Lankenemoo 18:2 - Mandinka Bible

² A sarita santo niŋ sari baa la ko: “A boyita le, Babiloni saatee baa boyita! A naata ke seetaani jawoolu la sabatidulaa ti, a keta daakaa le ti noora jawu siifaa bee ye. A keta kunu jankubaloolu la taradulaa le ti, aniŋ kunoolu mennu konta.

Lankenemoo 18:2 Mawu Ofanana

Yesaya 14:23

Yaawe Alihawaa Maariyo ko, “M be bankoo ñiŋ ke la ballabaariŋo la dulaa le ti, a ye ke lewo ti. M be a fita la niŋ kasaara fitaraŋo le la.”

Yeremiya 25:30

A ko n ye ko: “Wo to ite si ñiŋ kiilaariyaa kumoolu bee fo ì ma, ka a fo ì ye ko: Nte Yaawe be bumbuŋ na naŋ santo le, n kaŋo ye kuma ko saŋ feteŋo n na taradulaa senuŋo kono, ka bumbuŋ n na koorewo kaŋ niŋ semboo la. M be sari la le ko mennu ka yiridiŋolu biti, ka sari duniyaa moolu bee kaŋ.

Yeremiya 51:37

Babiloni be ke la tumbuŋ tuŋolu le ti, a ye ke kunkuwuloolu la daakaa ti, a ye ke kijafara kuwo niŋ ciipuru feŋo ti, moo te tara la siiriŋ jee.

Yeremiya 51:8

Waati kiliŋ, Babiloni boyita ka teyiŋ-teyiŋ. Ali kumboo a ye! Ali booroo naati a la baramoo ye, tumandoo a be kendeyaa la le.”

Yoweli 3:16

Yaawe bumbunta ko jatoo ka bo naŋ Siyoni*, a ye kaŋo dii ka bo Yerusalaamu, saŋo niŋ bankoo jarajarata. Bari Yaawe faŋo le mu a la moolu ye tankadulaa ti, tata bambandiŋo, Banisirayilankoolu ye.

Sefaniya 2:14

Jee ye ke beeyaŋ koorewolu laadulaa ti, aniŋ wulakono daafeŋolu siifaa bee. Sonkosonkoolu niŋ ballabaariŋolu ye i laa a tumbuŋolu to, kiikiyaŋolu si kuma a palanteeroolu to, kaanaalu ye kuma a bundaa kuŋolu to, ì la bunkono sedari* babaroolu ye koloŋ.

Lankenemoo 1:15

A siŋolu be malamala kaŋ ko jaawaloo meŋ kuloorita dimbaa la, aduŋ a kumakaŋo be le ko jiibaliŋ baalu.

Lankenemoo 10:3

A sarita santo, a kumakaŋo be ko jatoo meŋ ka bumbuŋ. Kabiriŋ a ye kumandiroo ke, saŋ kumakaŋ woorowula ye a danku.

Lankenemoo 11:8

Ì furewolu be tara la laariŋ saatee baa mbeedoolu kaŋ ne, ì ka meŋ misaali Sodomu niŋ Misira la. Wo le mu saatewo faŋo ti, ì Maariyo pempenta yiribantambiloo kaŋ daameŋ.

Lankenemoo 14:15

Malaayika doo naata finti Alla Batudulaa Buŋo* kono. A sarita niŋ sari baa la ka wo kumandi, meŋ be siiriŋ minaayoo kaŋ. A ko a ye ko, “I la worotoo taa, i ye katiroo ke. Katiri waatoo siita le, kaatu duniyaa moota katiroo ye le.”

Lankenemoo 14:8

Bituŋ malaayika fulanjaŋo ye a nooma, a be a fo kaŋ ko, “A boyita le, Babiloni saatee baa boyita! Ate le ye duniyaa nasiyoŋolu bee siirandi a la laañooyaa tuluŋo doloo la.”

Lankenemoo 16:13

Bituŋ ŋa seetaani jawu saba je, mennu mulunta ko totoolu. Ì fintita naŋ ninkinankoo daa kono, daafeŋ saŋarariŋo daa kono, aniŋ faniyaa annabiyomoo daa kono.

Lankenemoo 16:19

Bituŋ wo saatee baa farata talaadaa saba ti, duniyaa nasiyoŋolu la saatewolu tiñaata. Ñiŋ keta le, kaatu Alla hakiloo bulata Babiloni saatee baa la le. A ye kamfaa mindaŋo dii a la le ka i miŋ, aduŋ wo be faariŋ niŋ a la kamfaa doloo le la.

Lankenemoo 17:18

I ye musoo meŋ je, ate le mu saatee baa ti, meŋ ye kaŋo soto duniyaa mansoolu bee kaŋ.”

Lankenemoo 17:5

Too be safeeriŋ a foŋo to meŋ mu kulloo ti ko, “Babiloni saatee baa, cakoolu aniŋ duniyaa haraamu kuwolu baamaa!”

Lankenemoo 18:10

Ì te haañi la ka sutiyaa a la, kaatu a la yankankatoo be ì sila la le. Ì be a fo la le ko: “Kooroo, kooroo be ite saatee baa ye, ite saatee sembemaa baa, Babiloni. I la kiitiyo naata ì kaŋ waati kiliŋ.”

Lankenemoo 18:21

Wo to le malaayika sembemaa baa ye beroo sika, meŋ warata ko tuurilaŋ bere baa. A ye a fayi fankaasoo kono. A ko: “Babiloni saatee baa si fayi duuma niŋ semboo la teŋ, a nene te soto la kotenke.

Lankenemoo 5:2

Ŋa malaayika sembemaa je, meŋ be kankulaaroo kaŋ niŋ sari baa la ko, “Jumaa le jarita ka ñiŋ kitaabu moromororiŋo notoolu teyi, aniŋ ka a yele?”