Luka 10:42 - Mandinka Bible

⁴² bari kuu kiliŋ ne mu suulakuwo ti. Mariyaama ye kuu kendoo le tomboŋ, meŋ te taa la a bulu!”

Luka 10:42 Mawu Ofanana

Jabuuroolu 119:111

I la luwaalu le mu n na sotofeŋ kummaalu ti fo abadaa. Ì ka n jusulandi le.

Jabuuroolu 119:173

I maakoyiri buloo tu tilindiŋ n na, kaatu ŋa ñiŋ ne tomboŋ ka bula i la yaamaroolu nooma.

Jabuuroolu 119:30

Ŋa meŋ tomboŋ, wo le mu ka i la siloo nooma foroyaa kono. N ka n hakilitu i la yaamaroolu to le.

Jabuuroolu 142:5

Hee Yaawe, n kumboota i ye le ka m maakoyi. N ko ite le mu n na tankandirilaa ti. Ŋa ite le soto n na baluwo to.

Jabuuroolu 17:15

Bari nte de, m be tara la i fee le, n na sootaaribaliyaa kaŋ. Niŋ n wulita, m be wasa la i ñaatiliŋo la le.

Jabuuroolu 27:4

Kuu kiliŋ ŋa Yaawe daani wo le la, aduŋ m be wo le ñiniŋ kaŋ, ka tara sabatiriŋ a batudulaa buŋo kono m baluu tiloolu bee la, ka a la kallankeeyaa* fele, aniŋ ka bankeeroo ñiniŋ a batudulaa.

Jabuuroolu 73:25

Ŋa jumaa le soto Arijana kono ite koolaa? Aduŋ feŋ te duniyaa kono n ñaanita meŋ na ite koolaa.

Kawandilaa 12:13

A bee moyiriŋo koolaa, kuwo ñiŋ kumfaaraŋo fele: Sila Alla la, i ye a la yaamaroolu muta. Ñiŋ ne mu hadamadiŋo kekuwo ti.

Maaka 8:36

Moo be muŋ nafaa le soto la, niŋ a ye duniyaa feŋolu bee soto, bari a naata foo a niyo la?

Luka 10:39

A ye doomaa soto, meŋ too mu Mariyaama ti. Wo naata sii Maariyo siŋolu daala ka i lamoyi a la kumoolu la.

Luka 11:1

Luŋ doo le la, Yeesu be duwaa kaŋ dulaa doo to. Kabiriŋ a pareeta, a la saayibe kiliŋ ko a ye ko, “M Maarii, ǹ karandi duwaa la ko Yaayaa ye a la saayiboolu karandi ñaameŋ!”

Luka 12:20

“Bari Alla ko a ye ko, ‘Ite toolewo! Ñiŋ suutoo faŋo le la, m be i niyo taa la i bulu. Wo to i ye feŋolu mennu maabo, wolu be ke la jumaa le taa ti?’

Luka 12:33

“Ali ali la sotofeŋolu waafi, ali ye fuwaaroolu so. Ali kalipewo parendi ali faŋolu ye, meŋ te kenseŋyaa la. Wo le mu naafuloo ti Arijana kono, meŋ te talaa la muk. Suŋo te a suuñaa la, aduŋ tumboolu fanaa te a tiñaa la.

Luka 16:2

Wo to le a ye a kumandi, a ko a ye ko, ‘Muŋ ne mu ñiŋ ti, ŋa meŋ moyi i la kuwo to? I si kontoo bo feŋolu to, ŋa mennu dii i la, kaatu ite te mara la n na dookuwo la kotenke!’

Luka 16:25

Bari Iburayima ko a ye le ko, ‘N diŋo, i hakiloo bulandi ko, i la baluwo tumoo la, i ye feŋ betoolu bee soto le, aduŋ Lasarus ye feŋ jawoolu le soto. Bari saayiŋ, a sabarindita jaŋ ne, ite be tooroo kono.

Luka 18:22

Kabiriŋ Yeesu ye ñiŋ moyi, a ko a ye ko, “Kuu kiliŋ ne be jee hani saayiŋ, i dasata meŋ na. I la sotofeŋolu bee waafi, i ye a dii fuwaaroolu la. Wo to le i be naafuloo soto la Arijana kono. Bituŋ i si naa nte nooma.”

Luka 8:18

Wo to ali ali hakiloo tu, ali ka i lamoyi ñaameŋ. Moo meŋ ye feŋ soto, doo be dii la wo le la. Bari moo meŋ maŋ feŋ soto, hani a ye meŋ muta a taa ti, wo faŋo be buusi la a la le.”

Yohana 11:1

Kewo doo le kuuranta nuŋ, ì ka a fo meŋ ye Lasarus. A bota Betaniya le, Mariyaama niŋ a kotoomusoo Marita la saatewo to.

Yohana 11:19

Bituŋ Yahuudi jamaa naata Marita niŋ Mariyaama yaa, ka ì sabarindi ì baarinkewo la saŋo la.

Yohana 12:3

Bituŋ Mariyaama ye karabaanijii kaboo taa. Ñiŋ karabaanijii daa koleŋo dadaata ka bo naride suloo le la, aduŋ a hapoo sutiyaata liitari talantewo ñoŋ ne la. A ye a maa Yeesu siŋolu la, aduŋ a ye a siŋolu fita niŋ a kuntiñoo la. Bituŋ buŋo faata niŋ karabaanijii seeroo la.

Yohana 17:3

Aduŋ ñiŋ ne mu badaa-badaa baluwo ti ko, ì si ite loŋ, ite meŋ dammaa mu Alla tooñaa ti, aniŋ ì si Yeesu Kiristu* loŋ, i ye meŋ kii.

Yohana 4:14

Bari moo meŋ ye i miŋ jiyo la, m be meŋ dii la a la, mindoo nene te wo maarii muta la kotenke. Jiyo, m be meŋ dii la a la, wo be ke la woyoo le ti a kono, meŋ ka woyi ka badaa-badaa baluwo dii.”

Yohana 5:24

“Tooñaa-tooñaa, m be a fo la ali ye, moo meŋ ye n na kumoo moyi, aduŋ a laata Alla la, meŋ ye n kii, wo maarii ye badaa-badaa baluwo soto le. Aduŋ a te naa la kiitiyo to, bari a tambita le ka bo saayaa to ka taa baluwo to.

Yohana 6:27

Ali kana bataa domoroo kunna, meŋ waatindiŋ doroŋ, a ye baŋ. Bari ali bataa domoroo kunna, meŋ te baŋ na, bari a ka badaa-badaa baluwo dii. Moo Dinkewo* be wo le dii la ali la, kaatu Alla a Faamaa faŋo ye a tomboŋ wo le kamma.”

1 Korintinkoolu 13:3

Niŋ ŋa n na sotofeŋolu bee dii fuwaaroolu la, ŋa m baloo dii faŋ ka jani, bari m maŋ kanoo soto, wolu maŋ n nafaa feŋ na.

Kalatiyankoolu 5:6

Kiristu Yeesu la karoo la fataŋ-fansi te sunnoo niŋ sunnabaliyaa teema. Meŋ kummaayaata, wo mu lannoo le ti, meŋ ka dookuwo ke ka bo niŋ kanoo la.

5 Musa 30:19

Bii luŋo, saŋo niŋ bankoo le mu n niŋ ali teema seedoo ti ko, ŋa baluwo niŋ saayaa le laa ali ñaa koto, neemoo niŋ dankoo. Wo to, ali baluwo taa fo ali niŋ ali koomalankoolu si baluu.

Yosuwa 24:15

Bari niŋ ali maŋ lafi ka Yaawe batu, wo to ali a fo bii, ali be meŋ tomboŋ na ka a batu. Ali tombondiroo ke alloolu la ali la alifaa foloolu tarata mennu batu kaŋ nuŋ Yufurati Boloŋo kankuŋ doo la, waraŋ Amorinkoolu la alloolu, ali be sabatiriŋ mennu la bankoo kaŋ saayiŋ. Bari nte wo de, n niŋ n na dimbaayaa be Yaawe doroŋ ne batu la.”

Yosuwa 24:22

Bituŋ Yosuwa naata a fo ì ye ko, “Ali faŋolu le mu ali faŋ na seede ti ko, ali ye tombondiroo ke Yaawe doroŋ ne la ka a batu.” Ì ko a ye ko, “Haa, ntolu faŋolu le mu m̀ faŋ na seede ti.”