti.”

Malaki 1:3 Mawu Ofanana

1 Musa 25:23

Yaawe ko a ye ko, “Lasili fula le be i wuluuñaŋo kono. Ñiŋ lasili fuloo be ke la balannaa le ti ñoo ma. Doo le semboo be wara la doo ti. Keebaamaa le be ke la dindimmaa ye dookuulaa ti.”

Yesaya 35:7

Bankumunku kandoo bee be ke la jiyo le ti, banku jaaroo ye woyoolu fintindi. Kunkuwuloolu sabatidulaa, saayiŋ ñantaŋo, seyiŋo, aniŋ baakintoo le be faliŋ na jee.

Yeremiya 49:10

Bari nte ŋa Esawu koomoo wura le fefes, ŋa a maabodulaa waañaari, a te i maabo noo la. A diŋolu, a baadiŋolu, a siiñoolu bee le kasaarata, Edomu te keriŋ kotenke.

Yeremiya 49:20

Wo to ali lamoyiri ke, nte Yaawe ye meŋ feere Edomu kamma, aniŋ ŋa meŋ nata Temaninkoolu kamma. Ì be ì bayi la le ko saajii koorewo, hani dindiŋolu niŋ moo koririŋolu.

Yeremiya 49:33

“Hasori be ke la kunkuwuloolu la daakaa le ti, ka kenseŋyaa fo fawu. Moo te sabati la jee, moo te sii la jee fereŋ.”

Yeremiya 49:7

Ñiŋ kiilaariyaa kumoo le fota Edomu ma: Yaawe Alihawaa Maariyo ye ñiŋ ne fo ko: “Fo moo ñaamendiŋ maŋ tu Temani baŋ? Fo ñaameŋo yaamaroo kasaarata ì kono le baŋ? Fo ì la ñaameŋo yeemanta le baŋ?

Yeremiya 49:8

Alitolu Dedaninkoolu, ali bori de, ali ye muru ali koo la, ka maabo berehuwolu kono, kaatu n ka naa maasiiboo le boyi Esawu koomoo kaŋ, tuma meŋ m be ì jarabi la.

Yeremiya 51:37

Babiloni be ke la tumbuŋ tuŋolu le ti, a ye ke kunkuwuloolu la daakaa ti, a ye ke kijafara kuwo niŋ ciipuru feŋo ti, moo te tara la siiriŋ jee.

Yeremiya 9:11

Yaawe ko: “M be Yerusalaamu ke la tumbuŋo le ti, a ye ke kunkuwuloolu la daakaa ti. M be Yahuuda saatewolu kenseŋyandi la le, moo te sabati la jee.”

Niikuyaa Suukuwolu 4:22

Yoo, ite Siyoni, i jarabita i la junuboolu kaŋ ne, Yaawe te i mendi la mutoo kono kotenke. Bari ite Edomu, a be i jarabi la i la junuboolu la le, a ye i la kuu kuruŋolu waañaari.

Esekiyeli 36:7

Wo kamma la, ŋa m bulubaa buloo wulindi ŋa n kali ko, wo bankoolu mennu be ali dandaŋolu la, ì fanaa be bula la wo mantoora siifaa kiliŋo le kono.” Maarii Yaawe le ye a fo.

Esekiyeli 36:9

Nte de, m be loo la ali ye le ka ali deemaa, ali la bankoo be sene noo la le, ali la moolu ye fiiroo ke jee.

Yoweli 3:19

“Misira be ke la tumbuŋo le ti, Edomu ye ke keñewula* kenseŋo ti, ì la Yahuuda fitinoo kaŋ, ì ye moolu faa jee, mennu maŋ kuu ke.

Obadiya 1:10

“Ali la fitinoo tiliŋo ali baadiŋolu la, Yaakuba koomalankoolu kamma la, ali be ke la dooyaa moolu le ti, ali be kasaara la le fo fawu.

Luka 14:26

a ko ì ye ko: “Niŋ moo-wo-moo be naa nte kaŋ, aduŋ a maŋ n kanu ka tambi a faamaa la, a baamaa, a la musoo, a diŋolu, a baadinkewolu, a baarimmusoolu, aniŋ hani a faŋo la baluwo, a te ke noo la n noomalankoo ti.