Maaka 13:8 - Mandinka Bible

⁸ Bankoolu be wuli la le ka ñoo kele, mansakundaalu ye ñoo kele, aduŋ banku jarajaroo be ke la dulaa jamaa le to aniŋ konko jawoo. Ñinnu bee ka munta le ko tiŋo foloodulaa.

Maaka 13:8 Mawu Ofanana

2 Taarika 15:6

Banku ka boyi banku kaŋ, saatee ka boyi saatee kaŋ, kaatu Alla faŋo le be ì toorandi kaŋ mantoora kuu siifaa jamaa la.

Jabuuroolu 48:6

Jarajaroo niŋ dewuŋ baa le dunta ì la, komeŋ niŋ tiŋo ye musoo maa,

Yesaya 19:2

Yaawe ko: “M be Misirankoolu dundi la ñoo la le, ì ye kele. Baadimmaalu si keloo wulindi ñoo kamma, siiñoolu ye a wulindi ñoo kamma, saatee ye a wulindi saatee kamma, kumandaŋ mara bankoolu ye a wulindi ñoo kamma.

Yesaya 29:6

Wo loo to, Yaawe* Alihawaa Maariyo* si i kiisa. A niŋ saŋ feteŋ baa le be naa ñoo la, banku jarajara baa, foño saŋara baa, turubaadoo, aniŋ kasaarali dimbaa neŋolu.

Yesaya 37:3

Ì ko a ye ko, “Hesekiya ko bii luŋo mu niitooroo le ti, jaraboo, aniŋ maloo. Ǹ ka munta le ko deenaanoolu mennu pareeta wuluu la, bari ì baamaa maŋ semboo soto ka ì wuluu.

Yeremiya 13:21

I be muŋ ne fo la, niŋ ì ye moolu marandi i kunna, ite faŋo ye mennu muta i teeroolu ti? Fo dimiŋo te duŋ na i la baŋ, ko dimiŋo ka musoo muta tiŋo to ñaameŋ?

Yeremiya 22:23

Ite ye i la ñaŋo dadaa Libanooni sedari* yiroolu le la. Bari i be ŋuntaŋ na ñaameŋ, niŋ dimiŋo laata i kaŋ luŋo meŋ na, dimiŋo, ko niŋ tiŋo ye musoo maa!

Yeremiya 25:32

Yaawe Alihawaa Maariyo ye ñiŋ ne fo ko: “A juubee, kasaaroo le be janjaŋ kaŋ ka bo banku ka taa banku, aduŋ turubaadi baa le ka maamaŋ naŋ duniyaa dulaa jamfariŋolu to.”

Yeremiya 4:31

Ŋa musu le kumboo kaŋo moyi tiŋo to, a ŋuntaŋ kaŋo ka munta meŋ be a diŋ foloo wuluu kaŋ. Wo mu Dimmusuriŋ* Siyoni le ŋuntaŋ kaŋo ti, ka i niijii. A ye a buloolu wulindi le, a ka a fo ko, “Ayiwaalii nte! M be ketu kaŋ ne. N siyo dunta moofaalaalu le bulu.”

Yeremiya 49:24

Damasiku sembentaŋyaata le, a muruta a koo la ka bori, kijafaroo ye a muta, niikuyaa niŋ dimiŋo dunta a la, ko tiŋ ye musu maa.

Yeremiya 50:43

Yaawe ko: “Babiloni mansakewo ye ì kibaaroo moyi le, a buloolu tuta yondiŋ. Kijafaroo le ye a muta, aniŋ dimiŋo ko tiŋ ye musu maa.

Yeremiya 6:24

Yerusalaamunkoolu ko, “Ŋà ì kibaaroo moyi le, m̀ buloolu tuta yondiŋ. Niitooroo le laata ǹ kaŋ komeŋ niŋ tiŋo ye musoo maa.

Hakayi 2:22

M be maralilaalu la mansasiiraŋo boyindi la le, aniŋ ka banku koteŋolu la semboo janjaŋ. M be keleraŋ sareetoolu* niŋ ì borindilaalu boyindi la le. Suwoolu niŋ ì borindilaalu be boyi la le, aduŋ ì dammaalu le be ñoo faa la niŋ hawusaroo* la.”

Jakariya 14:13

Wo luŋo la, Yaawe be a ke la le, ì ye bara ka duŋ ñoo to. Moo si ñapi a mooñoo kaŋ, ì ye kele.

Matiyu 24:8

Ñiŋ kuwolu bee ka munta le doroŋ ko tiŋo foloodulaa.

Maaka 13:7

Ali be keloolu moyi la le, aniŋ kele kibaaroolu, bari ali kana sila. Wo kuwolu ñanta ke la le, bari wo maŋ ke labandulaa ti.

Maaka 13:9

“Bari ali si ali hakiloolu tu ali faŋolu to, kaatu ì be ali samba la kansulumoolu ñaatiliŋo la le. Ì be ali buutee la ì la diina bendulaalu* kono le. Ali be loo la maralilaalu niŋ mansoolu ñaatiliŋo la le n na kuwo kamma. Wo to ali be ke la n na seedoolu le ti ì ye.

Kiilaalu 11:28

Bituŋ kiliŋ wulita ì kono, meŋ too mu Akabus ti. A loota ka ñaatokumoo fo ko, konko baa le be boyi la ñiŋ duniyaa bee kono, meŋ be Rooma bankoo la maraloo koto. Ñiŋ konkoo keta Rooma mansa Kalawudiyus la marali waatoo le la.

1 Tesalonikankoolu 5:3

Niŋ moolu ko, “Kayiroo niŋ tenkuŋo le be keriŋ,” bituŋ waati kiliŋ doroŋ, kasaaroo si boyi ì kaŋ ko tiŋo ka boyi musukonomaa kaŋ ñaameŋ, moo te kana noo la a ma.

Lankenemoo 6:4

Suu doo fanaa fintita naŋ, meŋ be wuleeriŋ. A borindilaa ye kaŋo soto le ka kayiroo bondi duniyaa kono fo moolu si ñoo faa, aduŋ hawusari* baa le diita a la.