Kawandilaa 8:8 - Mandinka Bible

⁸ Hadamadiŋ maŋ semboo soto ka foñoo mara, waraŋ ka semboo soto a la saayaa luŋo la. Keloo waatoo la, kelediŋ buka foñondi. Kuruŋyaa kuwo buka moo kuruŋo maakoyi noo.

Kawandilaa 8:8 Mawu Ofanana

2 Samuweli 14:14

Ntolu bee ñanta faa la le. Ntolu ka munta le ko jiyo, meŋ bonta bankoo to, meŋ te kafu noo la ñoo ma kotenke. Bari Alla te niyo bo la, a be feeroolu le miira la, i si a je, moo meŋ be luwaa la mutoo kono, si muruŋ a la karoo la kotenke.

2 Mansoolu 7:15

Ì bulata ì nooma fo Yoridani Boloŋo to. Siloo kaŋ muumewo bee tarata faariŋ sitifeŋolu niŋ jooraŋolu le la, Aramunkoolu ye mennu fayi ì la korontoo kamma la. Bituŋ kiilaalu muruta ì ye i dantee mansa ye.

Yuuba 14:5

Hadamadiŋo la baluwo ye dandulaa le soto. Ite Alla, ite le ye a baluu tiloo nankamoo loŋ, a te tambi noo la meŋ na.

Yuuba 34:14

Niŋ Alla lafita, a si a la niyo taa,

Jabuuroolu 89:48

Moo jumaa le si baluu a ye kaari saayaa ma? Jumaa le si a faŋ tanka noo kaburoo ma? S

Jabuuroolu 9:17

Moo kuruŋolu be taa kaburoo kono le, banku koteŋ moolu mennu bee ñinata Alla la.

Kuma Kotoomaalu 12:3

Jawuyaa te moo tankandi noo la, bari moo tilindiŋolu te buruka la muumeeke.

Kuma Kotoomaalu 14:32

Moo jawoo la kuu kuruŋ kewo le ka a kasaara, bari moo tilindiŋo la beteyaa, wo le ka a tankandi.

Kawandilaa 3:21

Jumaa le ye a loŋ fo hadamadiŋo niyo ka sele le ka taa santo, waraŋ fo beeyaŋolu taa ka taa bankoo le duuma?”

Kawandilaa 8:13

Moo kuruŋolu, baawo itolu buka sila Alla la, ì te kayiroo soto la, aduŋ ì la baluwo te jamfa la, ì be yeemaŋ na le ko niiniyo.

Kawandilaa 9:12

Moo le buka a loŋ a la waatoo be sii la waati meŋ na: Ko ñewo ka saŋara duŋ jaloo daa ñaameŋ, waraŋ ko kunoo ka duŋ ŋaliŋo daa ñaameŋ, maasiiboo fanaa ka barambarantoo boyi hadamadiŋo kaŋ wo le ñaama.

Yesaya 28:15

Ali kibirita le ka a fo ko, ali niŋ saayaa ye kambeŋo le siti, ali niŋ kaburoo fanaa denta kaŋ na. Niŋ kasaaroo feeneeta naŋ, ali be tanka la a la le, kaatu ali ye faniyaa le ke ali la tuukuraŋo ti, tooñaafobaliyaa le keta ali la semberaŋo ti.

Yesaya 28:18

Ali niŋ saayaa ye kambeŋo meŋ siti, wo si buruka, ali niŋ kaburoo denta kaŋo meŋ na, te loo la. Niŋ kasaaroo feeneeta naŋ, ali te kana la.

Yesaya 47:10

I laata i la kuruŋyaa la le, i ko, moo te i je la. I la ñaameŋo niŋ i la londoo le ye i filindi. I ka a fo i faŋ ye ko, ‘Nte doroŋ ne mu, doo koteŋ maŋ soto.’

1 Korintinkoolu 15:43

A ka baadee horomantaŋyaa le kono, bari a ka wulindi horomoo le kono. A ka baadee sembentaŋyaa le kono, bari a ka wulindi semboo le kono.

2 Korintinkoolu 13:4

A be pempendiŋ yiribantambiloo kaŋ sembentaŋyaa le kono nuŋ, bari saayiŋ a be baluuriŋ ne ka bo niŋ Alla la semboo la. Ntolu mennu mu a taa ti, ǹ ka sembentaŋyaa le ko ate keta nuŋ ñaameŋ, bari kara doo la, ntolu niŋ ate be baluuriŋ ne ka bo niŋ Alla la semboo la, aduŋ ali be ñiŋ semboo je la le.

Hiburunkoolu 9:27

Tooñaa le mu, moo-wo-moo ñanta faa la siiñaa kiliŋ ne, wo koolaa kiitiyo si naa.