Lankenemoo 19:2 - Mandinka Bible

² A la kiitiyolu mu tooñaa niŋ tiliŋo le ti, a ye wo cakamusu baa kiitindi le, meŋ ye duniyaa kosondi a la laañooyaa tuluŋo la. A ye Alla la dookuulaalu mennu yeloo boŋ, Alla ye wolu la juloo joo a ñaama le.”

Lankenemoo 19:2 Mawu Ofanana

2 Mansoolu 9:7

I be i maarii Mansa Ahabu la dimbaayaa moolu bee kasaara la le. Yaawe be a la annabiyomu dookuulaalu la faa niŋ ì yeloo la boŋo juloo joo la le, aniŋ a la dookuulaalu bee, Yesebeli ye mennu yeloo boŋ.

Jabuuroolu 19:9

Yaawe ñaasilaŋo mu kuu kendoo le ti, a be tu la le fo abadaa. Yaawe la luwaalu mu tooñaa le ti, aduŋ ì bee le ka tiliŋ.

Yesaya 25:1

Hee Yaawe*, ite le mu n na Alla ti, m be i sikandi la le, m be i too jayi la le, kaatu i ye kaawakuwolu le ke. Biriŋ koomanto, i la feeroolu tilinta le, ì bambanta.

Daniyeli 7:26

“Ì be kiitiyo le wulindi la a kamma, ì ye a semboo taa a bulu, ì ye a muumewo kasaara fereŋ.

5 Musa 32:35

Julujoo mu Yaawe le taa ti, a be ì joo la a ñaama le, ì be boyi la a waatoo la le, a te mee la, mantooroo be jii la ì kaŋ, maasiiboo be ì moonee la le.

5 Musa 32:4

Ate le mu Semberaŋ Bere Baa ti, a kekuwolu maŋ sootaari soto, a la siloolu bee tilinta. Alla foroyaata le, faniyaa te a la kuwo to, ate mu tiliŋo niŋ tooñaa le ti.

5 Musa 32:43

Hee, duniyaa moolu, ali Yaawe la moolu jayi. A be a la dookuulaalu yeloo bonnaalu joo la le, a be i joo la a jawoolu to le, a be a la moolu la bankoo seneyandi la le, junuboo ye meŋ kosondi.

Lankenemoo 15:3

Ì be Annabilayi Musa la suukuwo laa kaŋ, meŋ mu Alla la dookuulaa ti, aniŋ Saajiiriŋo la suukuwo. Ì be a fo kaŋ ko: “Ite Maariyo, Alla Mansa Tallaa, i la baara kuwolu warabaata le, ì kaawakuuyaata. Ite mu Mansa le ti nasiyoŋolu bee kunto, i la siloolu mu tiliŋo niŋ tooñaa le ti.

Lankenemoo 18:20

“Ite Arijana, seewoo a la kuwo la. Moo senuŋolu, kiilaalu* aniŋ annabiyomoolu, ali bee ye seewoo, kaatu meŋ ye kuu jawoo ke ali la nuŋ, Alla ye kiitiyo laa a kaŋ ne.”

Lankenemoo 18:3

Nasiyoŋolu bee ye i miŋ a la laañooyaa tuluŋo doloo la le. Duniyaa mansoolu niŋ a ye laañooyaa tuluŋo ke le, duniyaa safaarilaalu naata ke naafulutiyolu ti, a la fankoo semboo la.”

Lankenemoo 6:10

Ì sarita niŋ sari baa la ko: “M̀ Maarii Mansa Tallaa! Ite meŋ jankuta, ite meŋ mu tooñaa ti, fo i la kiitiyo be mee la le hani saayiŋ? Waati jumaa le i be moolu joo la, mennu ye ntolu faa?”