Luka 3:2 - Mandinka Bible

² Kabiriŋ Annas niŋ Kayifas mu piriisi* kuntii baalu ti, wo waatoo le mu, Alla la kumoo naata Yaayaa kaŋ, Jakariya dinkewo, meŋ sabatita keñewuloo* kono.

Luka 3:2 Mawu Ofanana

Yesaya 40:3

Moo kumakaŋo be sari kaŋ ko: “Ali Yaawe la siloo parendi keñewuloo* kono. Ali sila fanuŋo tembendi ǹ na Alla ye.

Yeremiya 1:2

Yaawe* la kumoo naata Yeremiya kaŋ Mansa Yosiya, Amoni dinkewo la maraloo sanji taŋ niŋ sabanjaŋo le kono, Yahuuda bankoo kaŋ.

Yeremiya 2:1

Yaawe* la kumoo naata nte Yeremiya kaŋ ko,

Esekiyeli 1:3

Wo luŋo la le, Yaawe* la kumoo naata nte Piriisi* Esekiyeli kaŋ, Busi dinkewo, Kebari Boloŋo daala, Babiloni bankoo kaŋ. Yaawe la semboo jiita n kaŋ jee le to.

Yunusa 1:1

Yaawe* la kumoo naata Amitayi dinkewo Yunusa kaŋ.

Mika 1:1

Yaawe* ye ñiŋ kiilaariyaa kumoo le lankenemayandi Mika Moresetinkoo ma Samariya la kuwo to, aniŋ Yerusalaamu. A keta Mansa Yotamu tiloo le la, Mansa Ahasi, aniŋ Mansa Hesekiya, Yahuuda bankoo kaŋ.

Sefaniya 1:1

Yaawe* ye ñiŋ kiilaariyaa kumoo le lankenemayandi Sefaniya ma. Sefaniya mu Kusi dinkewo le ti, Kusi mu Kedaliya dinkewo ti, Kedaliya mu Amariya dinkewo ti, Amariya mu Hesekiya dinkewo ti. Kiilaariyaa ñiŋ keta Mansa Yosiya, Amoni dinkewo la maraloo waatoo le la Yahuuda bankoo kaŋ.

Matiyu 11:7

Kabiriŋ Yaayaa la saayiboolu be muru kaŋ, Yeesu ye a dati ka Yaayaa la kuwo fo kafoo ye ko, “Ali taata muŋ ne juubee keñewuloo* kono? Fo baakintoo le mu baŋ, foñoo ka meŋ jiijaa?

Matiyu 26:3

Wo waatoo la piriisi* ñaatonkoolu niŋ alifaalu tarata bendiŋ ñoo kaŋ piriisi kuntii baa Kayifas la koridaa baa kono.

Maaka 1:2

A naata ke ko Alla la kumoo be safeeriŋ Annabilayi Yesaya la kitaaboo kono ñaameŋ: “M be n na kiilaa kii la i ñaato le, meŋ be i la siloo parendi la.

Luka 1:80

Dindiŋo menta, aduŋ a bambanta nooroo la karoo la. A sabatita keñewuloo* le kono fo luŋo meŋ na, a fintita Banisirayilankoolu kaŋ kenebaa to.

Yohana 1:23

A ye ì jaabi niŋ Annabilayi Yesaya le la kumoo la ko: “Nte le mu moo kumakaŋo ti, meŋ be sari kaŋ keñewuloo* kono ko, ‘Ali Maariyo la siloo parendi, a ye tiliŋ.’ ”

Yohana 18:24

Wo to le Annas ye Yeesu sitiriŋo kii Kayifas yaa, meŋ mu piriisi kuntii baa ti.

Kiilaalu 4:6

Piriisi kuntii baa Annas be jee, a niŋ Kayifas, Yohana, Alesanda, ì niŋ piriisi kuntii baa baadiŋ doolu.