Kawandilaa 8:13 - Mandinka Bible

¹³ Moo kuruŋolu, baawo itolu buka sila Alla la, ì te kayiroo soto la, aduŋ ì la baluwo te jamfa la, ì be yeemaŋ na le ko niiniyo.

Kawandilaa 8:13 Mawu Ofanana

Yuuba 14:2

A la kuwo be le komeŋ firoo ka finti ñaameŋ, a ye naa noro. A ka yeemaŋ ne komeŋ niiniyo, a buka tu keriŋ.

Yuuba 18:5

Tooñaa-tooñaa, moo kuruŋolu la maloo dubenta le, aduŋ ì la dimbaa te mala la.

Yuuba 20:5

moo kuruŋolu la kontaanoo loo buka jamfa, aniŋ Alla sookilaalu la seewoo ka ke waati kuntundiŋ doroŋ ne ti?

Yuuba 21:30

Alla la kamfaa luŋo la, aniŋ a la jarabiroo luŋo la, mennu ka kana, tana buka ke ì la, wolu le mu moo kuruŋolu ti.

Jabuuroolu 11:5

Yaawe ka moo tilindiŋolu niŋ moo kuruŋolu bee le kotobo. A ye fitinantuŋolu koŋ jawuke le.

Jabuuroolu 144:4

Moo la baluwo la sutiyaa be le ko, niiseloo niŋ niijiyo teema, a ka yeemaŋ ne katabake komeŋ niiniyo.

Jabuuroolu 37:1

Kana diminnaa moo jawoolu la kuwo kamma la. Kana ñaabo kuu kuruŋ kelaalu fee.

Jabuuroolu 39:5

I ye n na baluu tiloolu ke le ko sibira kiliŋ, aduŋ n na baluwo loo la jamfoo maŋ ke i ñaa koto feŋ ti. A be koyiriŋ ne ko, moo-wo-moo la baluwo la sutiyaa be le ko, niiseloo niŋ niijiyo teema. S

Jabuuroolu 55:23

Ite Alla le be wo moofaalaalu niŋ neeneerilaalu ñori la kaburoo duuma, janniŋ ì be ì siyo talantewo baluu la. Bari nte de, ŋa n jikoo loo ite le kaŋ.

Kawandilaa 3:14

Ŋa a loŋ ne ko, Alla ye kuu-wo-kuu ke, wo le be tu la fo fawu. Feŋ te lafaa noo la a kaŋ, sako feŋ si talaa a bala. Alla ye ñiŋ ke le, i si a je moolu si a kuliyaa.

Kawandilaa 5:7

Siiboo jamaa niŋ kuma jamaa maŋ nafaa soto. Wo to, sila Alla la.

Kawandilaa 6:12

Jumaa le ka a loŋ, meŋ beteyaata hadamadiŋo ye, a baluu tili dantaŋ nafantaŋo kono, meŋ ka tambi ko niiniyo? Jumaa le ka a fo noo meŋ be naa ke la ñiŋ duniyaa tiloo koto, ate faariŋ koolaa?

Kawandilaa 7:15

N na ñiŋ baluu nafantaŋo kono, ŋa moo tilindiŋo je le, a maŋ siimaayaa a la tiliŋo kaŋ. Ŋa moo kuruŋo fanaa je, a siimaayaata a la kuruŋyaa kaŋ. Ŋa ñiŋ kuu fuloo bee je n ñaa la le.

Kawandilaa 7:18

A si beteyaa, niŋ i maŋ landatamboo ke niŋ sila-wo-sila la. Alla ñaasilannaa, wo le ka tara sila betoo kaŋ.

Kawandilaa 8:8

Hadamadiŋ maŋ semboo soto ka foñoo mara, waraŋ ka semboo soto a la saayaa luŋo la. Keloo waatoo la, kelediŋ buka foñondi. Kuruŋyaa kuwo buka moo kuruŋo maakoyi noo.

Yesaya 3:11

Bari kooroo be moo kuruŋolu ye, maasiiboo be naa boyi la ì kaŋ ne. Ì ye meŋ dookuu, ì be ì joo la wo le la.

Yesaya 30:13

ñiŋ junuboo be ke la ali ye le ko tata sansaŋ jaŋo meŋ farata, a be laamaariŋ, kataba kiliŋ a ye naa boyi piram.

Yesaya 57:21

N na Alla ko: “Moo kuruŋolu te kayiroo soto la muumeeke.”

Yesaya 65:20

“Deenaani te tara la jee kotenke meŋ be baluu la tili dantaŋ doroŋ na, waraŋ keebaa ye faa, a maŋ kotoo kendeke. Moo-wo-moo faata i siyo be sanji keme, be muluŋ na le ko, i mu fondinkewo doroŋ ne ti. Moo meŋ siyo maŋ futa sanji keme, ì be a fo la le a dankata le.

Yeremiya 44:10

Bari hani ka naa bula bii la ali maŋ ali fammajii. Ali maŋ n horoma waraŋ ka baluu ka bo niŋ n na yaamaroolu niŋ luwaalu bee la, ŋa mennu dii ali niŋ ali la alifaa foloolu la.

Malaki 3:18

Ali be naa a loŋ na le kotenke, fataŋ-fansoo meŋ be moo kuruŋolu niŋ moo tilindiŋolu teema, aniŋ Alla batulaa niŋ Alla batubaloo teema.

Yohana 5:29

aduŋ ì be finti la naŋ ì la kaburoolu kono le. Mennu ye kuu betoolu ke, wolu be wuli la le ka taa saayaakoolaa wulindiroo baluwo to. Bari mennu ye kuu jawoolu ke, wolu be wuli la le ka taa saayaakoolaa wulindiroo yankankatoo kono.

Yankuba 4:14

Ali maŋ hani kuwo loŋ, meŋ be naa saama! Muŋ ne mu ali la baluwo ti? Ali mu tuutuwo doroŋ ne ti, meŋ ka finti waatindiŋ doroŋ, a ye yeemaŋ.

2 Pita 2:3

Ì la hadumoo kamma la, ì be ali la naafuloolu buusi la ali bulu niŋ faniyaa kumoolu la. Bari ì la yankankatoo be pareeriŋ ne kabiriŋ waati jaŋ koomanto, aduŋ ì la kasaaroo be ì batu kaŋ ne.