Luka 15:18 - Mandinka Bible

¹⁸ M be wuli la le, ŋa taa m faamaa yaa. M be a fo la a ye le ko, “M faamaa, ŋa junube kuwo le ke Arijana aniŋ ite la.

Luka 15:18 Mawu Ofanana

2 Taarika 33:19

A la duwaa, Alla la a jaaboo, a ye junube kuwo meŋ bee ke, a la foroyaabaliyaa, aniŋ a ye jalaŋ batudulaa tintiŋolu loo dulaalu mennu to ka Asera jalaŋ dokoolu londi jee, aniŋ jalaŋ koteŋolu, janniŋ a ka a fammajii, ì bee be safeeriŋ annabiyomoolu la Kitaaboo le kono.

Jabuuroolu 25:11

Yaawe, i too kamma la yamfa n na kuu jawoolu la, ì siyaata le.

Kuma Kotoomaalu 23:13

Kana balaŋ ka i diŋo kuluu, niŋ i ye a kuluu busoo la, a te faa la.

Yesaya 63:16

Bari ite le mu m̀ Faamaa ti. M̀ mumuñolu Iburayima niŋ Isirayila maŋ ǹ loŋ, ì maŋ ǹ na kuwo loŋ. Hee Yaawe, ite le mu m̀ Faamaa ti, ǹ Kumakaalaa, biriŋ koomanto, wo le mu i too ti.

Yeremiya 3:19

“Nte Yaawe ko m faŋ ye le ko: Wo si nte seewoo, ka ali bulandi ñiŋ kontoo kono ko, n diŋolu le mu ali ti, ŋa ñaaboo bankoo dii ali la, bankoolu bee banku ñiimaa. Ŋa ñiŋ ne muta ko ali be n kumandi la ali Faamaa le la, aduŋ ali te muru la ka ali koo dii n na.

Yeremiya 31:20

Yaawe ko: “Fo Efurayimu maŋ ke n kanu diŋo le ti baŋ? Fo a maŋ ke n jusukunto diŋo le ti baŋ? N ka tu la a jalayi la ñaa-wo-ñaa, hani wo n hakiloo ka tara a kaŋ ne. A la kuwo loo be faariŋ n kono le. Tooñaa, m be balafaa yitandi la a la le.” Yaawe le ye a fo.

Niikuyaa Suukuwolu 3:29

Hani a daa si bankoo maa, bari jikoo si tara a ye hani ka bii.

Niikuyaa Suukuwolu 3:40

Ñiŋ ne ñanta ǹ na, ka ǹ taaraŋ siloolu kisikisi, ka ì kotobo, ŋà tuubiseyi Yaawe ma.

Daniyeli 4:26

Malaayikoo ye yaamaroo dii le ko, yirijuu kunturiŋo niŋ a suloolu si tu bankoo kono. Wo mu ñiŋ ne ti ko, i be ke la mansa ti le kotenke, niŋ i sonta ko, Arijana Maarii le mu maralilaa ti.

Yunusa 2:4

Ŋa a miira le nuŋ ko, n yeemanta i la karoo la le. Bari hani wo, m be i la buŋ senuŋo je la le kotenke.

Yunusa 3:9

Jumaa le ye a loŋ? Alla si yamfa noo le, aduŋ a si balafaa soto, a la jusukandoo ye yelema ǹ ye jusu sumayaa ti, i si a je ǹ te kasaara la.”

Matiyu 3:6

Mennu ye i tuubiseyi ì la junuboolu la, a ye wolu batisee Yoridani Boloŋo kono jee.

Matiyu 6:14

“Wo kamma la, niŋ ali yamfata moolu ye, mennu ye kuu kuruŋolu ke ali la, wo to ali Faamaa meŋ be Arijana, fanaa be yamfa la ali ye le.

Matiyu 6:9

Wo to ali ñanta duwaa la teŋ ne: M̀ Faamaa meŋ be Arijana, Allamaa i too senuŋo horoma la.

Matiyu 7:11

Alitolu jawuyaata ñaa-wo-ñaa, ali ye a loŋ ne, ali ñanta soorifeŋ betoolu mennu dii la ali diŋolu la. Wo to siiñaa jelu le ali Faamaa meŋ be Arijana, be feŋ betoolu dii la moolu la, mennu ye a daani!

Luka 11:2

Bituŋ Yeesu ko ì ye ko, “Niŋ ali be duwaa la, ali si a fo teŋ: ‘M̀ Faamaa, Allamaa i too senuŋo horoma la. I la mansabaayaa si naa.

Luka 15:17

Kabiriŋ a ye i miira a kekuwo la, a ko, ‘M faamaa ye dookuulaa jamaa le soto, aduŋ ì bee ka domoroo ke le fo too ka tu, bari nte fele, m be faa la konkoo la jaŋ.

Luka 15:19

Nte maŋ jari kotenke ka kumandi i dinkewo la, bari i si m muta ko i la dookuulaa.” ’

Luka 15:21

A dinkewo ko a ye ko, ‘M faamaa, ŋa junube kuwo le ke Arijana aniŋ ite la. Nte maŋ jari kotenke ka kumandi i dinkewo la.’

Luka 18:13

“Bari duwaañoo loota dulaa jaŋ to. A maŋ haañi hani ka a kuŋo wuli ka santo juubee, bari a ye a sisoo le lipa ko, ‘Alla, balafaa soto nte, junubelaa ye!’