Luka 12:20 - Mandinka Bible

²⁰ “Bari Alla ko a ye ko, ‘Ite toolewo! Ñiŋ suutoo faŋo le la, m be i niyo taa la i bulu. Wo to i ye feŋolu mennu maabo, wolu be ke la jumaa le taa ti?’

Luka 12:20 Mawu Ofanana

Esita 5:11

A ye kuma baalu fo a la naafuloo la siyaa koleŋo kamma la, a dinkee jamaalu aniŋ mansa ye a la palaasoo lafaa ñaameŋ aniŋ a ye a kummaayandi a la moo kummaalu aniŋ a la maralilaalu ñaato ñaameŋ.

Yuuba 27:8

Muŋ jiki le si tara Alla ñaasilambaloo ye, niŋ Alla ye a niyo taa, a ye a siyo daŋ?

Jabuuroolu 39:6

Hadamadiŋo buka mee baluuriŋ, a be le ko niiniyo, a la matimatoo mu kenseŋ ne ti. Moo ka naafuloo kafu ñoo ma le, bari a buka a loŋ meŋ taa be ke la a ti.

Jabuuroolu 49:10

A be koyiriŋ ne ko, hani moo ñaamendiŋolu ka faa le, aduŋ toolewolu niŋ moo hakilintaŋolu ka kasaara le. Ì bee ka ì la naafuloo tu moo doolu le ye.

Jabuuroolu 73:19

Ì be kasaara la le waati kiliŋ, kooroo ye ì domo,

Jabuuroolu 78:30

Bari ì be domoroo la tuma meŋ na, janniŋ ì ka ì la meeyaa bo,

Kuma Kotoomaalu 10:2

Naafuloo meŋ sotota tilimbaliyaa kono, maŋ nafaa soto, bari tiliŋo si moo niyo tankandi noo le.

Kuma Kotoomaalu 11:4

Naafuloo te nafaa soto la Alla la kamfaa luŋo, bari tiliŋo si moo tanka noo saayaa ma le.

Kuma Kotoomaalu 13:7

Doo ka a faŋo ke naafulutiyo ti le, a ye a tara a maŋ feŋ soto, doo ka a faŋo fuwaareyandi, a ye a tara fankamaa baa le mu.

Kuma Kotoomaalu 27:1

Kana kibiri saama kamma, kaatu i maŋ a loŋ, saama niŋ meŋ be naa.

Kuma Kotoomaalu 28:8

Moo meŋ ka a la naafuloo siyandi niŋ lankaŋ tambiriŋo la, a la naafuloo be duŋ na moo le bulu, meŋ be hiinoo soto la fuwaaroolu ye.

Yesaya 56:12

Ì ko ñoo ye ko, “Ali naa, doloo fele! Ali ŋà a miŋ fo a ye ǹ sii. Saama be ke la le ko bii, waraŋ a ye tambi bii la.”

Yeremiya 17:11

Ko siisewo meŋ ye kiloolu teyi a maŋ mennu laa, wo le mu moo ti meŋ ka naafuloo soto kalabanteeyaa kono, a la fondinkeeyaa teema le, a be foo la a la, aduŋ a labaŋo be a yitandi la le ko, a mu toolewo le ti.

Amosi 6:13

Ali ka kibiri ali la Lo-Deba saatewo noo la, ali ye ali faŋ wara ka a fo ko, ali ye Karinayimu saatewo taa niŋ ali faŋo birisoo le la.

Nahumu 1:10

Ì si ke ko niŋ feŋo maranta ŋaniŋo kono, ì ye ke ko siiratoo, dimbaa ye ì domo ko ñaama jaaroo.

Luka 11:40

Alitolu toolewolu! Fo Alla meŋ ye banta dadaa, ate le maŋ konoto fanaa dadaa baŋ?

1 Tesalonikankoolu 5:3

Niŋ moolu ko, “Kayiroo niŋ tenkuŋo le be keriŋ,” bituŋ waati kiliŋ doroŋ, kasaaroo si boyi ì kaŋ ko tiŋo ka boyi musukonomaa kaŋ ñaameŋ, moo te kana noo la a ma.

1 Timoti 6:17

Moolu mennu fankata ñiŋ duniyaa kono, wolu dandalaa fo ì kana ì faŋ wara, waraŋ ka ì jikoo loo naafuloolu kaŋ, jiki te mennu la kuwo to. Wo noo to, ì si ì jikoo loo Alla kaŋ, meŋ ye ǹ na suuloolu bee topatoo siyaarinke ǹ na seewoo ye.

1 Timoti 6:7

Ǹ niŋ feŋ maŋ naa ñiŋ duniyaa kono, aduŋ ǹ niŋ feŋ te taa la.

Yankuba 4:14

Ali maŋ hani kuwo loŋ, meŋ be naa saama! Muŋ ne mu ali la baluwo ti? Ali mu tuutuwo doroŋ ne ti, meŋ ka finti waatindiŋ doroŋ, a ye yeemaŋ.