Kawandilaa 8:6 - Mandinka Bible

⁶ Feŋ-wo-feŋ, waatoo le be a la, aniŋ keñaa. Hadamadiŋo la koleyaa kuwo dunoo ka tara laariŋ a faŋo le kaŋ.

Kawandilaa 8:6 Mawu Ofanana

Yuuba 10:13

Bari ñiŋ kuwolu tarata maaboriŋ i kono le, aduŋ ŋa a loŋ ne ko, wo waatoo bee la ñiŋ ne be i hamoo to:

Yuuba 33:17

A ka ñiŋ ke le ka a fatandi kuu jawu kewo ma, ka fata faŋ waroo ma,

Yuuba 33:19

Alla ka moo dandalaa le fanaa ka dimoo jaraboo laa a kaŋ, a kuloo si tara a teyi kaŋ doroŋ.

Kawandilaa 11:9

Ite keendiŋo, i faŋ seewondi, i la fondinkeeyaa waatoo la. I hakiloo kali i samba niiseewoo kuwo kaŋ, i la fondinkeeyaa tiloolu la. Bula i niidiyaa nooma, aniŋ i ñaabo feŋolu. Bari i si ñiŋ loŋ ko, Alla be i kontibo la kuwolu bee le la, i ye mennu ke.

Kawandilaa 3:1

Feŋ-wo-feŋ, waatoo le be a la, waati le be looriŋ feŋolu bee la ñiŋ duniyaa kono:

Kawandilaa 3:11

Alla ye kuwo bee ke a tumoo le la, aduŋ a ñiiñaata. A ye hadamadiŋo hakilimaayandi badaa-badaa baluwo la kuwo la le, bari hani wo, Alla la keroo, hadamadiŋo buka a fahaamu noo, a foloodulaa te, sako a labandulaa.

Kawandilaa 3:17

N ko m faŋ ye ko, “Moo tilindiŋ, moo kuruŋ, Alla be ì bee le kiitindi la. Ate le ye waatoo londi feŋo bee la, a ye waatoo londi baara kuwolu bee la.”

Luka 13:25

“Niŋ buntiyo wulita, a ye bundaa soroŋ, ali be a dati la ka loo banta ka bundaa konkoŋ, aniŋ ka a fo ko, ‘M̀ Maarii, bundaa yele ǹ ye!’ A be ali jaabi la le ko, ‘Nte maŋ ali loŋ, sako ali bota daameŋ!’