Luka 2:4 - Mandinka Bible

⁴ Wo kamma la Yusufa fanaa bota Nasareti saatewo to Kalilee tundoo kaŋ, a taata Betilehemu, Mansa Dawuda la wuluu saatewo to, Yudeya tundoo kaŋ, kaatu a bota Dawuda la lasiloo le kono.

Luka 2:4 Mawu Ofanana

1 Musa 35:19

Bituŋ Raheli faata, ì ye a baadee siloo le kaŋ meŋ ka taa Efurata, ì ka daameŋ fanaa kumandi Betilehemu la.

1 Musa 48:7

I baamaa Raheli la kuwo le ye a tinna ŋa ñiŋ kuwo ke. Kabiriŋ m be muru kaŋ ka bo Padani ka taa Kanaani bankoo kaŋ, a faata m bulu siloo kaŋ, niŋ i sumanta Efurata* saatewo la domandiŋ doroŋ. Ŋa a baadee jee le to sila daala, meŋ ka taa Efurata, saayiŋ ì ka a fo daameŋ ye Betilehemu.”

Mika 5:2

Alitolu Efurata*-Betilehemunkoolu, Yaawe* ye ñiŋ ne fo ko, “Ali la saatewo keta saateeriŋo ti ñaa-wo-ñaa Yahuuda, bari Banisirayila maralilaa be bo la alitolu le kono, a be maraloo ke la niŋ nte Yaawe tooyaa le la. A foloota naŋ waati jaŋ ne la, kabiriŋ.”

Matiyu 1:20

Bari kabiriŋ a be ñiŋ kuwo miira kaŋ, Maariyo la malaayikoo fintita a kaŋ siiboo kono, a ko a ye ko, “Yusufa, Dawuda dinkewo, kana sila ka Mariyaama futuu, kaatu diŋo meŋ be a kono, wo sotota ka bo niŋ Noora Kuliŋo le la.

Matiyu 2:23

A sabatita saatewo to, ì ka a fo daameŋ ye Nasareti, fo annabiyomoolu la kumoo si timma ko: “A be kumandi la Nasaretinkoo le la.”

Luka 2:3

Moolu bee taata toosafoo la ì la wuluu saatewolu to taariŋ.

Luka 2:5

Yusufa taata toosafoo la, a niŋ Mariyaama, meŋ be londiriŋ a ye ka a futuu. Wo waatoo la, konoo le be Mariyaama la.

Luka 4:16

Yeesu naata Nasareti saatewo to, a kuluuta daameŋ. Loobula Luŋ doo le la, a taata ì la diina bendulaa to, ko a dalita a ke la ñaameŋ. A wulita, a loota ka karaŋo ke.

Yohana 1:46

Bituŋ Nataniyel ko a ye ko, “Fo feŋ bete si bo noo Nasareti saatewo kono baŋ?” Filipi ko a ye ko, “Naa, a juubee!”

Yohana 7:42

Fo Kitaabu Senuŋo maŋ a fo ko, Alimasiihu be ke la Dawuda koomalankoo le ti ka bo Betilehemu kono, Dawuda bota nuŋ daameŋ?”

Ruti 1:19

Bituŋ ì moo fuloo naata taa, fo ì futata Betilehemu. Kabiriŋ ì futata Betilehemu, saatewo bee dunta ñoo to ì la kuwo kamma la. Jee musoolu ko, “Fo ñiŋ si ke noo Nawomi ti baŋ?”

Ruti 2:4

A maŋ mee, Bowasi faŋo futata ka bo Betilehemu. A ye a la katirilaalu kontoŋ ko, “Yaawe* ye tara ali fee!” Wolu fanaa ye a joo ko, “Allamaa Yaawe neema la i ma!”

Ruti 4:11

Wo to le alifaalu aniŋ mennu bee be bendulaa to jee ko, “Ntolu mu seedoolu le ti. Allamaa Yaawe* ye ñiŋ musoo meŋ ka naa i la suwo kono ke ko Raheli niŋ Leya, mennu kafuriŋo ñoo ma ye Banisirayila buŋo loo. Allamaa i ye looraŋo soto Efurata* kaabiiloo kono aniŋ i too ye daraja Betilehemu.

Ruti 4:17

Musoolu mennu be jee kumata ko, “Nawomi ye dinkewo soto.” Bituŋ ì ye a toolaa Obedi la. Ate le ye Yese wuluu, Dawuda faamaa.

1 Samuweli 16:1

Yaawe* ko Samuweli ye ko, “I be tu la i miira la Sawulu la kuwo la fo waati jumaa le? Ŋa a bondi Banisirayilankoolu la mansayaa to le. Bari saayiŋ tuloo fandi i la binoo kono, i ye taa Betilehemu. Taa kewo yaa jee, meŋ too mu Yese ti, kaatu a dinkewolu kono, ŋa moo kiliŋ ne tomboŋ, ka a ke mansa ti.”

1 Samuweli 16:4

Yaawe ye meŋ fo Samuweli ye, a ye wo le ke. Kabiriŋ a futata Betilehemu saatewo to, alifaalu bee jarajaratoo le taata a benduŋ. Ì ye a ñininkaa ko, “Fo i la siloo mu kayira le ti baŋ?”

1 Samuweli 17:12

Dawuda le keta Yese Efuratankoo* dinkewo ti. Yese bota Betilehemu saatewo le to, meŋ tarata Yahuuda bankoo kaŋ. Yese ye dinkee seyi le soto. Kabiriŋ Sawulu be mansayaa la waatoo meŋ na, wo ye a tara le, Yese kotoota baake.

1 Samuweli 17:58

Sawulu ye a ñininkaa ko, “Fondinkewo, jumaa le dinkewo mu ite ti?” Dawuda ko, “Nte mu Yese dinkewo le ti, i la dookuulaa, meŋ be Betilehemu.”

1 Samuweli 20:6

Niŋ i faamaa ye n ñininkaa, i si a fo a ye ko, ‘Dawuda ye n na yamfoo daani le ka taa Betilehemu a la saatewo to, kaatu ì ka saŋ-wo-saŋ sadaaboo* le ke a la kaabiiloo bee ye.’