Lankenemoo 7:9 - Mandinka Bible

⁹ Wo koolaa, ŋa juubeeroo ke, aduŋ n naata kafu baa le je, moo te meŋ yaatee noo la. Ì bota nasiyoŋolu bee le kono, siyolu bee, bankoolu bee, aniŋ kaŋolu bee. Ì be looriŋ mansasiiraŋo niŋ Saajiiriŋo ñaatiliŋo la. Waramba koyoolu be ì la, aduŋ ì ye tamaree buloolu muta ì buloolu kono.

Lankenemoo 7:9 Mawu Ofanana

1 Musa 13:16

M be i koomalankoolu siyandi la le, moo te meŋ yaatewo loŋ noo la. Niŋ moo si bankumunkoo yaatewo loŋ noo, wo to a maarii si i koomalankoolu yaatewo loŋ.

1 Musa 49:10

Yahuuda niŋ mansayaa te fata la ñoo ma, a koomalankoolu be tu la maraloo la le, fo janniŋ maralilaa kuntiyo faŋo be naa la, meŋ, duniyaa moolu la buuñaa be tara la a ye.

Jabuuroolu 2:8

Niŋ i ye n kaniŋ, m be bankoolu dii la i la le ka ke ì la keetaafeŋo ti. Duniyaa fannaa bee si ke i taa ti.

Jabuuroolu 22:27

Duniyaa fannaa bee la, moolu hakiloo be bula la Yaawe la le, aduŋ ì be muru la a kaŋ ne. Bankoolu la siyolu bee le be sujudi la a ñaatiliŋo la.

Jabuuroolu 76:4

Hee Alla, ite kallankeeyaata* le, i warata ka tambi konko baalu la, mennu be tu la looriŋ fo abadaa.

Jabuuroolu 77:2

Tuma meŋ m be mantooroo kono, ŋa Maariyo le ñini, ŋa m buloolu wulindi le ka duwaa suutoo bee, m maŋ kori, aduŋ n niyo maŋ laa noo.

Jabuuroolu 98:3

A ye a la laahidoo muta Banisirayila moolu ye le, a la kanu bambaloo niŋ foroyaa tilindiŋo kaŋ. Duniyaa moolu bee ye ntolu la Alla la tankandirilaŋ semboo je le.

Yeremiya 16:19

Hee Yaawe, ite le mu n jikiraŋ semboo ti, aniŋ n na tata bambandiŋo, i mu n tuukuraŋo ti mantooroo waatoo kono. Banku koteŋ moolu be naa i kaŋ ne ka bo naŋ duniyaa daŋolu to, ì ye a fo ko: “Ntolu la alifaa foloolu maŋ keetaafeŋ soto fo jalaŋ kenseŋolu, jalaŋ kenseŋolu, nafaa te mennu la.

Yeremiya 3:17

Wo waatoo la, ì be kali Yerusalaamu kumandi la Yaawe la Mansasiiraŋo le la. Duniyaa banku moolu bee be beŋ na jee le ka m batu n too la, aduŋ ì te bula la ì la sondome jaa niŋ kuruŋyaa nooma kotenke.

Esekiyeli 47:5

A ye nonkonkatiñaa wuli kiliŋ sumaŋ kotenke. Jiyo naata diinoŋ fo labaŋo la m maŋ tambi noo, kaatu a jiyo siyaabaata le. A diinonta le fo hani i si newuŋ noo a kono, i te a teyi noo la i siŋo la.

Daniyeli 4:1

Mansa Nebukanesa ye ñiŋ kankulaaroo le kii banku-wo-banku to, sii-wo-sii, aniŋ moolu bee, mennu be duniyaa daa-wo-daa: M be kayira baa duwaa la ali ye!

Daniyeli 6:25

Bituŋ Mansa Dariyusi ye safeeroo ke, a ye a kii duniyaa banku-wo-banku kaŋ, sii-wo-sii, aniŋ moolu bee. A ko: “M be kayira baa duwaa la ali ye.

Hoseya 1:10

“Hani wo Banisirayilankoolu yaatewo be ke la le ko bankumunkoo, meŋ te sumaŋ noo la sako a yaatewo si loŋ. Aduŋ a fota a ma daameŋ to ko, ‘Ali maŋ ke n na moolu ti,’ a be fo la a ma jee le to ko, ‘Alla baluuriŋo diŋolu.’

3 Musa 23:40

A tili foloo la, ali si yiri dinnaa bulu ñiimaalu taa, tamaree buloolu, yiri biireeriŋ buloolu, aniŋ nomboolu, mennu be woyoolu daala. Ali si seewoo nte Yaawe ali la Alla ñaatiliŋo la fo tili woorowula.

Jakariya 10:8

“N si m buloo maa ì ye naŋ, ŋa ì kumbeŋ naŋ ñoo ma, kaatu nte le ye ì kiisa naŋ. Ì si siyaa ko ì be nuŋ ñaameŋ.

Jakariya 2:11

Wo luŋo la, banku jamaa si naa Yaawe kaŋ, aduŋ ì be ke la a la moolu le ti. A be sabati la ali kono le. Niŋ wo keta, ali be a loŋ na le ko, Yaawe Alihawaa Maariyo le ye n kii ali kaŋ.

Luka 12:1

Moo wuliwuloolu kafuta ñoo ma, fo ì ka loo ñoo kaŋ. Bituŋ Yeesu ye a dati ka a fo a la saayiboolu foloo ye ko: “Ali ali hakiloo tu Farisewolu* la leweñoo to, meŋ mu bunaafayiyaa ti.

Luka 21:36

Wo kamma la, ali koroosiroo ke waati-wo-waati. Ali ye duwaa fo ali si kana noo ñiŋ kuwolu bee ma, mennu ka naa, aduŋ ali si loo noo Moo Dinkewo ñaatiliŋo la.”

Yohana 12:13

Bituŋ ì ye tamaree buloolu taa, ì taata ka a benduŋ. Ì be sari kaŋ ko: “Hosanna! Tenturoo niŋ jayiroo be ate le ye, meŋ ka naa Maariyo too la! Tenturoo niŋ jayiroo be Banisirayila la mansakewo ye!”

Roomankoolu 11:25

Baadiŋolu, n lafita ali kalamutandi la kulloo le la fo ali la londoo kana tara dendiŋ ali fansuŋ miiroolu la. Wo le mu ñiŋ ti ko, Banisirayila kara doo sondomoo be tara la bambandiŋ ne fo waatoo meŋ na, wo moolu mennu maŋ ke Yahuudoolu ti hapoo ye timma ka Alla la kiisoo soto.

Efesusinkoolu 6:13

Wo kamma la, ali kelejooraŋolu bee taa, Alla ye mennu dii ali la, fo ali si loo noo bambandinke wo luŋ jawoo la, aduŋ ali be loo noo la le hani keloo bandiŋ koolaa.

Hiburunkoolu 11:12

Wo le ye a tinna kee kiliŋ meŋ baloo maŋ jamfa saayaa la, a naata ke bonsuŋo ti moolu ye, mennu siyaata ko looloolu saŋo santo. Ì be siyaariŋ ko bankumunkoo, ì buka konti noo.

Hiburunkoolu 12:22

Bari alitolu naata Siyoni* Konkoo le kaŋ, Alla baluuriŋo la saatewo to. Wo saatewo mu wo Yerusalaamu le ti, meŋ be Arijana kono, malaayika kontibaloolu be bendiŋ juuraloo la daameŋ.

Lankenemoo 11:15

Bituŋ malaayika woorowulanjaŋo ye a la footaŋo fee, aduŋ kumakaŋ baalu be Arijana kono, ì be a fo la ko, “Duniyaa mansayaa bee naata ke m̀ Maariyo niŋ a la Alimasiihu* la mansayaa le ti, aduŋ a si maraloo ke fo abadaa!”

Lankenemoo 22:3

Dankoo te soto la jee kotenke, bari Alla niŋ Saajiiriŋo la mansasiiraŋo le be tara la saatewo ñiŋ kono, aduŋ Alla la dookuulaalu be a batu la le.

Lankenemoo 3:18

Wo kamma la, ŋa i yaamari ka sanoo saŋ nte bulu, meŋ kuloorita dimbaa la, fo i si ke fankamaa ti. Waramba koyoo saŋ nte bulu ka i faŋ sutura, fo moolu kana i ŋayiboo je, meŋ mu malu kuwo ti. Booroo saŋ ì ñaalu ye, i ye a moosi ì bala, fo i si jeroo ke noo.

Lankenemoo 4:4

Mansasiiraŋ muwaŋ niŋ naani le ye ñiŋ mansasiiraŋo muruŋ-muruŋ, ì ye a bula teema, aduŋ alifaa muwaŋ niŋ naani le be siiriŋ wo mansasiiraŋolu kaŋ. Ì bee ye waramba koyoolu le duŋ, aniŋ mansanaafoolu mennu dadaata niŋ sanoo la, be ì kuŋolu to.

Lankenemoo 5:11

Wo to le ŋa malaayikoolu jamaa je, ì ye mansasiiraŋo niŋ daafeŋ baluuriŋolu niŋ alifaalu murubeŋ. Ì mu malaayika wuliwuloolu le ti, aniŋ miliyoŋ-miliyoŋolu. Aduŋ ŋa ì la kumakaŋolu moyi le,

Lankenemoo 5:9

Bituŋ ì ye suukuu kutoo laa ko: “Ite le jarita ka kitaabu moromororiŋo taa, aniŋ ka a notoolu teyi. Kaatu ite le kanateyita, i ye moolu kumakaa Alla ye. Ite le yeloo keta kumakaaraŋo ti moolu bee ye, ka bo siyolu bee kono, kaŋolu, bankoolu, aniŋ nasiyoŋolu bee.

Lankenemoo 6:11

Bituŋ waramba koyoo diita ì meŋ-wo-meŋ na. Ì sabarindita ko, ì ye dahaa fo waatindiŋ, fo ì dookuuñoolu niŋ ì baadiŋolu* la hapoo ye timmandi, mennu fanaa ñanta faa la wo ñaa kiliŋo ñaama.

Lankenemoo 7:8

ka bo Sebuluni lasiloo to, wuli taŋ niŋ fula, ka bo Yusufa lasiloo to, wuli taŋ niŋ fula, aniŋ ka bo Benjamini lasiloo to, wuli taŋ niŋ fula.