Kawandilaa 8:11 - Mandinka Bible

¹¹ Moolu be naafa la kuu jawu kelaalu jaraboo la doroŋ, hadamadiŋolu sondomoo be wajabi la kuruŋyaa kuu kewo kaŋ.

Kawandilaa 8:11 Mawu Ofanana

2 Samuweli 11:15

Dawuda ye ñiŋ ne safee leetaroo kono ko, “Uriya ke ñaato, daameŋ keloo be kandiriŋ. Bituŋ ali si jamfa a la, fo ì si a buŋ, ì ye a faa.”

Yuuba 24:23

Alla ka ì bula le ì ye a miira ko, ì be tankoo le kono, bituŋ ì ye tara jikiriŋ wo la. Bari a ka tara ì la kuwolu koroosi kaŋ ne.

Jabuuroolu 10:4

A la faŋ waroo le ka a tinna a ka a fo ko, “Alla te kuu kisikisi la.” A ka tu ñiŋ ne miira la a faŋ ma ko, “Alla te keriŋ.”

Jabuuroolu 10:6

A ka ñiŋ ne fo a faŋ ma ko, “N te bo la n noo to muk. N te bula la mantooroo kono abadaa.”

Jabuuroolu 86:15

Bari Maariyo, ite mu Alla le ti meŋ balafaa warata, aduŋ i hiinanteeyaata, i buka kamfaa juuna, i la kanu bambaloo niŋ i la tiliŋo maŋ dandulaa soto.

2 Musa 34:6

Yaawe tambita Musa ñaato, a ye a kankulaa ko, “Nte Yaawe, meŋ ye balafaa soto, m mu Alla le ti, meŋ hiinanteeyaata. M buka kamfaa juuna, n na kanu bambaloo niŋ n na tooñaa maŋ dandulaa soto.

2 Musa 8:15

Kabiriŋ Firawoona ye a je ko, dahaa naata le, a ye a sondomoo jandi, a balanta i lamoyi la Musa niŋ Haaruna la, ko Yaawe ye a fo nuŋ ñaameŋ.

2 Musa 8:32

Bari Firawoona ye a sondomoo jandi le kotenke, aduŋ a balanta moolu ye taa.

Kawandilaa 9:3

Kuu dimindiŋ doo fele kuwolu kono meŋ ka ke ñiŋ duniyaa tiloo koto, wo le mu ñiŋ ti ko, moo bee mu labaŋñaa kiliŋo le ti. Hadamadiŋolu bee sondomoo ka tara faariŋ kuu kuruŋo le la. Ñaamaatiyaa le ka tara ì sondomoo kono ì la baluwo waatoo la. Wo koolaa ì ye naa faa.

Yesaya 26:10

Niŋ kuruŋolu ka hiinoo soto, ì buka tilimmaañaa karaŋ. Hani bankoo meŋ ka tiliŋo taamandi, itolu ka tu kuu kuruŋ kewo doroŋ ne la, ì buka ite Yaawe la mansabaayaa muta feŋ ti.

Yesaya 57:11

“I silata jumaa le la, fo i ka faniyaa fo n ye? I ñinata n na le, i hakiloo faŋo maŋ m maa. M meeta deyiriŋ baake le, fo wo le ye a tinna i maŋ sila n na baŋ?

Yeremiya 42:15

Wo to ali i lamoyi Yaawe be kumoo meŋ fo la ali ye, alitolu Yahuuda moo toomaalu. Yaawe Alihawaa Maariyo*, Banisirayila la Alla ye ñiŋ ne fo ko: ‘Niŋ ali ye ali ñaalu tu balandiŋ ñiŋ ne kaŋ, ka taa Misira bankoo kaŋ, ka sabati jee,

Yeremiya 48:11

“Mowabi tarata tankoo doroŋ ne kono biriŋ a dindiŋ, ì nene maŋ a samba mutoo kono. Mowabi ka munta le ko, wayinoo* meŋ tuta looriŋ ka tenkeyaa, ì maŋ a yelema ka bo bata ka taa bata. A la timiyaa nene maŋ tiñaa, a la diyaa be a ñaama le doroŋ.