Luka 13:11 - Mandinka Bible

¹¹ Musoo doo le tarata jee, seetaani jawoo ye meŋ batandi, a kuuranta fo sanji taŋ niŋ seyi. Dawoo le be a koo bala, a buka tiliŋ noo.

Luka 13:11 Mawu Ofanana

Yuuba 2:7

Wo le to Seetaani bota Yaawe ñaatiliŋo la. A ye Yuuba baloo bee ke kati jawu baa ti, ka bo a sinteetewo to fo a kuŋ teemoo to.

Jabuuroolu 145:14

Yaawe ka moolu maakoyi le mennu be boyoo daa to, a ye moolu sikandi mennu be jirandiŋ.

Jabuuroolu 146:8

Yaawe le ka finkintewolu ñaalu yelendi. Ate le ka moolu wulindi mennu jiranta. Ate le ka moo tilindiŋolu kanu.

Jabuuroolu 38:6

N korita le las, m be laariŋ dek. Tiloo muumewo n ka tu woosiyo le la.

Jabuuroolu 42:5

Muŋ ne ye nte jirandi teŋ, n niyo be fitiiriŋ n kono? N ñanta n jikoo loo la Alla le kaŋ, aduŋ m be a jayi la le kotenke, n na Alla, meŋ mu n na Kiisandirilaa ti.

Jabuuroolu 6:2

Yaawe, n kendeyandi, kaatu n kuloolu be n dimiŋ kaŋ ne. Balafaa n ye Yaawe, kaatu n kitiita le.

Matiyu 4:23

Wo to le Yeesu taata Kalilee tundoo muumewo bee kaŋ. A tarata karandiroo la ì la diina bendulaalu* to. A ka Alla la mansabaayaa kibaari betoo le kawandi. A ye kuuraŋ siifaa bee kendeyandi aniŋ saasaa siifaa bee.

Maaka 9:21

Bituŋ Yeesu ye dindiŋo faamaa ñininkaa ko, “Ñiŋ dindiŋo ye ñiŋ wayoo soto kabiriŋ waati jumaa le?” Kewo ko a ye ko, “Kabiriŋ a la dindiŋyaa waatoo la.

Luka 13:12

Kabiriŋ Yeesu ye wo musoo je, a ye a kumandi naŋ. A ko a ye ko, “Musoo, i firinta le ka bo i la kuuraŋo to.”

Luka 13:16

Fo ñiŋ musoo meŋ mu Iburayima koomalankoo ti, aduŋ Seetaanoo* ye a siti fo sanji taŋ niŋ seyi, fo ate fanaa maŋ ñaŋ na firiŋ na Seetaanoo bulu Loobula Luŋo la baŋ?”

Luka 21:28

Niŋ ñiŋ kuwolu datita ke la, ali loo, ali ye ali kuŋolu wulindi santo, kaatu ali la kiisoo sutiyaata ali la le!”

Luka 8:2

ì niŋ musoo doolu, a ye mennu firiŋ seetaani jawoolu bulu nuŋ, a ye ì kendeyandi. Mariyaama Makadalena, Yeesu ye seetaani jawu woorowula bayi meŋ bala, wo fanaa be ì kono le,

Luka 8:27

Kabiriŋ Yeesu fintita kuluŋo kono, a loota tintoo kaŋ doroŋ, kewo doo le ye a benduŋ jee, seetaani jawoolu be meŋ na. A bota saatewo kono, aduŋ a meeta, a buka dendikoo duŋ. A maŋ tara sabatiriŋ buŋo kono, bari a ka sabati berehuwolu le kono, ì ka moolu baadee daameŋ to.

Luka 8:43

Musoo doo le tarata jee, yeleboŋ kuuraŋo be meŋ na fo sanji taŋ niŋ fula. A ye a la sotofeŋolu bee le duŋ jaaraloo kunna, moo maŋ a kendeyandi noo.

Kiilaalu 3:2

Moolu be namatoo doo le samba kaŋ naŋ jee, meŋ wuluuta wo ñaama. Luŋ-wo-luŋ ì ka a sindi Alla Batudulaa dundaŋ daa to le, ì ka meŋ kumandi Dundaŋ Daa Ñiimaa la. Namatoo ñiŋ ka tara sadaadaanoo le la moolu bulu, mennu ka tambi jee.

Kiilaalu 4:22

Kewo meŋ kendeyaata ka bo niŋ kaawakuwo la, a siyo tambita sanji taŋ naani la le faŋ.