Luka 11:34 - Mandinka Bible

³⁴ “I ñaa le mu i baloo la lampoo ti. Wo kamma la, niŋ i ñaa diyaata, i baloo bee be faa la niŋ maloo la. Bari niŋ i ñaa maŋ diyaa, wo to i baloo bee be faa la niŋ diboo la.

Luka 11:34 Mawu Ofanana

1 Musa 19:11

Ì ye wo kewolu mennu tarata banta ñaalu finkindi, dindiŋ, keebaa, ì maŋ bundaa faŋo je noo.

Jabuuroolu 119:18

N ñaalu yelendi, fo n si kaawakuu tooñaalu je i la karandiroo kono.

Jabuuroolu 81:12

Bituŋ ŋa ì tu ì la sondome jaa kaŋ, ka bula ì fansuŋ yaamaroolu nooma.

Kuma Kotoomaalu 21:4

Faŋ wara mooyaa aniŋ sisi wulindoo mu moo jawoolu le taa ti, ka ke ì ye junuboo ti.

Kuma Kotoomaalu 28:22

Moo hadumeriŋo ka koronto le ka ke naafulutiyo ti, a buka ñiŋ kalamuta ko, fuwaareyaa le ka a batu.

Yesaya 29:10

Kaatu ko, Yaawe ye siinoo baa le kupi ali kaŋ, aduŋ annabiyomoolu mennu keta ali jerilaŋ ñaalu ti, a ye wolu ñaalu tawuŋ ne, jerilaalu mennu keta ali kuŋolu ti, a ye wolu kuŋolu suki.

Yesaya 42:19

Jumaa le finkita ka tambi n na dookuulaalu la, waraŋ a tuloo ye suki ko ŋa n na kiilaalu mennu kii? Jumaa le finkita ko n na tomboŋ moolu, Yaawe la dookuulaalu?

Yesaya 44:18

Ì maŋ feŋ loŋ, aduŋ ì maŋ feŋ fahaamu. Ì ñaalu be finkiriŋ ne, wo le ye a tinna ì buka feŋ je. Ì sondomoo be sukiriŋ, ì buka fahaamuroo ke.

Yesaya 5:20

Kooroo be wo moolu ye, mennu ka kuu jawoo kumandi kuu betoo la, aniŋ kuu betoo, kuu jawoo la, ka diboo yelemandi maloo ti, aniŋ ka maloo ke diboo ti, ka kuniyaa yelemandi timiyaa ti, aniŋ ka diimaa ke kuumaa ti.

Yesaya 6:10

Ñiŋ moolu sondomoolu suki, i ye ì tuloo kuyandi aniŋ i ye ì ñaa finkindi. Niŋ wo nte, ì si jeroo ke niŋ ì ñaalu la le, ì ye moyiroo ke niŋ ì tuloolu la, ì ye fahaamuroo ke niŋ ì sondomoolu la, ì ye naa yelema, ì ye kendeyaa.”

Yeremiya 5:21

Ali ali tuloo tu ñiŋ to, alitolu toolee hakilintaŋolu. Ñaa be ali la le, bari ali buka i je, tuloo be ali la, bari ali buka i moyi.

Maaka 4:12

Wo kamma la, ‘ì si juubeeroo ke, bari ì buka jeroo ke. Ì si moyiroo ke, bari ì buka fahaamuroo ke. Niŋ wo nte, ì be muru la le ka bo sila jawoo to, aduŋ ì la junuboolu be yamfa la.’ ”

Maaka 7:22

jeenoo, hadumoo, jawuyaa, tapaleeyaa, malubaliyaa, haasidiyaa, tooñeeroo, faŋ waroo aniŋ tooleeyaa.

Maaka 8:18

Fo ali buka jeroo ke baŋ, hani ñaalu be ali la? Fo ali buka moyiroo ke baŋ, hani tuloolu be ali la? Fo ali hakiloolu buka bula baŋ?

Luka 11:35

Wo kamma la, i si i hakiloo tu, fo maloo meŋ be i kono, a kana ke diboo ti.

Kiilaalu 13:11

Maariyo buloo laata i kaŋ ne saayiŋ. I be finki la le, i te tiloo je noo la fo waati.” Wo loo niŋ baroo teema diboo boyita a kaŋ. Bituŋ a be muruŋ-muruŋ kaŋ ka moo ñini, meŋ si a buloo muta ka a maakoyi.

Kiilaalu 2:46

Luŋ-wo-luŋ ì ka tenteŋ beŋo la ŋaniya kiliŋo le kono Alla Batudulaa kono. Ì ka domoroo ke ñoo kaŋ ì la suwolu kono, ì ye a talaa ñoo teema ŋaniya senuŋo kono, ì niŋ seewoo.

Kiilaalu 26:18

I si ì ñaalu yelendi fo ì si bo diboo kono ka naa maloo kono, ka bo Seetaanoo* la maraloo kono ka naa Alla kaŋ. Wo to le ì be junube yamfoo soto la, aniŋ niyo moolu kono, mennu naata seneyaa kaatu ì laata nte la.’

2 Korintinkoolu 1:12

A mu ǹ ye kibiri kuwo le ti ko, ŋà m̀ faŋolu muta le daa-wo-daa, sako biriŋ m̀ be alitolu fee. M̀ baluuñaa seneyaata le, aduŋ a tilinta le ko Alla lafita a la ñaameŋ. Hani ǹ sondomoolu ka ñiŋ kuwo seedeyaa. M̀ buka baluu niŋ hadamadiŋyaa ñaameŋo la, bari Alla la hiinoo.

2 Korintinkoolu 11:3

Bari saayiŋ nte be silariŋ ne ko, ali la miiroolu kana ali filindi ko saa ye Hawa neenee ñaameŋ, ka bo niŋ a la feere jawoo la, meŋ si a tinna, ali ye bo ali la soobeeyaa to, aniŋ ali la foroyaa Kiristu ye.

2 Korintinkoolu 4:4

Ñiŋ duniyaa maralilaa ye itolu lannabaloolu sondomeñaalu suki le fo ì kana maloo je noo, meŋ naata ka bo niŋ kibaari betoo la Kiristu* la kallankeeyaa* to, ate meŋ mu Alla muluŋo ti.

Efesusinkoolu 1:17

N ka m̀ Maarii Yeesu Kiristu la Alla daani le, meŋ mu m̀ Faamaa Kallankewo ti, fo a si ñaameŋo nooroo dii ali la, aniŋ nooroo meŋ si Alla la kuwo lankenema ali ye, fo ali si ate loŋ.

Efesusinkoolu 6:5

Joŋolu, ali soŋ ali la duniyaa kuntiyolu ma ko ali sonta Kiristu* ma ñaameŋ, ŋaniya kiliŋo kono, aniŋ silaŋo niŋ jarajaroo.

Kolosankoolu 3:22

Joŋolu, ali soŋ ali la duniyaa kuntiyolu ma kuwolu bee to. Ali kana soŋ ì ma doroŋ niŋ ì ñaalu be ali kaŋ. Moolu mennu lafita ka hadamadiŋolu kontaanindi, wolu ka a ke wo le ñaama, bari alitolu mu Maariyo ñaasilannaalu le ti, wo to ali soŋ ì ma niŋ ali sondomoo bee la.