Kawandilaa 9:6 - Mandinka Bible

⁶ Ì la wo ñoo kanoo, ì la ñoo koŋo, ì la ñoo haasidiyaa, a fele a bee yeemanta. Itolu te nafaa-wo-nafaa le soto la kuwolu to kotenke, mennu be ke la ñiŋ duniyaa tiloo koto.

Kawandilaa 9:6 Mawu Ofanana

2 Musa 1:8

Wo to le mansakee kutoo meŋ maŋ Yusufa la kuu loŋ, naata maraloo ke Misira.

Kuma Kotoomaalu 10:28

Moo tilindiŋolu la jikoo ka labaŋ ì ye seewoo le la, bari moo kuruŋolu la jikoo ka ke ì ye kenseŋo le ti.

Kawandilaa 2:10

Feŋ-wo-feŋ ye n ñaabo, m maŋ a siyaa m faŋ ti. Feŋ-wo-feŋ mu niidiyaa feŋo ti, m maŋ foo feŋ na wolu kono. Hani dookuwo to, n ka niiseewoo le soto jee, niiseewoo, n na kata kuwolu bee joo.

Kawandilaa 3:22

Ŋa a je le ko, kuu bete te hadamadiŋo fee, meŋ fisiyaata faŋ seewondoo ti a la dookuwolu to. Wo le mu a taa ti. Jumaa le si a jerendi noo kuu la, meŋ be naa ke la, ate faariŋ koolaa?

Kawandilaa 6:12

Jumaa le ka a loŋ, meŋ beteyaata hadamadiŋo ye, a baluu tili dantaŋ nafantaŋo kono, meŋ ka tambi ko niiniyo? Jumaa le ka a fo noo meŋ be naa ke la ñiŋ duniyaa tiloo koto, ate faariŋ koolaa?

Kawandilaa 9:1

Ŋa m miira ñiŋ bee la le, n naata kisikisiroo ke kuwo bee la. Biriŋ ŋa kisikisiroo ke, ŋa ñiŋ ne je: Moo tilindiŋolu niŋ moo ñaamendiŋolu, ì niŋ ì la baara kuwolu bee be Alla le bulu. Hadamadiŋ ne buka a loŋ meŋ be naa a kaŋ ñaato, fo a be ke la kanu kuu le ti, waraŋ koŋ kuu.

Yesaya 38:11

Ŋa a miira le fanaa ko, n te Yaawe je la kotenke, baluuriŋolu kono duniyaa jaŋ. N te hadamadiŋ je la kotenke, waraŋ n niŋ moolu ye tara ñoo kaŋ, mennu be baluuriŋ ñiŋ duniyaa kono.

Matiyu 2:20

a ko a ye ko, “Wuli! I ye dindiŋo niŋ a baamaa taa, ali ye muru Banisirayila bankoo kaŋ, kaatu mennu ye a kata ka dindiŋo faa, wolu faata le.”