Luka 12:32 - Mandinka Bible

³² Kafundiŋo, ali kana sila! A mu ali Faamaa ye seewoo le ti ka a la mansabaayaa dii ali la.

Luka 12:32 Mawu Ofanana

Yesaya 40:11

A ka a la moolu topatoo le ko kantarilaa ka koorewo kanta ñaameŋ. A ka saajiiriŋolu katandi a faŋo la le, ì ye tara a kara la. A ka saajii dimbaalu kenkeŋ kuuke le.

Yesaya 41:14

Yaakuba koomalankoolu, ali kana sila, alitolu mennu ka muluŋ moolu ñaa koto ko tumboo. Hee ite Banisirayilandiŋ, nte faŋo le be i maakoyi la.” Yaawe Banisirayila la Senuŋ Baa, ali Kumakaalaa faŋo le ye a fo.

Yesaya 53:6

Ntolu bee keta le ko saajii filiriŋo, moo bee taata a fansuŋ siloo la, bari Yaawe ye ntolu la junuboo bee laa ate le kaŋ.

Yeremiya 3:19

“Nte Yaawe ko m faŋ ye le ko: Wo si nte seewoo, ka ali bulandi ñiŋ kontoo kono ko, n diŋolu le mu ali ti, ŋa ñaaboo bankoo dii ali la, bankoolu bee banku ñiimaa. Ŋa ñiŋ ne muta ko ali be n kumandi la ali Faamaa le la, aduŋ ali te muru la ka ali koo dii n na.

Matiyu 14:27

Bari wo loo niŋ baroo teema, a diyaamuta ì ye ko, “Ali kijoo kana fara, nte le mu, ali kana sila.”

Matiyu 20:16

“Wo to labaŋolu le be ke la foloolu ti, aduŋ foloolu le be ke la labaŋolu ti.”

Matiyu 25:34

Wo koolaa Mansa si naa a fo a bulubaalankoolu ye ko, ‘Ali naa, m Faamaa neemata mennu ma! Ali ye mansabaayaa keetaa, Alla ye meŋ parendi ali ye kabiriŋ duniyaa foloodulaa to.

Matiyu 7:15

“Ali ali hakiloo tu annabiyomoolu to, mennu maŋ tara tooñaa kaŋ. Ì ka naa ali kaŋ ne ko saajiyolu, bari ì konoto be ko suluu konkoriŋolu.

Luka 10:21

Wo waatoo la, Yeesu seewoota Noora Kuliŋo kono, a ko, “M Faamaa, saŋo niŋ bankoo Maariyo, ŋa i jayi, kaatu i ye ñiŋ kuwolu maabo moo ñaamendiŋolu niŋ londitiyolu ma le, i naata ì yitandi dindiŋ mereŋolu la. Tooñaa, m Faamaa, ñiŋ ne beteyaata i fee.

Yohana 18:36

Yeesu ye a jaabi ko, “Nte la mansayaa maŋ bo ñiŋ duniyaa kono. Niŋ a bota ñiŋ duniyaa le kono, tennuŋ n noomalankoolu be keloo ke la le fo n kana duŋ Yahuudoolu bulu. Bari n na mansayaa maŋ bo ñiŋ duniyaa kono.”

Kiilaalu 20:28

“Ali ali hakiloo tu ali faŋolu to, aniŋ Yeesu la kafoo bee, Noora Kuliŋo ye ali ke topatoorilaalu ti mennu kono. Ali si Maariyo la koorewo kanta, Alla ye meŋ saŋ a faŋo Dinkewo yeloo la.

Kiilaalu 20:29

Ŋa a loŋ ne ko, n na taa koolaa suluu saŋarariŋolu be naa la ali kono le, aduŋ ì te koorewo kaari la.

Roomankoolu 6:23

Kaatu junuboo la joo mu saayaa le ti, bari Alla la sooroo mu badaa-badaa baluwo le ti Kiristu Yeesu kono, m̀ Maariyo.

1 Korintinkoolu 1:21

Alla ye a la ñaameŋo yitandi le, bari duniyaa moolu maŋ Alla loŋ noo niŋ ì la ñaameŋo la. Wo kamma la Alla kontaanita le ka moolu kiisa, mennu laata, ka bo niŋ ntolu la tooleeyaa kawandoo la.

Filipinkoolu 2:13

Kaatu Alla meŋ be dookuwo la alitolu kono, ate le be ali la hamoo niŋ kebaaroolu taamandi la, fo kuwolu si ke ko a la hame betoo be ñaameŋ.

2 Tesalonikankoolu 1:11

Wo kamma la, ntolu te n dahaa la duwaa la ali ye. Ǹ ka ǹ na Alla daani le fo a si ali jarindi a la kumandiroo la, aduŋ fo ali la hame betoolu aniŋ dookuwo lannoo kono bee si timma ka bo niŋ a la semboo la.

2 Tesalonikankoolu 1:5

Wo le ye a yitandi koyirinke ko, Alla ka a la kiitiyo kuntu tiliŋo le kono fo ali si jari ka duŋ Alla la mansabaayaa kono, ali be toora kaŋ meŋ kamma.

Hiburunkoolu 12:28

Wo kamma la, ali ŋà tenturoo dii Alla la, kaatu ŋà mansayaa le soto, meŋ te jiijandi noo la. Ali ŋà Alla batu a ñaama, horomoo niŋ ñaasilaŋo kono,

Yankuba 2:5

M baadiŋ kanuntewolu, ali i lamoyi! Fo Alla le maŋ moolu tomboŋ baŋ, mennu fuwaareyaata ñiŋ duniyaa kono, fo ì si fanka lannoo kono, aniŋ ì ye wo mansabaayaa keetaa, a ye meŋ laahidi moolu ye, mennu ye a kanu?

2 Pita 1:11

aduŋ siloo si fanu ali ye ka duŋ m̀ Maariyo aniŋ ǹ na Kiisandirilaa Yeesu Kiristu la badaa-badaa mansabaayaa to.

Lankenemoo 1:6

A ye ǹ ke mansariŋolu le ti, a Faamaa la piriisiyaa* be mennu bulu. Semboo niŋ waroo aniŋ maraloo bee be ate le ye, fo abadaa. Amiin.

Lankenemoo 22:5

Suutoo te soto la jee kotenke. Ì te suula la lampu maloo la, waraŋ tiloo la maloo, kaatu Maarii Alla le be ke la ì la maloo ti. Aduŋ ì be maraloo ke la le fo abadaa.