Luka 5:37 - Mandinka Bible

³⁷ Aduŋ moo buka wayini* kutoo ke sufura kotoolu kono. Niŋ wo keta, wayini kutoo be sufuroolu feteŋ na le. A be boŋ na le, aduŋ sufuroolu be tiñaa la le.

Luka 5:37 Mawu Ofanana

Jabuuroolu 119:83

M fasata le komeŋ niŋ sufura bootoo meeta siisiyo kono, hani wo m maŋ ñina i la luwaalu la.

Matiyu 9:17

Wo ñaa kiliŋo la, wayini* kutoo buka ke sufura kotoolu kono. Niŋ wo keta, sufuroolu be feteŋ na le, wayinoo be boŋ na le, aduŋ sufuroolu be tiñaa la le. Wayini kutoo ka ke sufura kutoolu le kono, fo ì bee kana tiñaa.”

Luka 5:36

Yeesu ye mansaaloo fanaa fo ì ye ko: “Moo buka bayikuntoo fara waramba kutoo bala ka a lenkelaa waramba kotoo bala. Niŋ a ye wo ke, a be waramba kutoo fara la le. Bayikuntoo meŋ bota kutamaa bala, a niŋ kotoomaa te ñoo taa la.

Luka 5:38

Wayini kutoo ñanta ke la sufura kutoolu le kono.

Yosuwa 9:13

Ali ye ñiŋ wayini sufurabootoolu mennu je teŋ, kabiriŋ m̀ be ì soodi kaŋ nuŋ, ì kutamaalu le mu. Bari ali ì juubee, ì bee be faraŋ-farandiŋ. Aduŋ ǹ na duŋ feŋolu aniŋ ǹ na samatoolu bee la tiñaa sunta ñiŋ dulaa jaŋo taamoo le la.”

Yosuwa 9:4

ì ye feeroo siti: Ì wulita ka taa, ì ye i faŋ ke kiilaalu ti. Ì ye booto kotoolu niŋ wayini* sufurabooto kotoolu laa ì la faloolu koo to, wolu bee be lenkelaariŋ.