Luka 17:10 - Mandinka Bible

¹⁰ “Bituŋ alitolu fanaa, niŋ ali ye a bee ke, ali yaamarita ka meŋ ke, ali si a fo ko, ‘Ntolu mu dookuulaa nafantaŋolu le ti. Ŋà kuwolu doroŋ ne ke, ǹ ñanta mennu ke la.’ ”

Luka 17:10 Mawu Ofanana

Yesaya 6:5

N wuurita ko, “Kooroo boyita n kaŋ ne. N kasaarata le. Kaatu nte mu moo le ti, meŋ ka junube kumoo fo, aduŋ n niŋ moolu le be siiriŋ mennu buka tooñaa kumoo fo, aduŋ n ñaa ye Mansoo je le, Yaawe Alihawaa Maariyo.”

Yesaya 64:6

Ntolu bee keta moo seneyaabaloolu le ti. Ǹ na baara kendoolu ka muluŋ ne ko funtu nooriŋolu. Ǹ na junuboolu le ye a tinna m̀ munta ko jamba nororiŋolu, foñoo ka mennu tindi.

Yeremiya 32:23

Ì dunta ñiŋ bankoo kaŋ ne, ì ye a taa, bari ì maŋ i la kumakaŋolu muta, waraŋ ka taama i la yaamaroolu la. I ye ì yaamari kuwolu mennu bee la, ì maŋ hani feŋ ke jee. Wo le ye a tinna i ye ñiŋ kasaaroo bee boyi ì kaŋ.

Matiyu 25:30

Ali wo dookuulaa nafantaŋo fayi dibi jawoo kono banta, kumboo niŋ nimisoo be daameŋ.’

Luka 17:11

Kabiriŋ Yeesu be taamasiloo kaŋ ka taa Yerusalaamu, a tambita Kalilee niŋ Samariya tundoolu la naanewo la.

Luka 17:9

Fo niŋ a la dookuulaa baarata a la yaamaroo la, a ka a tentu a kaŋ ne baŋ?

Roomankoolu 11:35

“Jumaa le nene ye feŋ dii Alla la, a ñanta meŋ na juloo joo la.”

Roomankoolu 3:12

Ì bee muritita, ì bee naata kafu ñoo ma nafantaŋolu ti. Kiliŋ te jee, meŋ ka kuu kendoo ke, hani kiliŋ.”

Filemoni 1:11

Koomanto, a maŋ nafaa soto ite ye, bari saayiŋ, a ye nafaa baa le soto ite niŋ nte ye.