Lankenemoo 17:2 - Mandinka Bible

² Ate le niŋ duniyaa mansoolu ye laañooyaa tuluŋo ke, aduŋ mennu be sabatiriŋ duniyaa kono, naata siira niŋ a la laañooyaa tuluŋo doloo la.”

Lankenemoo 17:2 Mawu Ofanana

Yeremiya 51:7

Babiloni tarata nte buloo kono le ko sani mindaŋo, duniyaa bee ye a miŋ fo ì keta tamaji. Bankoolu ye a la wayinoo* miŋ ne, a ye ì ñaamandi.

Nahumu 3:4

Ñiŋ bee be ke la Ninewe la le, kaatu a keta le ko cakamusoo, meŋ na cakayaa maŋ dandulaa soto. A ka moolu neenee niŋ a la ñiiñaa la, a keta ko buwaamusoo, buwaayaa koyita meŋ ma. A ye banku jamaa le joŋyandi a la cakayaa la, a ye moolu joŋyandi a la buwaayaa la.

Yohana 2:10

A ko a ye ko, “Moolu bee ka wayini betoo le foloo dii. Bituŋ niŋ moolu kaañanta miŋo la, wo to le ì ka wo daa feemaa dii. Bari ite ye betemaa le maabo, i ka naa wo fintindi saayiŋ.”

Lankenemoo 14:8

Bituŋ malaayika fulanjaŋo ye a nooma, a be a fo kaŋ ko, “A boyita le, Babiloni saatee baa boyita! Ate le ye duniyaa nasiyoŋolu bee siirandi a la laañooyaa tuluŋo doloo la.”

Lankenemoo 17:13

Ñinnu ye hakili kiliŋ ne soto, aduŋ ì ye ì la semboo niŋ ì la kaŋo dii daafeŋ saŋarariŋo la le.

Lankenemoo 17:17

Alla le ye wo feeroo duŋ wo mansoolu sondomoo kono, ka a ke. Ì kambenta ka ì la mansayaa dii wo daafeŋ saŋarariŋo la fo waatoo meŋ na, Alla la kumoo be timmandi la.

Lankenemoo 17:5

Too be safeeriŋ a foŋo to meŋ mu kulloo ti ko, “Babiloni saatee baa, cakoolu aniŋ duniyaa haraamu kuwolu baamaa!”

Lankenemoo 17:8

Daafeŋ saŋarariŋo ñiŋ, i ye meŋ je, a be keriŋ ne nuŋ, bari saayiŋ a te keriŋ. A be naa santo le ka bo dinka dambaloo kono, a ye taa kasaaroo kono. Aduŋ duniyaa moolu mennu too maŋ safee baluwo kitaaboo kono biriŋ duniyaa foloodulaa to, wolu be jaakali la le, niŋ ì ye daafeŋ saŋarariŋo ñiŋ je, kaatu a be keriŋ ne nuŋ, saayiŋ a te keriŋ, bari a be naa la le.

Lankenemoo 18:23

Lampu maloo te je la i la buŋolu kono kotenke, maañoo niŋ maañootiyo maakaŋo te moyi la i kono. I la safaarilaalu le keta nuŋ duniyaa moo baalu ti, i la buwaalu ye nasiyoŋolu bee neenee ì la batuutaa kuwolu la.

Lankenemoo 18:3

Nasiyoŋolu bee ye i miŋ a la laañooyaa tuluŋo doloo la le. Duniyaa mansoolu niŋ a ye laañooyaa tuluŋo ke le, duniyaa safaarilaalu naata ke naafulutiyolu ti, a la fankoo semboo la.”

Lankenemoo 18:9

Duniyaa mansoolu mennu niŋ a ka laañooyaa niŋ a la niidiyaa kuwolu ke, wolu be kumboo la le, ì ye woosii, niŋ ì ye a la janoo siisiyo hayinaŋ.

Lankenemoo 2:22

A fele, m be kuuraŋo le laa la a kaŋ, a ye tu a la laaraŋo kaŋ. Aduŋ m be a mooñoo jeenelaalu fayi la toora baa le kono, fo niŋ ì tuubita kuu kuruŋolu la, ì niŋ ñiŋ musoo ye mennu ke.

Lankenemoo 3:10

Baawo i ye n na yaamaroo muta niŋ wakiiloo le la muñoo kono, m be ite tanka la wo kotoboroo waatoo la le, meŋ be naa la duniyaa bee kaŋ. A be naa la le ka moolu kotobo, mennu be baluuriŋ ñiŋ duniyaa kono.

Lankenemoo 9:21

Ì maŋ tuubi ì la moofaalu fanaa la, ì la batuutaayaalu, laañooyaa tuluŋolu aniŋ ì la suuñaaroolu.