Kawandilaa 9:11 - Mandinka Bible

¹¹ Ŋa kuwo doo le fanaa je ñiŋ duniyaa tiloo koto, wo le mu: Ñoo daŋo te dendiŋ tariyaa doroŋ na, aduŋ ñoo noo te dendiŋ semboo dammaa la. Domori sotoo te dendiŋ ñaameŋo la, fankoo te dendiŋ hakilidiyaa la, aduŋ buuñaa sotoo te dendiŋ dookuu noo la. Waatoo, aniŋ mantaabeŋo, wo le be ñinnu bee la.

Kawandilaa 9:11 Mawu Ofanana

2 Samuweli 17:14

Abusalomu niŋ Banisirayila kewolu bee ko, “Husayi Arikinkoo la yaamaroo le beteyaata Ahitofeli taa ti.” Kaatu Yaawe* lafita le, ka Ahitofeli la yaamari kendoo fundi, fo maasiiboo si boyi Abusalomu kaŋ.

2 Samuweli 17:23

Kabiriŋ Ahitofeli ye a je ko, a la yaamaroo maŋ muta, a ye kirikewo ke a la faloo kaŋ, a taata a la buŋo to, meŋ be a la saatewo to. A ye a la kuwolu topatoo, bituŋ a ye a faŋo deŋ, a faata. Ì naata a baadee, ì ye a faamaa baadee baadeekoo meŋ to.

2 Taarika 20:15

Bituŋ a ko, “Mansa Yehosafati, Yerusalaamunkoolu niŋ Yahuuda moo toomaalu, ali i lamoyi! Yaawe ye ñiŋ ne fo ali ye ko: ‘Ali kana sila ñiŋ kelediŋ kafu baa la meŋ ka naa teŋ, a kana ali jikilateyi, kaatu ñiŋ keloo maŋ ke ali taa ti, nte Yaawe le taa mu.

Yuuba 34:29

Niŋ Alla maŋ kuu ke a noo to, jumaa le be a tuumi noo la a la? Niŋ a ye a faŋ maabo, jumaa le be a je noo la, fo moo kuŋ kiliŋ, waraŋ fo jamaa?

Jabuuroolu 76:5

Ì ye i jawu kelediŋ fatiŋolu bulu kenseŋo londi le. Saayiŋ ì be laariŋ siinoo kunimbaloo le kono. Wo kelejawaroolu kiliŋ te a buloo wulindi noo la.

Kuma Kotoomaalu 1:5

Ì ka kalamutari ke kuma kotoomaalu niŋ misaaloolu la le, aniŋ moo ñaamendiŋolu la kumoolu niŋ ì la mansaaloolu. Moo ñaamendiŋolu fanaa si ì lamoyi, fo ì si londi lafaa ì la karaŋo to, mennu ye kuwolu bo noo ñoo to, si yaamaroo soto.

Kawandilaa 2:12

N naata m faŋ ñininkaa ko, “Mansakewo meŋ be naa, a be muŋ ne ke noo la, mansa doolu maŋ meŋ ke?” Bituŋ n naata ñaameŋo, tooleeyaa niŋ fuuriŋyaa misaali.

Kawandilaa 3:14

Ŋa a loŋ ne ko, Alla ye kuu-wo-kuu ke, wo le be tu la fo fawu. Feŋ te lafaa noo la a kaŋ, sako feŋ si talaa a bala. Alla ye ñiŋ ke le, i si a je moolu si a kuliyaa.

Kawandilaa 3:17

N ko m faŋ ye ko, “Moo tilindiŋ, moo kuruŋ, Alla be ì bee le kiitindi la. Ate le ye waatoo londi feŋo bee la, a ye waatoo londi baara kuwolu bee la.”

Kawandilaa 4:1

Ŋa koroosiroo ke kotenke, ŋa a je toorandi kuwo meŋ be taama kaŋ ñiŋ duniyaa tiloo koto: Ŋa moo toorariŋolu ñaajiyo je le, ì maŋ sabarindilaa soto. Semboo be ì toorandilaalu le bulu, moo maŋ soto ka ì sabarindi.

Kawandilaa 4:4

Ŋa a je le moolu ka kata kuu baalu mennu ke, ka dookuwo ke fo ì buloo ye koyi a to. Kaatu ì ka tara lafiriŋ ñiŋ ne la ka tara ñoo ñaato. Ñiŋ fanaa maŋ ke feŋ ne ti, a ka munta le ko foño bayindoo.

Kawandilaa 7:13

Alla la keroo juubee: Niŋ a ye meŋ jenkendi, jumaa le ka wo tilindi noo?

Kawandilaa 9:2

Ì bee labaŋo ka ke kiliŋ ne ti: A moo tilindiŋ-wo, a moo jawu-wo, a kende-wo, a kuruŋ-wo, a moo senuŋ-wo, a kosoriŋ-wo, a sadaabolaa-wo, waraŋ a sadaabobali. A be moo kendoo ye ñaameŋ, a be junubelaa fanaa ye wo le ñaama. A be kalilaa ye ñaameŋ, a be moo fanaa ye wo le ñaama, meŋ ka sila a ke la.

Kawandilaa 9:3

Kuu dimindiŋ doo fele kuwolu kono meŋ ka ke ñiŋ duniyaa tiloo koto, wo le mu ñiŋ ti ko, moo bee mu labaŋñaa kiliŋo le ti. Hadamadiŋolu bee sondomoo ka tara faariŋ kuu kuruŋo le la. Ñaamaatiyaa le ka tara ì sondomoo kono ì la baluwo waatoo la. Wo koolaa ì ye naa faa.

Yeremiya 46:6

“Boridulaa te tariŋolu ye, sako kelejawara si kana, maraa karoo la, Yufurati Boloŋo daala, ì takita jee le, ì boyita.

Yeremiya 48:14

“Alitolu Mowabinkoolu, ali si a fo noo ali faŋ ye ñaadii le ko, ‘Ntolu mu kelejawaroolu le ti, aniŋ kelediŋ fatiŋolu’?

Yeremiya 9:23

Yaawe ye ñiŋ ne fo ko: “Moo ñaamendiŋ kana kibiri a la ñaameŋo la, sako moo bambandiŋ si kibiri a la bambaŋo la, waraŋ naafulutii si kibiri a la naafuloo la.

Daniyeli 4:35

Duniyaa moolu bee buka muluŋ a ñaa koto feŋ ti. A la lafoo mu meŋ ti, a ka wo le ke malaayikoolu kono santo, aniŋ hadamadiŋolu kono duuma. Moo te a la keroo baayi noo la, waraŋ ka a ñininkaa a kekuwo la.

Jakariya 4:6

Bituŋ malaayikoo ko n ye ko, “Yaawe* la kumoo fele Serubabeli ye, a ko: ‘A maŋ ke semboo ti, a maŋ ke waroo ti, n na Nooroo doroŋ ne si a ke noo.’ Yaawe Alihawaa Maariyo* le ye a fo.

Malaki 3:18

Ali be naa a loŋ na le kotenke, fataŋ-fansoo meŋ be moo kuruŋolu niŋ moo tilindiŋolu teema, aniŋ Alla batulaa niŋ Alla batubaloo teema.

Efesusinkoolu 1:11

Ka bo niŋ ate Kiristu le la, ǹ naata ǹ niyo fanaa soto keetaa to. Ñiŋ keta a faŋo la natoo le kaŋ, a ye meŋ feere biriŋ, meŋ ka kuwolu bee timmandi ko a la lafoo be ñaameŋ.

5 Musa 8:17

Wo to, ali ali hakiloo tu, ali kana ñiŋ miira ka a fo ko, “Ǹ na katoo niŋ m̀ birisoo le ye ñiŋ sotofeŋolu sii m̀ ma.”

5 Musa 8:18

Ali si ñiŋ loŋ ko Yaawe ali la Alla le ye semboo dii ali la ka fanka. A ye ñiŋ ke le ka a la tiliŋo yitandi kambeŋo la kuwo to, meŋ be a niŋ ali mumuñolu teema, fo ka naa bula bii la.

1 Samuweli 17:50

Dawuda ye Koliyati noo keloo la kampuraŋo niŋ beroo le la. A ye a buŋ ne, a ye a faa. Aduŋ a maŋ hawusaroo muta a buloo kono.

1 Samuweli 6:9

bari ali si ali ñaalu tu looriŋ a kaŋ. Niŋ a taata fo a fansuŋ bankoo kaŋ, Beti-Semesi maafaŋo la, bituŋ ali si a loŋ ko, Yaawe le ye ñiŋ mantoora jawu baa laa ntolu kaŋ. Bari niŋ a maŋ tiliŋ wo to, bituŋ m̀ be a loŋ na le ko, a buloo maŋ laa ntolu kaŋ, a keta ǹ na le doroŋ.”