Kawandilaa 9:18 - Mandinka Bible

¹⁸ Ñaameŋo le ye fisa ka tambi kelejooraŋolu la. Junubelaa, hani a kiliŋ, a ka kuu bete jamaa le tiñaa.

Kawandilaa 9:18 Mawu Ofanana

2 Mansoolu 21:2

A baarata kuu jawoo le la Yaawe* ñaa koto, ka baara bankoo moolu la baara kuu jawu baalu la, Yaawe ye mennu bayi bankoo kaŋ Banisirayilankoolu ye.

Yuuba 35:8

I la kuruŋyaa kuwo ye i ñoŋolu doroŋ ne toora. I ye kuu kendoo meŋ ke, wo ye hadamadiŋolu doroŋ ne maakoyi.

Kawandilaa 10:1

Ko sii furewolu ka tulu seeralaa seeroo tiñaa ñaameŋ, tooleeyaa, hani a domandiŋ, a ka ñaameŋo tiñaa le, aniŋ horomoo.

Kawandilaa 10:10

Niŋ teeraŋo daa kuyaata, i maŋ a daa diyaa, a dookundoo ka sembe boyi baa le ñininkaa, bari ñaameŋo, wo le ka tinewo naati.

Kawandilaa 2:13

Bari n naata a je le ko, ñaameŋo le beteyaata tooleeyaa ti, ko maloo beteyaata diboo ti ñaameŋ.

Kawandilaa 7:12

Ñaameŋo mu tankaraŋo le ti, ko kodoo mu tankaraŋo ti ñaameŋ. A kummaayaata le ka a loŋ ko, ñaameŋo, meŋ ye a soto, a ka wo maarii niyo le tanka.

Kawandilaa 7:19

Ñaameŋo ka semboo meŋ dii hakilimaa la, wo le ka tambi kantii taŋ na saatewo kono.

Kawandilaa 9:16

Nte de, ŋa ñiŋ ne fo ko, “Ñaameŋo le ye fisa sembe waroo ti.” Hani wo, ñiŋ kee fuwaaroo la ñaameŋo naata ke jutunna feŋo le ti, moolu maŋ a la kumoolu muta feŋ ti.

2 Timoti 3:8

Ko Yannes niŋ Yamberes balanta Annabilayi Musa ma nuŋ ñaameŋ, ñiŋ karandirilaalu fanaa ka balaŋ tooñaa ma wo le ñaama, baawo ì hakiloolu nakarita le, ì maŋ lanna tooñaa soto.

Yosuwa 22:20

Ali i miira Akani Sera dinkewo la, a ye foroyaabaliyaa meŋ ke, a maŋ feŋolu kasaara mennu ñanta ka kasaara, ko Alla ye a fo ñaameŋ. Alla la kamfaa baa naata boyi Banisirayilankoolu bee kaŋ. Aduŋ ate dammaa maŋ ke moo ti meŋ faata a la junube kuwo kamma la.’ ”

Yosuwa 7:1

Banisirayilankoolu maŋ yaamaroo timmandi, Alla ye meŋ dii ì la ko, ì kana feŋ taa Yeriko meŋ ñanta kasaara la. Moo doo le be ì kono jee, ì ka a fo meŋ ye Akani, Karimi dinkewo, Sabudi mamariŋo, a bota Sera kaabiiloo le kono, Yahuuda lasiloo. Wo le ye feŋo doolu taa, ì ñanta mennu kasaara la. Bituŋ Yaawe* naata kamfaa Banisirayilankoolu kamma wo kuwo la.

Yosuwa 7:5

Bituŋ Ayi saatee moolu ye ì kelendi, ì ye moo taŋ saba niŋ wooro ñoŋ faa ì kono. Ì ye ì bayi le ka bo saatewo ñiŋ daa to ka taa fo Sebarimu. Ì ye ì faa le, biriŋ ì be bori kaŋ konko jindaalu la. Wo naata Banisirayilankoolu kijoo bee teyi, ì sumayaata ko jii sumaa.

1 Samuweli 14:30

A be kekuu la le nuŋ bii, niŋ a ye a tara, ǹ na moolu ye domoroolu domo, ì ye mennu buusi Filisitinkoolu bulu, kabiriŋ ì ye ì noo keloo la. I miira doroŋ, ì be Filisitinkoolu nankamoo meŋ faa la nuŋ.”