Luka 12:37 - Mandinka Bible

³⁷ Barakoo be wo dookuulaalu le ye, mennu maariyo ye ì tara ì ñaa la, biriŋ a muruta naŋ. Tooñaa, m be a fo la ali ye, a faŋo be a tewo siti la le, a ye ì sindi, aduŋ a be naa le ka domoroo dii ì la.

Luka 12:37 Mawu Ofanana

Yesaya 62:5

I diŋolu be i topatoo la seewoo le kono, ko fondinkewo ka a la maañoo topatoo ñaameŋ. Alla be seewoo soto la i la karoo la le, ko maañootiyo ka kontaani a la maañoo la kuwo la ñaameŋ.

Yeremiya 32:41

M be seewoo la le ka kuu kendoo ke ì ye, aduŋ m be ì tutukuu la ñiŋ bankoo kaŋ tooñaake le, n sondomoo niŋ n niyo la.

Sefaniya 3:17

Yaawe, ali la Alla be ali fee le. Ate le mu kelejawaroo ti meŋ ka nooroo ke. A be seewoo la ali la kuwo la le. A la kanoo ali kaŋ, wo be dahaa le dii la ali la, a ye ali la kuwo denkili seewoo kamma la.”

Matiyu 24:42

Wo kamma la, ali ali hakiloo tu, kaatu ali maŋ luŋo ñiŋ loŋ, ali Maariyo be naa la meŋ na.

Luka 12:36

Ali si ke ko dookuulaalu mennu be ì maariyo batu kaŋ nuŋ ka muru naŋ ka bo futuusiti feetoo to. Biriŋ ì maarii ye bundaa konkoŋ doroŋ, ì ye bundaa yele a ye.

Luka 12:43

Barakoo be wo dookuulaa le ye, meŋ maariyo ye a tara wo ke kaŋ a ñaama, niŋ a naata.

Luka 17:8

Hanii, bari a be a fo la a la dookuulaa ye le ko, ‘N na siimaŋo parendi n ye! I ye paree i ye n na domoroo dii n na. Niŋ m pareeta domoroo la ŋa m miŋ, i fanaa si naa domoroo ke i ye i miŋ.’

Luka 21:36

Wo kamma la, ali koroosiroo ke waati-wo-waati. Ali ye duwaa fo ali si kana noo ñiŋ kuwolu bee ma, mennu ka naa, aduŋ ali si loo noo Moo Dinkewo ñaatiliŋo la.”

Luka 22:27

Moo jumaa le la kuwo warata, meŋ be domoroo la, waraŋ meŋ ye a dookuu? Fo a maŋ ke moo le ti, meŋ be domoroo la? Bari nte be ali kono le ko dookuulaa.

Yohana 12:26

Niŋ moo meŋ ka dookuwo ke n ye, a ñanta nte nooma la le, aduŋ m be daameŋ, n na dookuulaa fanaa be tara la jee le to. Moo meŋ ka dookuwo ke n ye, m Faamaa be wo maarii horomandi la le.

1 Korintinkoolu 2:9

Bari ko a be safeeriŋ ñaameŋ: “Ñaa nene maŋ meŋ je, tuloo nene maŋ a moyi, aduŋ hadamadiŋ hakiloo nene maŋ a miira, Alla ye wo le parendi moolu ye, mennu ye a kanu.”

Filipinkoolu 1:21

Kiristu le mu nte ye baluwo ti, wo to saayaa mu nte ye tinewo le ti.

Filipinkoolu 1:23

Kuu fula le be n hakiloo kono, ì ye n dewuŋ baake: Kara doo la, n hameta le ka ñiŋ duniyaa bula fo n si tara Kiristu fee, meŋ beteyaata baake nte ye.

2 Pita 1:11

aduŋ siloo si fanu ali ye ka duŋ m̀ Maariyo aniŋ ǹ na Kiisandirilaa Yeesu Kiristu la badaa-badaa mansabaayaa to.

2 Pita 3:14

Wo kamma la, n kanuntewolu, baawo ali ka wolu le batu, ali hame, a ye ali tara seneyaariŋ. Ali kana sootaari soto Alla ñaatiliŋo la, bari ali niŋ a ye tara kayiroo kono.

Lankenemoo 14:13

Bituŋ ŋa kumakaŋo moyi naŋ saŋo santo, meŋ ye n yaamari ko, “Ñiŋ safee: ‘Barakoo be moolu le ye, mennu be faa la Maariyo noomalankayaa kono ka bo saayiŋ na.’ Noora Kuliŋo ye a tooñaayandi le ko, ‘Barakoo be itolu ye le, kaatu ì be dahaa soto la ì la kata kuu koleŋolu to le, aduŋ ì la kebaaroolu be ì nooma la le.’ ”

Lankenemoo 16:15

Maariyo ko, “Ali koroosiroo ke, nte be naa kaŋ ne ko suŋo! Barakoo be moo le ye, meŋ be a ñaa la ka a la duŋ feŋolu muta, fo a bala kenseŋo kana tu, niŋ moolu si a maluriŋo je.”

Lankenemoo 3:21

Meŋ keta noorilaa ti, nte be siidulaa dii la wo le la n na mansasiiraŋo kaŋ, ko m faŋo keta noorilaa ti ñaameŋ, n niŋ m Faamaa siita a la mansasiiraŋo kaŋ.

Lankenemoo 7:17

kaatu Saajiiriŋo meŋ be mansasiiraŋo ñaatiliŋo la, ate le be ke la ì la kantarilaa ti. A be ì kenkeŋ na jii woyoolu le to, mennu ka baluwo dii, aduŋ Alla be ñaajiyo bee fita la ì ñaalu to le.”