Luka 3:17 - Mandinka Bible

¹⁷ A la feerilaŋo be a buloo kono le ka kesoolu niŋ fuufulewolu bo ñoo to. Wo to le a be kesoolu ke la a la buntuŋo kono, bari a be fuufulewolu jani la dimbaa le la, meŋ buka faa noo.”

Luka 3:17 Mawu Ofanana

Jabuuroolu 1:4

Bari moo kuruŋolu maŋ tara wo ñaama. Ì ka munta le ko fuufulewo, foñoo ka meŋ tindi.

Yesaya 30:24

Ninsoolu niŋ faloolu mennu ka bankoo sene, ì si beeyaŋ domori koomaa domo, ì ye meŋ tenteŋ a feeraŋo niŋ a kooraŋo la.

Yeremiya 15:7

Ŋa Yahuuda moolu fee n na feerilaŋo le la, saatee dundaŋ daalu to bankoo kaŋ taariŋ. Ŋa bonoo niitooroo, aniŋ kasaaroo le boyi n na moolu kaŋ, kaatu ì maŋ bo ì la sila kuruŋolu kaŋ.

Mika 4:12

Bari ì maŋ a loŋ, miiroolu mennu be Yaawe bulu, ì maŋ a la feere landiriŋo loŋ ko, a ye ì kafu ñoo kaŋ ne ka ì jarabi, ko siimaŋ kunsitoolu ka tembendi toñonkari dulaa ñaameŋ.

Matiyu 13:30

Ali ì bee bula, ì ye meŋ ñoo la fo katiri waatoo. Katiri waatoo la, m be a fo la katirilaalu ye le, ì si ñaamoolu foloo kafu ñoo ma, ì ye ì siti ka ì jani. Bari ì si siimaŋo kafu ñoo ma n na buntuŋo kono.’ ”

Matiyu 3:12

A la feerilaŋo be a buloo kono le, aduŋ a be kesoolu niŋ fuufulewolu bo la ñoo to le. Wo to le a be a la kesoolu ke la buntuŋo kono, bari a be fuufulewolu jani la dimbaa le la, meŋ buka faa noo.”

Luka 3:18

Aduŋ a la yaamari jamaa kono, Yaayaa ka kibaari betoo le kawandi moolu ye.