Kolosankoolu 1:16 - Mandinka Bible

¹⁶ Ka bo niŋ ate le la, feŋolu bee daata, fo ì be saŋ fatoolu le kono baŋ, waraŋ duniyaa kono, fo ì ka je le baŋ, waraŋ ì buka je, fo ì mu mansoolu le ti baŋ, sembetiyolu, maralilaalu waraŋ kantiyolu. Feŋolu bee daata ka bo niŋ ate le la, aduŋ ì daata ate le ye.

Kolosankoolu 1:16 Mawu Ofanana

1 Taarika 29:11

Yaawe, ite le taa mu semboo niŋ waroo ti, kallankeeyaa* niŋ mansabaayaa aniŋ horomoo be ite le ye, aduŋ duniyaa niŋ Arijana feŋolu bee mu ite le taa ti. Yaawe, ite le mu Mansa Baa ti, ite le be feŋo bee santo.

Nehemiya 9:6

“Ite Yaawe, ite doroŋ ne mu Maariyo ti, Daamansoo meŋ ye saŋ fatoolu daa, hani fo saŋ fata labaŋolu to, aniŋ ì kono malafeŋolu bee. I ye bankoo daa, aniŋ feŋ-wo-feŋ be baluuriŋ a kaŋ, i ye fankaasoolu daa, aniŋ daafeŋolu mennu bee be ì kono. Feŋo bee balundilaa mu ite le ti, aduŋ saŋo santo feŋo bee ka ite le batu.

Kuma Kotoomaalu 16:4

Yaawe ye feŋolu bee daa daliiloo le kamma, hani moo jawoo be a fansuŋ luŋo soto la le.

Yesaya 43:21

m faŋo ŋa n na moolu mennu daa, fo ì si n jayi ka a janjandi taariŋ.

Yesaya 44:24

Yaawe ali Kumakaalaa meŋ ye ali daa wuluuñaŋo kono ko: “Nte le mu Yaawe ti, meŋ ye feŋolu bee daa, nte dammaa le ye saŋ fatoolu waree, aduŋ nte faŋo le ye duniyaa fanundi.

Yohana 1:10

A be nuŋ duniyaa kono le, aduŋ duniyaa dadaata ka bo niŋ ate le la, bari duniyaa maŋ a suutee.

Yohana 1:3

Feŋolu bee daata ka bo niŋ ate le la, hani feŋ kiliŋ maŋ daa a kooma.

Roomankoolu 11:36

Kaatu feŋolu bee bota ate le bulu, ì bee sotota ate le la, aduŋ ì bee mu ate le taa ti. Tenturoo niŋ jayiroo be ate le ye fo abadaa. Amiin.

Roomankoolu 8:38

Kaatu n dankeneyaata le ko, saayaa waraŋ baluwo te m̀ bondi noo la Kiristu la kanoo kono. Hani malaayikoolu waraŋ seetaani jawoolu te a ke noo la, kuwolu mennu be keriŋ waraŋ kuwolu mennu ka naa. Sembe te keriŋ

Roomankoolu 9:5

Itolu le mumuñolu mu Iburayima, Isiyaaka aniŋ Yaakuba ti, aduŋ Kiristu naata wuluu itolu le la lasiloo kono ka baluu ko hadamadiŋo. Feŋolu bee be ate le koto. Tenturoo niŋ jayiroo be Alla le ye, fo abadaa. Amiin!

1 Korintinkoolu 8:6

Wo ñaa-wo-ñaa, ntolu ye, Alla kiliŋ doroŋ ne be sotoriŋ. Ate le mu m̀ Faamaa ti, feŋo bee sotota ka bo niŋ meŋ na, aduŋ ǹ ka baluu ate le ye. Maarii kiliŋ ne be sotoriŋ, meŋ mu Yeesu Kiristu* ti. Feŋo bee naata ka bo niŋ ate le la, aduŋ ǹ ka baluu ka bo niŋ ate le la.

Efesusinkoolu 1:10

fo a la lafoo si timma a waatoo la. Bituŋ a be feŋolu bee kafu la ñoo ma ka ì ke kiliŋ ti ate kono, fo wo feŋolu be saŋ fatoolu le kono santo, waraŋ duniyaa kono jaŋ.

Efesusinkoolu 6:12

Kaatu m̀ maŋ tara hadamadiŋolu kele kaŋ, bari kantiyolu, sembetiyolu aniŋ maralilaalu, mennu be marariŋ ñiŋ duniyaa diboo ma. Ǹ jawoolu mu seetaani jawoolu le ti, mennu be dinkiraalu to saŋ fatoolu kono taariŋ.

5 Musa 4:39

Wo to ka bo bii la, ali si ñiŋ kalamuta, ali kana ñina ko, Alla koteŋ te keriŋ saŋo niŋ bankoo teema Yaawe koolaa.

Filipinkoolu 2:10

Wo le ye a tinna ka bo niŋ Yeesu too la, niilamaa feŋolu bee be ñoyi la a ñaatiliŋo la le, mennu be Arijana kono, duniyaa kono jaŋ, waraŋ bankoo kono duuma.

Kolosankoolu 1:15

Ate le mu Alla jebaloo sawuroo ti, ate le sotota daaroo bee ñaa.

Kolosankoolu 1:20

Ka bo niŋ ate le la, Alla ye a faŋo niŋ feŋolu bee diyandi, fo ì be saŋ fatoolu le kono baŋ, waraŋ duniyaa kono jaŋ. Alla ye a la kayiroo dii ka bo niŋ ate le yeloo la, meŋ bonta yiribantambiloo kaŋ.

Kolosankoolu 2:10

aduŋ ali naata baluu timmariŋo soto ate le kono. Ate le mu alihawaa maralilaalu niŋ sembetiyolu bee la kuntiyo ti.

Kolosankoolu 2:15

Ka bo niŋ wo siloo la, a ye maralilaalu niŋ sembetiyolu la kelejooraŋolu buusi ì bulu le, a ye ì bee malundi kenebaa to, kaatu a ye ì noo ka bo niŋ Kiristu la yiribantambiloo le la.

Hiburunkoolu 1:2

Bari ñiŋ luŋ labaŋolu kono, a naata diyaamu ntolu ye ka bo niŋ a Dinkewo* le la, a ye alihawaa daa ka bo niŋ meŋ na, aduŋ a ye ate le tomboŋ ka ke feŋo bee keetaalaa ti.

Hiburunkoolu 2:10

Alla meŋ ye feŋolu bee daa, aduŋ ì daata ate le ye, a ye ñiŋ kuu betoo ke le fo a si a diŋ jamaa samba a la kallankeeyaa* to: A ye ì la Kiisandirilaa timmandi ka bo niŋ tooroo le la, fo wo si ke ñaatonka timmariŋo ti ì ye.

1 Pita 3:22

Ate Yeesu taata Arijana kono le, aduŋ a be Alla bulubaa karoo le la. Malaayikoolu, kantiyolu niŋ sembetiyolu bee be a la maraloo le koto.