Luka 18:13 - Mandinka Bible

¹³ “Bari duwaañoo loota dulaa jaŋ to. A maŋ haañi hani ka a kuŋo wuli ka santo juubee, bari a ye a sisoo le lipa ko, ‘Alla, balafaa soto nte, junubelaa ye!’

Luka 18:13 Mawu Ofanana

2 Samuweli 12:13

Wo to le Dawuda ko Natani ye ko, “Ŋa junube kuwo le ke Yaawe la.” Natani ye a jaabi ko, “Yaawe ye i la junuboo kafari le. I maŋ taa faa la.

2 Taarika 33:19

A la duwaa, Alla la a jaaboo, a ye junube kuwo meŋ bee ke, a la foroyaabaliyaa, aniŋ a ye jalaŋ batudulaa tintiŋolu loo dulaalu mennu to ka Asera jalaŋ dokoolu londi jee, aniŋ jalaŋ koteŋolu, janniŋ a ka a fammajii, ì bee be safeeriŋ annabiyomoolu la Kitaaboo le kono.

2 Taarika 33:23

Ko a faamaa Manase labanta a fammajii la Yaawe ñaatiliŋo la ñaameŋ, ate maŋ wo ke, a tententa le ka junuboo ke laalaa.

Esira 9:6

N kumata ko: “M Maarii Alla, m maluta le fo a tambita, ka n ñaa tiliŋ i la. Ǹ na junuboolu niŋ ǹ na boyoo la waroo tambita ǹ kunna le. Ì futata saŋ fatoolu ma le.

Yuuba 42:6

Wo kamma la, m maluta baake m fokumoo la le. M be m boyi la buutoo kono le, aniŋ seebuutoo ka tuubiseyi.”

Jabuuroolu 106:6

Ntolu ye junuboo ke le komeŋ ǹ na alifaa foloolu, ŋà kuu kuruŋolu le ke, ŋà kuu jawoolu le ke.

Jabuuroolu 119:41

Yaawe, i la kanu bambaloo yitandi n na, i ye n kiisa ka bo niŋ i la laahidoo la.

Jabuuroolu 130:7

Banisirayila, ali ali jikoo loo Yaawe kaŋ, kaatu a la kanoo buka baŋ, aduŋ a la kiisandiroo fuumata le.

Jabuuroolu 25:11

Yaawe, i too kamma la yamfa n na kuu jawoolu la, ì siyaata le.

Jabuuroolu 25:7

Kana i miira tawunteeyaa junuboolu la, ŋa mennu ke n na fondinkeeyaa waatoo kono. Hee Yaawe, i miira n na i la kanu bambaloo kamma la, aniŋ i la beteyaa.

Jabuuroolu 40:12

Mantoora kuwolu be n ye karoo bee le la, n te ì yaatewo konti noo la. N na junuboolu tambita n kunna le, fo m buka n je noo. Ì siyaata n kuntiña kesoolu ti le, fo n jikilateyita.

Jabuuroolu 41:4

Nte kumata le ko, “Hee Yaawe, hiina n na, i ye n kendeyandi, kaatu ŋa junuboo le ke i la.”

2 Musa 33:10

Niŋ moolu ye minaayi samasimmaa je looriŋ tiriliisoo dundaŋ daa to waati-wo-waati doroŋ, ì bee ka loo ì la tiriliisoolu dundaŋ daalu to le, ì ye sujudi.

Yesaya 1:18

Yaawe ko, “Ali naa saayiŋ, ŋà kuwo fo ñoo kaŋ. Ali la junuboolu finta le ko kemboo, bari ì be koyi la le ko perekaanoo. Hani a ye a tara ì be findiŋ ne nir, ì be koyi la le ko kotondi buunaa.

Yesaya 6:5

N wuurita ko, “Kooroo boyita n kaŋ ne. N kasaarata le. Kaatu nte mu moo le ti, meŋ ka junube kumoo fo, aduŋ n niŋ moolu le be siiriŋ mennu buka tooñaa kumoo fo, aduŋ n ñaa ye Mansoo je le, Yaawe Alihawaa Maariyo.”

Yesaya 66:2

A ko: “M faŋo buloo le ye ñiŋ feŋolu bee daa, ì naata soto. “Ŋa ñiŋ maarii le sikandi santo, moo meŋ ye a fammajii, a tuubita a la junuboolu la, aniŋ n na kumoolu ka silaŋo dundi meŋ na.

Esekiyeli 16:63

Niŋ ŋa i la junube kuwolu bee kafari i ye, i hakiloo be bula la i kekuwolu la le, i ye malu, aduŋ i te i daa yele la ka feŋ fo kotenke, feŋ te fo maloo.” Maarii Yaawe le ye a fo.

Daniyeli 9:5

Ŋà junuboo ke le, ŋà kuu kuruŋo ke, ŋà hakoo soto baake le, aduŋ m̀ balanta i ma le, ŋà ǹ koo dii i la yaamaroolu la, aniŋ i la karandiroolu.

Matiyu 10:3

Filipi, Batolomeyu, Tomas, aniŋ Matiyu meŋ mu duwaañoo ti, aniŋ Yankuba meŋ mu Alifeyu dinkewo ti, aniŋ Tadeyu,

Matiyu 6:5

“Aduŋ niŋ ali be duwaa la, ali kana ke ko bunaafayoolu, mennu ka lafi ka loo aniŋ ka duwaa ke ì la diina bendulaalu to aniŋ mbeedi kuŋolu to, fo moolu si ì je. Tooñaa, m be a fo la ali ye, wo doroŋ ne mu ì la joo ti.

Matiyu 9:13

Ali taa a karaŋ, ñiŋ kotoo mu meŋ ti: ‘N na lafoo mu balafaa le ti, a maŋ ke sadaa* ti.’ Kaatu nte maŋ naa ka moo tilindiŋolu kumandi, bari junubelaalu.”

Maaka 11:25

“Aduŋ niŋ ali loota ka duwaa, ali yamfa moo-wo-moo ye, kuu be ali niŋ meŋ teema. I si a je, ali Faamaa fanaa, meŋ be Arijana, si yamfa ali la junuboolu la.”

Luka 17:12

Biriŋ a futata saatewo doo to, kee balajawutoo taŋ ne taata a waliŋ. Ì loota dulaa jaŋ to,

Luka 22:41

Wo to le Yeesu bota ì daala, bari a maŋ jamfa ì la baake. A ñoyita jee ka duwaa

Luka 23:48

Moolu bee mennu be wo dulaa to, kabiriŋ ì ye kuwolu je mennu keta, ì bee seyita, ì be ì sisoolu lipa kaŋ ka ì la niikuyaa yitandi.

Luka 5:8

Kabiriŋ Simoni Pita ye ñiŋ je, a ñoyita Yeesu ñaatiliŋo la, a ko a ye ko, “M Maarii, bo nte bala, nte mu junubelaa le ti!”

Kiilaalu 2:37

Kabiriŋ moolu ye ñiŋ moyi, ì niyo toorata baake. Bituŋ ì ko Pita niŋ kiilaa* doolu ye ko, “M̀ baadiŋolu, ǹ ñanta muŋ ne ke la saayiŋ?”

Roomankoolu 5:8

Bari Alla ye a yitandi le, a ye ǹ kanu ñaameŋ: M̀ mu junubelaalu ti tumoo meŋ na, Kiristu faata ǹ ye.

2 Korintinkoolu 7:11

Ali a juubee, Alla ye ali yelemandi ñaameŋ ka bo niŋ ñiŋ sunoo la: Ali hameta ka a yitandi ko, ali seneyaata le. Ñiŋ sunoo ye silaŋo le duŋ ali la, a ye a tinna ali kamfaata, a ye hamoo duŋ ali la ka je tiliŋo ye taama. Ali naata paree ka wo moo kuluu, meŋ ye kebaara kuruŋo ke. Ali ye ali faŋolu yitandi feŋo bee le to ko, ali maŋ sootaaroo soto ñiŋ kuwo to.

1 Timoti 1:15

Tooñaa kumoo fele, meŋ jarita ka muta: Kiristu Yeesu naata duniyaa kono le ka junubelaalu kiisa, aduŋ nte le mu junubelaalu bee kuntonkoo ti.

Hiburunkoolu 4:16

Wo to, ali ŋà fatiyaa ka sutiyaa Alla hiinantewo la mansasiiraŋo ma, fo ǹ si balafaa niŋ hiinoo soto ǹ na maakoyiroo to, ǹ suulata ì la waatoo meŋ na.

Hiburunkoolu 8:12

M be yamfa la ì la kuu kuruŋolu la le, n hakiloo te tara la ì la junuboolu kaŋ kotenke.”