Lankenemoo 15:4 - Mandinka Bible

⁴ Maariyo, jumaa le te sila la ite la, jumaa le te i too horoma la? Ite le dammaa seneyaata. Nasiyoŋolu bee be naa ite batu la le, kaatu i la baara kuu tilindiŋolu lankenemata le.”

Lankenemoo 15:4 Mawu Ofanana

Jabuuroolu 105:7

Ate Yaawe le mu ǹ na Alla ti, a la kiitiiteyoo le ka taama duniyaa bee kono.

Jabuuroolu 111:9

A ye a la moolu kiisa le, aduŋ a ye yaamaroo dii le ko, a ye a la kambeŋo londi le fo abadaa. A too seneyaata le, aduŋ a kuliyaata.

Jabuuroolu 22:23

Alitolu mennu ye Yaawe kuliyaa, ali a jayi, alitolu Yaakuba koomalankoolu, ali a horoma, alitolu Banisirayilankoolu bee, a ñaasilaŋo si tara ali la.

Jabuuroolu 22:27

Duniyaa fannaa bee la, moolu hakiloo be bula la Yaawe la le, aduŋ ì be muru la a kaŋ ne. Bankoolu la siyolu bee le be sujudi la a ñaatiliŋo la.

Jabuuroolu 22:3

Hani wo ite le mu Alla senuŋo ti, aduŋ Banisirayilankoolu ye i la mansasiiraŋo kuliyaa niŋ jayiroo le la.

Jabuuroolu 86:9

Maariyo, ite le ye duniyaa moolu bee daa. Ì be naa le, ì ye sujudi i ye, aduŋ ì be i too horoma la le,

Jabuuroolu 89:7

Ite Alla, i ñaasilaŋo be i la malaayika kafoo la baake le. I la waroo niŋ i ñaasilaŋo le tambita mennu bee be i dandaŋo la.

Jabuuroolu 97:8

Siyoni* moolu ye ite Yaawe la kiitindiroolu moyi le, ì kontaanita, Yahuuda saatewolu fanaa seewoota.

Jabuuroolu 99:5

Ali Yaawe jayi ǹ na Alla. Ali sujudi a ye a siŋ looraŋo to. Yaawe seneyaata le!

Jabuuroolu 99:9

Ali Yaawe jayi, ǹ na Alla, ka sujudi a ye a la konko senuŋo* to. Kaatu ǹ na Alla, Yaawe seneyaata le!

Yesaya 24:15

Wo to tilibolankoolu, ali horomoo niŋ buuñaa dii Yaawe la, baadaa borindoo siilaalu, ali Yaawe too horoma, Banisirayila la Alla.

Yesaya 25:3

Wo to banku sembemaalu be i horoma la le, banku saŋarariŋolu la saatewolu ye sila i la.

Yesaya 26:9

I la kuwo ka n sondomoo loo le suutoo, n niyo meŋ be n kono ka tara suulariŋ i la le seyila juunoo, kaatu niŋ i la luwaalu lonta ñiŋ duniyaa kono, duniyaa moolu be tiliŋo karaŋ na le.

Yesaya 45:23

N kalita m faŋo too le la ko, ŋa feŋ-wo-feŋ fo, tooñaa le mu, aduŋ n na kumoo te faliŋ na. N ko, moolu bee be ñoyi la n ñaatiliŋo la le, ì ye i kali n too la.

Yesaya 57:15

Mansa meŋ be santo-santo, a be kallankeeyaariŋ* ne, a be baluuriŋ fo abadaa, aduŋ a too kuliyaata, a ye ñiŋ ne fo ko: “M be sabatiriŋ dulaa sikandiriŋo le to aniŋ dulaa senuŋo. Bari fanaa m be sabatiriŋ moo jikilateyiriŋolu aniŋ fammajiilaalu le fee, fo n si fammajiilaalu niyo kutayandi, aniŋ ka jikilateyiriŋolu sondomoo bambandi.

Yesaya 6:3

Ì tarata a fo la ñoo ye le ko, “Seneyaa, seneyaa, seneyaa be Yaawe* Alihawaa Maariyo* le fee. Duniyaa bee be faariŋ a la semboo niŋ a la waroo le la.”

Yesaya 60:5

I be ñiŋ je la le, kontaanoo ye i futufaa, seewoo kamma la, i be jarajara la le. Bankoolu la naafuloo be dii la i la le, ka bo fo baa kankuŋ doo la, ì bee la naafuloo be naa ite le kaŋ.

Yeremiya 10:7

Jumaa le te sila la ite la, ite, bankoolu la Mansoo? Ñiŋ ne ñanta ite to. Bankoolu moo ñaamendiŋolu bee kono, ì la mansamarali bankoolu bee kono, kiliŋ te jee meŋ be ko ite.

Yeremiya 16:19

Hee Yaawe, ite le mu n jikiraŋ semboo ti, aniŋ n na tata bambandiŋo, i mu n tuukuraŋo ti mantooroo waatoo kono. Banku koteŋ moolu be naa i kaŋ ne ka bo naŋ duniyaa daŋolu to, ì ye a fo ko: “Ntolu la alifaa foloolu maŋ keetaafeŋ soto fo jalaŋ kenseŋolu, jalaŋ kenseŋolu, nafaa te mennu la.

Yeremiya 5:22

Muŋ ne ye a tinna ali buka sila n na? Muŋ ne ye a tinna ali buka jarajara n ñaatiliŋo la?” Yaawe le ye a fo. “Ŋa keñoo ke naanewo ti fankaasoo ye le, badaa-badaa kuntuntewo, a te tambi noo la meŋ na muk. Hani jii baliŋolu si busa, ì te kuu noo la, hani ì si bumbuŋ, ì te a salaŋ noo la.

Hoseya 3:5

Wo koolaa, Banisirayilankoolu be muru la le, ì ye Yaawe ñini ì la Alla, aniŋ Dawuda koomalankoo, ì la mansa. Ì si naa Yaawe kaŋ, ì niŋ buuñaa, aduŋ a be neema la ì ma luŋ labaŋolu la le.

Habakuki 1:12

Yaawe*, ite be keriŋ ne biriŋ, Yaawe, n na Alla, n na Senuŋ Baa, ite meŋ be tu la fo abadaa. Ite le ye Babiloninkoolu tomboŋ ka kiitii koleŋo laa ǹ kaŋ. Ite tankandirilaa, ite le ye semboo dii ì la ka naa ǹ jarabi.

Jakariya 14:16

Bankoolu mennu boyita Yerusalaamu kaŋ, a moolu mennu bee tuta baluwo to, be taa le saŋ-wo-saŋ ka Yaawe batu, Mansa baa Alihawaa Maariyo*, aniŋ ka Jembereŋ Juuraloo* kidimandi.

Jakariya 2:11

Wo luŋo la, banku jamaa si naa Yaawe kaŋ, aduŋ ì be ke la a la moolu le ti. A be sabati la ali kono le. Niŋ wo keta, ali be a loŋ na le ko, Yaawe Alihawaa Maariyo le ye n kii ali kaŋ.

Malaki 1:11

Nte too be warariŋ bankoolu kaŋ ne, ka bo tilibo ka taa tilijii, aduŋ daa-wo-daa seerandi feŋolu le ka siisindi n tooyaa la jee, aniŋ sadaa kendoolu, kaatu n too warata bankoolu kaŋ ne.” Yaawe Alihawaa Maariyo le ye a fo.

Roomankoolu 15:9

A naata fanaa fo wo moolu mennu maŋ ke Yahuudoolu ti, ì si tenturoo niŋ jayiroo dii Alla la, a la balafaa kamma. A be safeeriŋ ne ko: “Wo kamma la m be i jayi la nasiyoŋolu teema, m be jayiri suukuwolu laa la niŋ i too la le.”

1 Pita 1:16

Baawo a be safeeriŋ ne ko: “Ali si seneyaa, kaatu nte seneyaata le.”

Lankenemoo 11:15

Bituŋ malaayika woorowulanjaŋo ye a la footaŋo fee, aduŋ kumakaŋ baalu be Arijana kono, ì be a fo la ko, “Duniyaa mansayaa bee naata ke m̀ Maariyo niŋ a la Alimasiihu* la mansayaa le ti, aduŋ a si maraloo ke fo abadaa!”

Lankenemoo 14:7

A sarita niŋ sari baa la ko, “Ali sila Alla la, aniŋ ali ye a horoma, a la kiitiyo waatoo siita le. Ali ate batu, meŋ ye saŋo niŋ bankoo daa, fankaasoo aniŋ woyoolu.”

Lankenemoo 16:5

Bituŋ malaayikoo meŋ be marariŋ jiyolu la, ŋa a moyi, a ka a fo ko: “Ite Senuŋ Baa, meŋ be keriŋ aniŋ meŋ be keriŋ nuŋ, i la kiitiyolu tilinta le.

Lankenemoo 16:7

Bituŋ ŋa sadaajanidulaa* kumakaŋo moyi ko: “Tooñaa, ite Maariyo, Alla Mansa Taalaa, i la kiitiyolu mu tiliŋo niŋ tooñaa le ti!”

Lankenemoo 19:2

A la kiitiyolu mu tooñaa niŋ tiliŋo le ti, a ye wo cakamusu baa kiitindi le, meŋ ye duniyaa kosondi a la laañooyaa tuluŋo la. A ye Alla la dookuulaalu mennu yeloo boŋ, Alla ye wolu la juloo joo a ñaama le.”

Lankenemoo 19:8

Fulaari ñiimaa diita a la ka a duŋ, meŋ be seneyaariŋ, a be koyiriŋ ko perekaanoo.” Wo fulaari ñiimaa mu moo senuŋolu la kebaara tilindiŋolu le ti.

Lankenemoo 3:7

“A safee n na kafoo malaayikoo ye, meŋ be Filadelifiya saatewo kono: “Nte la kumoo fele, nte meŋ jankuta, aduŋ m mu tooñaa ti, Mansa Dawuda la caaboo be nte le bulu. Ŋa meŋ yele, moo-wo-moo te a soroŋ noo la, aduŋ ŋa meŋ soroŋ, moo le te wo yele noo la.

Lankenemoo 4:8

Wo daafeŋ baluuriŋ naanoo, ì meŋ-wo-meŋ ye dampaŋ wooro le soto. Wo dampaŋolu be faariŋ ñaalu le la, ì kara fuloo bee. Suuto tili, ì nene maŋ i dahaa ñiŋ jayiroo la ko: “Seneyaa, seneyaa, seneyaa be Maarii Alla Tallaa le fee, ate meŋ be keriŋ nuŋ, meŋ be keriŋ, aniŋ meŋ be naa la.”

Lankenemoo 6:10

Ì sarita niŋ sari baa la ko: “M̀ Maarii Mansa Tallaa! Ite meŋ jankuta, ite meŋ mu tooñaa ti, fo i la kiitiyo be mee la le hani saayiŋ? Waati jumaa le i be moolu joo la, mennu ye ntolu faa?”

1 Samuweli 2:2

Senuŋ Baa te jee Yaawe koolaa, kiliŋ te jee meŋ be ko ite. Semberaŋ beroo te jee, meŋ be ko ǹ na Alla.