Luka 22:33 - Mandinka Bible

³³ Bituŋ Pita ko a ye ko, “M Maarii, m pareeta le ka i nooma hani bunjawoo to, aniŋ ka faa.”

Luka 22:33 Mawu Ofanana

Kuma Kotoomaalu 28:26

Moo meŋ laata a faŋo la fo a tambita, mu toolewo le ti, bari moo meŋ ka kuwo samba niŋ ñaameŋo la, ka tanka le.

Yeremiya 10:23

Hee Yaawe, ŋa ñiŋ loŋ ne ko, hadamadiŋo la baluwo te a faŋo bulu, a buka a faŋo taaraŋ siloo kanda noo.

Yeremiya 17:9

A ko: “Hadamadiŋo sondomoo la kuruŋyaa le tambita feŋo bee la, aduŋ a buka jaara noo. Jumaa le si a fahaamu noo?

Matiyu 20:22

Bari Yeesu ye a jaabi ko, “Ali maŋ a loŋ, ali ka meŋ daani. Fo ali si i miŋ noo wo tooroo mindaŋo la baŋ, n ka naa m miŋ meŋ na?” Ì ko a ye ko, “M̀ be a noo la le.”

Maaka 14:29

Bari Pita ko a ye ko, “Hani niŋ moolu bee ye ite bula, nte te i bula la muk.”

Maaka 14:31

Bari Pita ye a bambandi a ma le ko, “Hani nte niŋ ite ñanta faa la ñoo la, n te balaŋ na i la kuwo la muk.” Aduŋ ì bee ye wo kuma kiliŋo le fo.

Luka 22:34

Wo to le Yeesu ko a ye ko, “Pita, m be a fo la i ye, janniŋ duntuŋo be kookolee la bii, i be balaŋ na n na kuwo la le fo siiñaa saba ko, i maŋ nte loŋ.”

Luka 22:57

Bari Pita balanta, a ko, “Musoo, nte maŋ a loŋ!”

Yohana 13:38

Wo to le Yeesu ye a jaabi ko, “Fo i pareeta le ka i niyo laa n ye baŋ? Tooñaa-tooñaa, m be a fo la i ye, janniŋ duntuŋo be kookolee la, i be balaŋ na n na kuwo la le fo siiñaa saba.”

Kiilaalu 21:13

Bituŋ Pawulu ye jaabiroo ke ko, “Muŋ ne ye a tinna ali ka ñiŋ ke? Ali ka kumboo ka n sondomoo sunundi baake. M maŋ paree sorondiroo dammaa la Yerusalaamu, bari m pareeta le hani ka faa m Maarii Yeesu too kamma la.”