Kolosankoolu 3:1 - Mandinka Bible

¹ Baawo ali niŋ Kiristu* wulindita ñoo la le, ali ali sondomoolu loo kuwolu kaŋ, mennu be Arijana kono, Kiristu be siiriŋ daameŋ Alla bulubaa karoo la.

Kolosankoolu 3:1 Mawu Ofanana

Jabuuroolu 110:1

Yaawe* ko m maarii Mansa ye ko, “Sii m bulubaa karoo la, fo ŋa i jawoolu ke i siŋo koto.”

Jabuuroolu 16:11

I ka baluwo siloo le yitandi n na. Ka tara i ñaatiliŋo la, wo le mu seewoo timmariŋo ti. Ka tara i bulubaa karoo la, wo ka n jusulandi le fo abadaa.

Kuma Kotoomaalu 15:24

Siloo meŋ si moo balundi noo, le ka moo ñaamendiŋo samba ñaato, a buka taa niŋ sila la, meŋ si moo samba saayaa kaŋ.

Kawandilaa 10:2

Moo ñaamendiŋo sondomoo ka a tilindi bulubaa le la, toolewo taa ka a tilindi maraa la.

Matiyu 22:44

Maariyo ko m Maarii ye le ko, ‘Sii m bulubaa karoo la, fo ŋa i jawoolu ke i siŋo koto.’

Matiyu 26:64

Wo to le Yeesu ko a ye ko, “Ite le ye a fo. Bari m be a fo la ali ye, ka bo saayiŋ na ali be Moo Dinkewo je la siiriŋ Alla Tallaa bulubaa karoo la, aniŋ a be naa la minaayoolu kono.”

Matiyu 6:20

Bari ali ali la naafuloo maabo ali faŋolu ye Arijana kono, daameŋ tumboolu waraŋ komoŋo te ì tiñaa la, sako suŋolu si duŋ ka ì suuñaa.

Matiyu 6:33

Ali Alla la mansabaayaa ñini foloo, aniŋ a la tiliŋo, bituŋ ali si naa ñiŋ feŋolu bee fanaa soto.

Maaka 12:36

Dawuda faŋo le ye a bankee ka bo niŋ Noora Kuliŋo la ko: ‘Maariyo ko m Maarii ye le ko: “Sii m bulubaa karoo la, fo niŋ ŋa i jawoolu ke i siŋo koto.” ’

Maaka 14:62

Wo to le Yeesu ko a ye ko, “Nte le mu! Aduŋ ali be Moo Dinkewo je la siiriŋ Alla Tallaa bulubaa karoo la, a be naa la minaayoolu kono.”

Maaka 16:19

Kabiriŋ Maarii Yeesu ye wo diyaamoo ke ì ye fokabaŋ, a selendita Arijana kono, a siita Alla bulubaa karoo la.

Luka 12:33

“Ali ali la sotofeŋolu waafi, ali ye fuwaaroolu so. Ali kalipewo parendi ali faŋolu ye, meŋ te kenseŋyaa la. Wo le mu naafuloo ti Arijana kono, meŋ te talaa la muk. Suŋo te a suuñaa la, aduŋ tumboolu fanaa te a tiñaa la.

Luka 20:42

Kaatu Dawuda faŋo ye a bankee Jabuura Kitaaboo kono le ko: ‘Maariyo ko m Maarii ye le ko, “Sii m bulubaa karoo la,

Luka 22:69

Bari ka bo saayiŋ na, Moo Dinkewo be sii la Alla Tallaa bulubaa karoo la.”

Kiilaalu 2:34

Dawuda maŋ taa Arijana kono, bari hani wo, a faŋo ko le: ‘Maariyo ko m Maarii ye le ko, Sii m bulubaa karoo la,

Kiilaalu 7:55

Bari Stifeni meŋ be faariŋ Noora Kuliŋo la, a ye saŋo santo juubee. A ye Alla la semboo niŋ waroo je, aduŋ Yeesu be looriŋ Alla bulubaa karoo la.

Roomankoolu 8:34

Wo to jumaa le be ì halaki noo la? Kiristu Yeesu meŋ ye wo kaŋo soto, fo ate le maŋ faa ǹ ye baŋ? Tooñaa, a faata ǹ ye le, a wulindita ka bo saayaa kono, aduŋ a be Alla bulubaa karoo la le ka a daani ǹ na kuwolu la.

Roomankoolu 8:6

Ka i hakiloo tu i fansuŋ hame kuwolu kaŋ, wo ka saayaa le saabu, bari ka i hakiloo tu Alla la Nooroo la kuwolu kaŋ, wo ka baluwo niŋ kayiroo le saabu.

2 Korintinkoolu 4:18

Kaatu m̀ buka kuwolu juubee, mennu ka je, bari mennu buka je, ǹ ka wolu le juubee. Kuwolu mennu ka je, wolu be baŋ na le, bari mennu buka je, wolu le ka tu fo abadaa.

Efesusinkoolu 4:10

Wo to Kiristu meŋ jiita, ate le mu wo kiliŋo ti fanaa, meŋ taata santo dulaa to, meŋ tambita saŋ fatoolu bee la, fo a si alihawaa bee fandi a la kallankeeyaa* la.

Efesusinkoolu 5:22

Musoolu, ali soŋ ali keemaañolu ma, ko ali ñanta soŋ na Maariyo ma ñaameŋ.

Kolosankoolu 2:20

Baawo alitolu niŋ Kiristu faata ñoo la le fo ali niŋ ñiŋ alihawaa semboolu si kuntu, wo to, muŋ ne ye a tinna ali ka baluu hani ka bii ko moolu, mennu mu ñiŋ duniyaa taalu ti? Muŋ ne ye a tinna ali ka soŋ ñiŋ duniyaa la yaamaroolu ma, mennu be ko,

Kolosankoolu 3:2

Ali ali hakiloolu loo kuwolu kaŋ, mennu be Arijana kono, bari ali kana ì loo ñiŋ duniyaa kuwolu kaŋ,

Hiburunkoolu 1:13

Bari malaayikoolu la karoo la, Alla nene ye a fo malaayika jumaa le ye ko: “Sii m bulubaa karoo la, fo ŋa i jawoolu ke i siŋo koto”?

Hiburunkoolu 1:3

Alla la kallankeeyaa* ka je a Dinkewo le kono, a ye Alla mankutoo soto le, aduŋ a ka alihawaa taamandi ka bo niŋ a la kuma sembemaa le la. A la hadamadiŋolu seneyandiri koolaa ì la junuboolu to, a ye a la siidulaa taa Alla Mansa Tallaa bulubaa karoo la, Arijana kono.

Hiburunkoolu 10:12

Bari biriŋ Kiristu ye a faŋo dii junube kafarilaŋ sadaa ti, a ye a ke siiñaa kiliŋ doroŋ ne la. Bituŋ a siita Alla bulubaa karoo la,

Hiburunkoolu 12:2

Ali ŋà ǹ ñaa loo Yeesu kaŋ, ǹ na lannoo be looriŋ ate le kaŋ, ka bo a foloodulaa ka taa a labandulaa to. A ye yiribantambiloo tooroo muña le, a maŋ a la malu kuwo juubee, kaatu a ñaa be looriŋ seewoo le kaŋ, meŋ parendita a ye, aduŋ a naata sii Alla la mansasiiraŋo bulubaa karoo la.

Hiburunkoolu 8:1

M̀ be kuu kummaa meŋ fo kaŋ, a fele: Ŋà piriisi* kuntii baa le soto, meŋ be siiriŋ Alla Mansa Tallaa la mansasiiraŋo bulubaa karoo la Arijana kono.

1 Pita 3:22

Ate Yeesu taata Arijana kono le, aduŋ a be Alla bulubaa karoo le la. Malaayikoolu, kantiyolu niŋ sembetiyolu bee be a la maraloo le koto.