Lankenemoo 21:3 - Mandinka Bible

³ N naata kumakaŋ baa moyi ka bo mansasiiraŋo to. A ko, “A juubee, Alla la sabatidulaa be hadamadiŋolu fee le. A be tara la ì fee le, aduŋ ì be ke la a la moolu le ti. Alla faŋo be tara la ì fee le ka ke ì la Alla ti.

Lankenemoo 21:3 Mawu Ofanana

1 Mansoolu 8:27

“Bari fo tooñaa Alla si tara noo sabatiriŋ duniyaa kono baŋ? Hani saŋ fatoolu daŋo to ite te kuŋ na wo to, sako ñiŋ buŋo nte ŋa meŋ loo.

2 Taarika 6:18

“Bari fo tooñaa, Alla si tara noo sabatiriŋ hadamadiŋolu kono duniyaa kono baŋ? Hani saŋ fatoolu daŋo to, ite te kuŋ na wo to, sako ñiŋ buŋo, nte ŋa meŋ loo.

2 Musa 25:8

Bituŋ i si a fo ì ye, ì ye Tiriliisi Senuŋo* loo n ye, m be sabati la ì fee daameŋ.

2 Musa 29:45

Bituŋ n si naa sabati Banisirayilankoolu fee, ŋa ke ì la Alla ti.

Yesaya 12:6

Siyoninkoolu*, ali sari santo, ali suukuwo laa seewoo kono, kaatu Banisirayila la Senuŋ Baa meŋ be sabatiriŋ ali kono, warata le.”

Yeremiya 31:33

“M be kambeŋ kutoo meŋ siti la n niŋ Banisirayila teema, wo luŋolu la, a be ke la ñiŋ ne ti: M be n na yaamaroolu ke la ì hakiloolu kono le, ŋa ì safee ì sondomoolu bala. M be ke la ì la Alla le ti, aduŋ ì be ke la n na moolu le ti.

Yeremiya 32:38

Ì be ke la n na moolu le ti, ŋa ke ì la Alla ti.

Esekiyeli 37:27

N na sabatidulaa be tara la ì kono le, aduŋ nte le be ke la ì la Alla ti, aniŋ itolu le be ke la n na moolu ti.

Esekiyeli 43:7

A ko n ye le ko: “Hadamadiŋo, ñiŋ dulaa le mu n na mansasiiraŋo aniŋ n siŋ looraŋo ti. M be tara la sabatiriŋ Banisirayila moolu kono jaŋ ne to, ka ì mara fo abadaa. Banisirayilankoolu niŋ ì la mansoolu te n too senuŋo kosondi la kotenke ka bo niŋ ì la jalaŋ batu tuluŋolu la, aniŋ ì ye beroolu mennu loo ì la mansa furewolu ye.

Esekiyeli 48:35

“Saatewo la waroo muumewo bee be kaañaŋ na nonkonkatiñaa wuli taŋ niŋ seyi le fee. Ka bo wo waatoo la ka taa fo fawu, wo saatewo too be ke la ñiŋ ne ti: Yaawe be jee le.”

Jakariya 13:9

Talaadaa sabanjaŋo, m be wolu seneyandi la dimbaa le la, ko ì ka kodiforoo seneyandi ñaameŋ. M be ì kotobo la le, ko ì ka sanoo kotobo ñaameŋ. Ì be n too kumandi la le, aduŋ m be n danku la ì ma le. N si a fo ko, ‘Ì mu n na moolu le ti.’ Ì fanaa si a fo ko, ‘Yaawe le mu ǹ na Alla ti.’ ”

Jakariya 8:8

M be ì murundi la naŋ ne, ì ye sabati Yerusalaamu. Ì si ke n na moolu ti, ŋa ke ì la Alla ti foroyaa kono, aniŋ tiliŋo.

4 Musa 9:16

A tuta ke la wo le ñaama. Minaayoo le ka a muuri tiloo waatoo la, suutoo a dimbaamaa le ka finti.

Yohana 1:14

Bituŋ Kumoo naata ke hadamadiŋo ti, a sabatita ntolu kono, aduŋ a be faariŋ hiinoo niŋ tooñaa le la. Ŋà a la semboo niŋ waroo je le, kaatu ate le mu Faamaa Dinkee kiliŋo ti.

Yohana 14:23

Yeesu ye a jaabi ko, “Niŋ moo meŋ ye nte kanu, a be n na kumoo muta la le, aduŋ m Faamaa be wo maarii kanu la le. Aduŋ m̀ be naa la a yaa le, ŋà sabati a fee.

2 Korintinkoolu 6:16

Fo jalaŋolu si kenoo soto Alla la Buŋo kono baŋ? Bari ntolu le mu Alla baluuriŋo la buŋo ti, ko Alla ye a fo ñaameŋ ko: “N si naa sabati ì fee, m be tara la taama la ì kono le, m be ke la ì la Alla ti, aduŋ ì be ke la n na moolu ti.”

2 Korintinkoolu 6:18

aduŋ m be ke la ali Faamaa ti, ali be ke la n dinkewolu ti, aniŋ n dimmusoolu.’ Alla Mansa Tallaa ye wo le fo.”

1 Tesalonikankoolu 3:11

Ñiŋ ne mu ǹ na duwaa ti ko, m̀ Faamaa Alla faŋo aniŋ m̀ Maarii Yeesu si ǹ na siloo parendi ka naa ali yaa.

Hiburunkoolu 11:16

Bari tooñaa, ì tarata hameriŋ banku betoo doo le la, meŋ beteyaata wo doo ti, kaatu a be Arijana le kono. Wo kamma la, niŋ wo moolu ka Alla kumandi ì la Alla la, Alla maŋ wo muta malu kuwo ti, kaatu a ye saatewo le parendi ì ye.

Hiburunkoolu 8:10

“M be kambeŋ kutoo meŋ siti la n niŋ Banisirayila teema, niŋ wo luŋolu tambita, a be ke la ñiŋ ne ti: M be n na yaamaroolu ke la ì hakiloolu kono le, ŋa ì safee ì sondomoolu bala. M be ke la ì la Alla le ti, aduŋ ì be ke la n na moolu le ti.” Maariyo le ye a fo.

Hiburunkoolu 8:2

A ka dookuwo ke Dulaa Senuŋ Baa* le kono Alla la Tiriliisi Senuŋo* to. Ñiŋ mu Tiriliisi tooñaa le ti, hadamadiŋ maŋ meŋ londi, bari Maariyo faŋo.

Lankenemoo 10:4

Biriŋ saŋ kumakaŋ woorowuloo kumata, m pareeta ka a safee, bari n naata kumakaŋo moyi ka bo naŋ saŋo santo. A ko n ye ko, “Kuwolu tu kulloo kono, saŋ kumakaŋ woorowuloo ye mennu fo, ì kana ì safee.”

Lankenemoo 10:8

Bituŋ ŋa kumakaŋo meŋ moyi nuŋ ka bo naŋ saŋo santo, wo naata diyaamu n ye kotenke ko, “Taa, kitaabundiŋ moromororiŋo taa, meŋ be yeleriŋ wo malaayikoo buloo kono, meŋ be looriŋ fankaasoo kono aniŋ tintoo kaŋ.”

Lankenemoo 12:10

Ŋa kumakaŋ baa moyi Arijana kono, meŋ ko, “N na Alla la kiisoo, a la semboo niŋ mansabaayaa, aniŋ a la Alimasiihu* la kantiiyaa naata le, kaatu m̀ baadiŋolu* tuumilaa fayita duuma le. Ate le be ì tuumi kaŋ nuŋ, ǹ na Alla ñaatiliŋo la, suutoo niŋ tiloo la.

Lankenemoo 21:7

Moo meŋ ye nooroo ke, a be ñiŋ kuwolu bee le soto la. Aduŋ nte be ke la a la Alla le ti, ate ye ke n diŋo ti.

Lankenemoo 22:3

Dankoo te soto la jee kotenke, bari Alla niŋ Saajiiriŋo la mansasiiraŋo le be tara la saatewo ñiŋ kono, aduŋ Alla la dookuulaalu be a batu la le.

Lankenemoo 7:15

Wo le ye a tinna ì be Alla la mansasiiraŋo ñaatiliŋo la. Ì ka a batu a Batudulaa Buŋo* kono suuto, tili. Ate meŋ be siiriŋ mansasiiraŋo kaŋ, a be tara la ì fee le ka ì tanka.