Kawandilaa 9:3 - Mandinka Bible

³ Kuu dimindiŋ doo fele kuwolu kono meŋ ka ke ñiŋ duniyaa tiloo koto, wo le mu ñiŋ ti ko, moo bee mu labaŋñaa kiliŋo le ti. Hadamadiŋolu bee sondomoo ka tara faariŋ kuu kuruŋo le la. Ñaamaatiyaa le ka tara ì sondomoo kono ì la baluwo waatoo la. Wo koolaa ì ye naa faa.

Kawandilaa 9:3 Mawu Ofanana

1 Musa 6:5

Yaawe naata a je ko, hadamadiŋolu la tilimbaliyaa semboo warata duniyaa kono le, aduŋ ì sondomoolu la miira kuwolu ka tara looriŋ kuu jawu kewo doroŋ ne kaŋ waati-wo-waati.

1 Musa 8:21

Kabiriŋ Yaawe ye ñiŋ seera diimaalu seeroo taa, a ko a faŋ ye ko, “N te bankoo danka la kotenke hadamadiŋolu la kuwo kamma. Miiroo meŋ ka tara hadamadiŋo sondomoo kono, ka bo a la dindiŋyaa waatoo la, ka ke miira jawoo le ti. Aduŋ n te niilamaa feŋolu bee fanaa kasaara la kotenke ko ŋa meŋ ke teŋ.

Yuuba 15:16

sako hadamadiŋo meŋ be ñewundiŋ, a be tiñaariŋ, a ka tu kuu kuruŋ kewo la, ko a ka jiyo miŋ ñaameŋ.

Yuuba 21:26

Bari ì bee ye ì laa ñoo kaŋ kaburoo kono le, tumboolu muurita ì bee la.

Yuuba 9:22

A bee mu kiliŋo le ti, wo le ye a tinna ñiŋ kumakaŋo bota n daa ko, “Alla ka moo tilindiŋolu niŋ moo kuruŋolu bee le kasaara.”

Jabuuroolu 51:5

Nte wuluuta junuboo le kono, ŋa junuboo soto le kabiriŋ m baa ye n konoo taa.

Jabuuroolu 64:7

Bari Alla be ì buŋ na a la kalabeñoo la le, ì ye barama tarinke.

Kuma Kotoomaalu 14:32

Moo jawoo la kuu kuruŋ kewo le ka a kasaara, bari moo tilindiŋo la beteyaa, wo le ka a tankandi.

Kawandilaa 1:17

Bituŋ n naata bula siloo nooma, ka a loŋ meŋ faŋo mu ñaameŋo ti, tooleeyaa aniŋ fuuriŋyaa. Bari n naata a je le ko, ñiŋ fanaa ka munta le ko foño bayindoo.

Kawandilaa 12:7

bankumunkoo be muru la bankoo kaŋ, a bota meŋ bala, niyo be muru la Alla kaŋ, meŋ ye a dii.

Kawandilaa 2:14

Moo ñaamendiŋo la jeroo ka fanu le, bari toolewo, ate ka tara timili-tamali la diboo le kono. Bari ŋa a je le ko, ì bee labaŋo ka ke kiliŋ ne ti.

Kawandilaa 7:2

Saŋa bunkono duŋo, wo le ye fisa bidaŋ bunkono duŋo ti. Hadamadiŋo bee labaŋo mu saayaa le ti, moo-wo-moo be baluwo to, wo si tara i sondomoo kono.

Kawandilaa 7:25

Ŋa n hakiloo tu le, ka kuwolu karaŋ, ka kisikisiroo ke, aniŋ ka ñinindiroo ke ñaameŋo la kuwo la, aniŋ kuwolu daliiloo. N naata a loŋ ko, kuruŋyaa mu hakili dooyaa le ti, aduŋ tooleeyaa mu sondome kuuraŋo le ti.

Kawandilaa 8:11

Moolu be naafa la kuu jawu kelaalu jaraboo la doroŋ, hadamadiŋolu sondomoo be wajabi la kuruŋyaa kuu kewo kaŋ.

Kawandilaa 9:11

Ŋa kuwo doo le fanaa je ñiŋ duniyaa tiloo koto, wo le mu: Ñoo daŋo te dendiŋ tariyaa doroŋ na, aduŋ ñoo noo te dendiŋ semboo dammaa la. Domori sotoo te dendiŋ ñaameŋo la, fankoo te dendiŋ hakilidiyaa la, aduŋ buuñaa sotoo te dendiŋ dookuu noo la. Waatoo, aniŋ mantaabeŋo, wo le be ñinnu bee la.

Kawandilaa 9:2

Ì bee labaŋo ka ke kiliŋ ne ti: A moo tilindiŋ-wo, a moo jawu-wo, a kende-wo, a kuruŋ-wo, a moo senuŋ-wo, a kosoriŋ-wo, a sadaabolaa-wo, waraŋ a sadaabobali. A be moo kendoo ye ñaameŋ, a be junubelaa fanaa ye wo le ñaama. A be kalilaa ye ñaameŋ, a be moo fanaa ye wo le ñaama, meŋ ka sila a ke la.

Kawandilaa 9:4

Moo-wo-moo be baluwo to, jikoo be a ye le. Wuloo meŋ be a niyo la, wo le ye fisa jata furewo ti.

Yeremiya 16:12

Itolu fanaa naata meŋ ke, wo le jawuyaata ì la alifaa foloolu taa ti. A juubee baŋ, ì kiliŋ-kiliŋ naa ka bula ì la sondome jaa niŋ ì la kuruŋyaa le nooma, ì maŋ soŋ i lamoyi la nte ma.

Yeremiya 17:10

Nte Yaawe le ka hakiloo kisikisi, n ka sondomoo kotobo, ka moo-wo-moo joo a maañaa la, aniŋ a kekuwolu la.”

Yeremiya 17:9

A ko: “Hadamadiŋo sondomoo la kuruŋyaa le tambita feŋo bee la, aduŋ a buka jaara noo. Jumaa le si a fahaamu noo?

Luka 15:17

Kabiriŋ a ye i miira a kekuwo la, a ko, ‘M faamaa ye dookuulaa jamaa le soto, aduŋ ì bee ka domoroo ke le fo too ka tu, bari nte fele, m be faa la konkoo la jaŋ.

Luka 6:11

Bari ì kamfaata baake, ì diyaamuta ñoo ye, ì be meŋ ke la Yeesu la.

Kiilaalu 12:23

Wo loo niŋ baroo teema Maariyo la malaayikoo ye a busa, kaatu a maŋ horomoo dii Alla la. Tumboolu naata a domo, fo a faata.

Kiilaalu 26:11

Jamaa-jamaa n ka toora kuwolu laa ì kaŋ ne Yahuudi diina bendulaalu* to taariŋ, n ka a kata ka ì diyaakuyaa ke ka kuma jawoo fo ka balaŋ Yeesu ma. N ka tu kamfaariŋ ì kamma baake, aduŋ ŋa ì toora hani wandi saatewolu kono.

Kiilaalu 26:24

Kabiriŋ a be ñiŋ kumoolu fo kaŋ ka a faŋo tankandi, Festus sarita a kaŋ santo ko, “Pawulu, ite ñaamaata le. I la karaŋ baa ye i ñaamandi le.”

Titus 3:3

Baawo ntolu faŋolu keta nuŋ toolewolu le ti, aniŋ yaamari mutabaloolu, mennu neeneeta ka sila tilindiŋo bula. Balajaatoo la hame jawoolu niŋ niidiyaa kuu siifaa jamaa le ye ǹ joŋyandi, meŋ ye a tinna, ǹ tarata baluuriŋ jawuyaa niŋ kiiliyaa kono. Ì ye ǹ koŋ ne nuŋ, aniŋ ŋà ñoo koŋ.

2 Pita 2:16

Bari a naata jalayiroo soto ka bo a la faloo le bulu, meŋ mu mumuna feŋo ti. Wo diyaamuta a ye niŋ hadamadiŋ kaŋo le la, a la junuboo kamma la. A ye annabiyomoo ñiŋ bali kuu fuuriŋ kewo la wo le ñaama.