Kolosankoolu 2:15 - Mandinka Bible

¹⁵ Ka bo niŋ wo siloo la, a ye maralilaalu niŋ sembetiyolu la kelejooraŋolu buusi ì bulu le, a ye ì bee malundi kenebaa to, kaatu a ye ì noo ka bo niŋ Kiristu la yiribantambiloo le la.

Kolosankoolu 2:15 Mawu Ofanana

1 Musa 3:15

M be jawuyaa juloo le duŋ na i niŋ musoo teema, ka taa fo i koomoo aniŋ a koomoo. A koomalankoo be dori la i kuŋo kaŋ, i fanaa be a kiŋ na a tonkoliŋo to.”

Jabuuroolu 68:18

Ite Maariyo, i taata konko jaŋo santo le. I taatoo ye mutamoolu samba. I ye moolu la buuñaa soorifeŋolu muta le, hani mennu balanta i la sabatoo la jee.

Yesaya 53:12

A be palaasoo soto la moo kummaalu kono le, a niŋ sembemaalu le be jawoolu la naafuloolu talaa la, kaatu a ye a niyo le laa ka faa, aduŋ ì ye a niŋ junubekelaalu le ke konti kiliŋ, kaatu a ye jamaa le la junuboo dunoo taa, a duwaata junubekelaalu ye le.

Matiyu 12:29

“Fo moo si duŋ noo kee sembemaa la buŋo kono ka a la sotofeŋolu buusi a la, fo niŋ a ye wo kee sembemaa siti foloo? Wo to le a si a la sotofeŋolu buusi noo a la.

Luka 10:18

Bituŋ Yeesu ko ì ye ko, “Ŋa Seetaanoo* je le, a boyita naŋ ka bo Arijana kono ko saŋ ŋalasoo.

Luka 11:22

Bari niŋ kewo meŋ semboo warata a ti ye a boyinkaŋ, a be a noo la le, a ye a la kelejooraŋolu buusi a bulu, a be jikiriŋ mennu la. Wo to le a be a la suuñaari feŋolu talaŋ-talaŋ na.

Yohana 16:11

A be duniyaa kalamutandi la kiitiyo la kuwo la le, kaatu ñiŋ duniyaa maralilaa kiitindita le fokabaŋ.

Yohana 19:30

Kabiriŋ Yeesu ye bineekaroo taa, a ko, “A timmata le!” Wo to le a ye a kuŋo jimi, a niyo bota.

1 Korintinkoolu 15:24

A be maralilaalu, kantiyolu aniŋ sembetiyolu bee kasaara la le. Wo to le duniyaa labaŋo be sii la, waatoo meŋ a be mansabaayaa dii la Alla la, m̀ Faamaa.

2 Korintinkoolu 2:14

Ŋa Alla tentu, meŋ ka ntolu kenkeŋ Kiristu kono waati-wo-waati ko kelejawaroo ka a la moolu kenkeŋ ñaameŋ, niŋ a ye nooroo ke. M̀ be le fanaa ko cuuraayi seeroo, baawo ka bo niŋ ntolu la, londoo a la kuwo to ka janjaŋ daa-wo-daa.

2 Korintinkoolu 4:4

Ñiŋ duniyaa maralilaa ye itolu lannabaloolu sondomeñaalu suki le fo ì kana maloo je noo, meŋ naata ka bo niŋ kibaari betoo la Kiristu* la kallankeeyaa* to, ate meŋ mu Alla muluŋo ti.

Efesusinkoolu 3:10

Ka bo niŋ wo siloo la, maralilaalu niŋ sembetiyolu mennu be Arijana dinkiraalu to, ì si Alla la ñaameŋo diinoŋolu loŋ ka bo niŋ Yeesu la kafoo la.

Efesusinkoolu 4:8

Wo kamma la, a fota le ko: “A taata santo le, a taatoo ye mutamoolu samba, a ye soorifeŋolu dii moolu la le.”

Efesusinkoolu 6:12

Kaatu m̀ maŋ tara hadamadiŋolu kele kaŋ, bari kantiyolu, sembetiyolu aniŋ maralilaalu, mennu be marariŋ ñiŋ duniyaa diboo ma. Ǹ jawoolu mu seetaani jawoolu le ti, mennu be dinkiraalu to saŋ fatoolu kono taariŋ.

Kolosankoolu 1:16

Ka bo niŋ ate le la, feŋolu bee daata, fo ì be saŋ fatoolu le kono baŋ, waraŋ duniyaa kono, fo ì ka je le baŋ, waraŋ ì buka je, fo ì mu mansoolu le ti baŋ, sembetiyolu, maralilaalu waraŋ kantiyolu. Feŋolu bee daata ka bo niŋ ate le la, aduŋ ì daata ate le ye.

Kolosankoolu 2:10

aduŋ ali naata baluu timmariŋo soto ate le kono. Ate le mu alihawaa maralilaalu niŋ sembetiyolu bee la kuntiyo ti.

Hiburunkoolu 2:14

Baawo ñiŋ diŋolu ye balajaatoo niŋ yeloo soto le, Yeesu faŋo naata ke hadamadiŋo ti ko itolu. Wo keta le, fo ka bo niŋ a la saayaa la, a si Ibiliisa kasaara noo, saayaa semboo be meŋ bulu.

Lankenemoo 12:9

Bituŋ ninkinanka baa fayita naŋ duuma. Ate le mu wo saa kotoo ti, ì ka meŋ kumandi Ibiliisa niŋ Seetaanoo* la, duniyaa moolu bee neeneelaa. A fayita naŋ duuma duniyaa kono, a niŋ a la malaayikoolu.

Lankenemoo 20:10

Bituŋ Seetaanoo meŋ ye ì neenee, a naata fayi dimbaa daloo kono, meŋ ka jani niŋ solifa munkoo* la, wo daafeŋ saŋarariŋo niŋ faniyaa annabiyomoo fayita nuŋ daameŋ to. Aduŋ ì be toorandi la jee le, suutoo niŋ tiloo, fo abadaa.