Kawandilaa 9:2 - Mandinka Bible

² Ì bee labaŋo ka ke kiliŋ ne ti: A moo tilindiŋ-wo, a moo jawu-wo, a kende-wo, a kuruŋ-wo, a moo senuŋ-wo, a kosoriŋ-wo, a sadaabolaa-wo, waraŋ a sadaabobali. A be moo kendoo ye ñaameŋ, a be junubelaa fanaa ye wo le ñaama. A be kalilaa ye ñaameŋ, a be moo fanaa ye wo le ñaama, meŋ ka sila a ke la.

Kawandilaa 9:2 Mawu Ofanana

1 Musa 24:3

ŋa i kalindi Yaawe la, saŋo niŋ bankoo Maarii ko, i te musoo ñini la n dinkewo ye ka bo Kanaaninkoolu dimmusoolu kono, n niŋ mennu be siiriŋ.

Yuuba 9:22

A bee mu kiliŋo le ti, wo le ye a tinna ñiŋ kumakaŋo bota n daa ko, “Alla ka moo tilindiŋolu niŋ moo kuruŋolu bee le kasaara.”

Jabuuroolu 73:3

kaatu n kiiliyaata faŋ wara moolu la kuwo le la, biriŋ ŋa a je kuwo bee be sooneeyaariŋ moo kuruŋolu ye.

Kawandilaa 2:26

Moo meŋ ye Alla kontaanindi, a ka ñaameŋo dii wo le la, londoo, aniŋ niiseewoo. Bari junubelaa, a ka bataa le laa wo kaŋ, ka tara naafuloo kafu kaŋ ñoo ma ka a maabo moo ye, meŋ ka Alla kontaanindi. Ñiŋ fanaa maŋ ke feŋ ti, a ka munta le ko foño bayindoo.

Kawandilaa 3:19

Hadamadiŋo labaŋo niŋ beeyaŋo labaŋo bee kiliŋ. Labaŋñaa kiliŋo le ka tara ì bee batu kaŋ. Ñiŋ doo ka faa ñaameŋ, ñiŋ doo fanaa ka faa wo le ñaama. Nii kiliŋo le be ì bee la. Hadamadiŋ maŋ fisa beeyaŋ ti. Ñiŋ bee maŋ ke feŋ ti.

Kawandilaa 6:6

Hani niŋ a ye a tara ñiŋ kewo ye sanji wuli fula le baluu, hani wo bee a maŋ niiseewoo soto. Fo ì bee labaŋo te ke la kiliŋ ne ti, kaburoo kono?

Kawandilaa 7:18

A si beteyaa, niŋ i maŋ landatamboo ke niŋ sila-wo-sila la. Alla ñaasilannaa, wo le ka tara sila betoo kaŋ.

Kawandilaa 7:2

Saŋa bunkono duŋo, wo le ye fisa bidaŋ bunkono duŋo ti. Hadamadiŋo bee labaŋo mu saayaa le ti, moo-wo-moo be baluwo to, wo si tara i sondomoo kono.

Kawandilaa 9:11

Ŋa kuwo doo le fanaa je ñiŋ duniyaa tiloo koto, wo le mu: Ñoo daŋo te dendiŋ tariyaa doroŋ na, aduŋ ñoo noo te dendiŋ semboo dammaa la. Domori sotoo te dendiŋ ñaameŋo la, fankoo te dendiŋ hakilidiyaa la, aduŋ buuñaa sotoo te dendiŋ dookuu noo la. Waatoo, aniŋ mantaabeŋo, wo le be ñinnu bee la.

Kawandilaa 9:3

Kuu dimindiŋ doo fele kuwolu kono meŋ ka ke ñiŋ duniyaa tiloo koto, wo le mu ñiŋ ti ko, moo bee mu labaŋñaa kiliŋo le ti. Hadamadiŋolu bee sondomoo ka tara faariŋ kuu kuruŋo le la. Ñaamaatiyaa le ka tara ì sondomoo kono ì la baluwo waatoo la. Wo koolaa ì ye naa faa.

Yeremiya 43:6

Wo le mu kewolu niŋ musoolu ti, aniŋ dindiŋolu, mansa dimmusoolu, ka taa moo-wo-moo, kelediŋ kantarilaalu la kuntiyo Nebusaradani ye meŋ karafa Kedaliya ma. Nte Yeremiya, aniŋ Baruku, Neriya dinkewo fanaa tarata ì kono le.

Malaki 3:15

Bari saayiŋ a fele, faŋ wara moolu ǹ ka wolu le kumandi neema moolu la. Ì ka baara kuu kuruŋo la ñaa-wo-ñaa, ì ka ñaatotaa soto le. Ì ka tara Alla sooki kaŋ ñaa-wo-ñaa, ì ka kana le.’ ”

Malaki 3:18

Ali be naa a loŋ na le kotenke, fataŋ-fansoo meŋ be moo kuruŋolu niŋ moo tilindiŋolu teema, aniŋ Alla batulaa niŋ Alla batubaloo teema.

Malaki 3:5

Yaawe Alihawaa Maariyo ye ñiŋ ne fo ko, “M be naa ali kaŋ ne ka ali kiitindi. M be tariyaa la ka batuutaatiyolu le la kuwo yitandi, jeenelaalu, seedenduroolu, moolu mennu ka ì la dookuulaalu la joo nakari, moolu mennu ka furuyaamusoolu toorandi, aniŋ aliyatiimoolu, moolu mennu buka tooñaa sabatindi ì niŋ tumarankewolu teema, ì maŋ sila n na.

1 Samuweli 14:26

Kabiriŋ ì dunta jee, ì ye a je, yiroolu baloo bee be faariŋ liyo la, bari moo maŋ feŋ domo, kaatu ì bee silata Sawulu la dankaroo la le.