Luka 21:22 - Mandinka Bible

²² kaatu ñiŋ luŋolu mu kuluuroo waatoo le ti ka kuwolu bee timmandi, mennu be safeeriŋ.

Luka 21:22 Mawu Ofanana

Yesaya 34:8

Yaawe ye kiisandiroo parendi Siyoni* ye le, aniŋ saŋo meŋ na a be a la kuwo makatoo bayi la.

Yesaya 61:2

Yaawe ye n kii le ka a kankulaa ko a la maakoyiroo saŋo siita le, aniŋ a be juloo joo la a jawoolu to luŋo meŋ na. A ye n kii naŋ ne ka woosiilaalu sabarindi,

Yesaya 63:4

Kaatu ŋa ñiŋ soto n sondomoo kono le ko, luŋo meŋ na m be juloo joo la n jawoolu to, siita le, aniŋ m be kumakaaroo ke la saŋo meŋ na.

Yeremiya 51:6

Yaawe ko a la moolu ye ko: “Ali bori ka finti Babiloni, moo-wo-moo ye a faŋo niyo tankandi, fo ali kana kasaara ñoo la a kuluu tumoo, kaatu ñiŋ mu nte Yaawe la julujoo waatoo le ti, m be a joo la meŋ na.

Hoseya 9:7

Yankankati luŋolu ka naa le, ka Banisirayila jarabi a la junuboolu la. Niŋ wo keta, ali be a loŋ na le. Ali la junuboo la siyaa kaŋ, ali la konnanteeyaa la waroo kaŋ, ali ka a fo ko, “Annabiyomoo mu toolewo le ti, ñaamaatoo le mu a ti.”

Malaki 4:1

“Luŋo be naa kaŋ ne meŋ be wulee la ko fuuri dimbaa. Luŋo meŋ, faŋ wara moolu niŋ kuu kuruŋ kelaalu be jani la ko ñaama jaaroo. Niŋ ñiŋ luŋo naata, ì bee le be jani la, ì ye baŋ fereŋ. Nte Yaawe Alihawaa Maariyo* le ye a fo.

Matiyu 1:22

Ñiŋ bee keta le ka Maariyo la kumoo timmandi, annabiyomoo ye meŋ fo ko:

Roomankoolu 2:5

Bari i sondomoo bambanta le, i maŋ soŋ tuuboo la. Wo le ye a tinna i be Alla la kamfaa baa kafu kaŋ ñoo ma i faŋo ye fo Alla la kamfaa baa luŋo la, a la kiitii tilindiŋo be lankenema la luŋo meŋ na.

5 Musa 32:34

Yaawe be londiŋ ì la ñiŋ kuu kuruŋolu bee la le, ì be maaboriŋ a la maaboridulaa to.

5 Musa 32:43

Hee, duniyaa moolu, ali Yaawe la moolu jayi. A be a la dookuulaalu yeloo bonnaalu joo la le, a be i joo la a jawoolu to le, a be a la moolu la bankoo seneyandi la le, junuboo ye meŋ kosondi.

2 Pita 2:9

Wo to, a koyita le ko, Maariyo ye a loŋ ne, a ka a ñaasilannaalu kanandi marisa kuwolu kono ñaameŋ, aniŋ a ka tilimbaloolu tu yankankatiriŋ ñaameŋ fo kiitiiluŋo la.

2 Pita 3:7

Bari saŋ fatoolu niŋ ñiŋ duniyaa, mennu be sotoriŋ saayiŋ, ì be sotoriŋ Alla la wo yaamari kiliŋo le kaŋ, fo ì si kasaara dimbaa la. Ì be tara la keriŋ ne fo kiitiiluŋo la, aniŋ allantaŋolu la kasaara luŋo.