Kawandilaa 7:8 - Mandinka Bible

⁸ Kuwo labaŋo, wo le ka fisa a foloo ti, muñoo le ye fisa faŋ waroo ti.

Kawandilaa 7:8 Mawu Ofanana

Kuma Kotoomaalu 13:10

Faŋ waroo ka sonkoo doroŋ ne saabu, bari ñaameŋo ka tara moolu le kono, mennu ka soŋ yaamaroo la.

Kuma Kotoomaalu 14:29

Moo meŋ ka kamfaa juuna, a ka a la kuntaŋyaa le yitandi, bari moo meŋ buka kamfaa juuna ka ke fahaamurulaa baa le ti.

Kuma Kotoomaalu 15:18

Jusu tariyaa ka sonkoo le wulindi, bari moo sooneeyaariŋo ka sonkoo daa faa le.

Kuma Kotoomaalu 16:32

Ka ke muñalaa ti, le fisiyaata ka ke kelejawaroo ti, moo meŋ ka a jusoo ñabu, wo le fisiyaata saatee taalaa ti.

Kuma Kotoomaalu 28:25

Moo meŋ hadumeta, ka sonkoo le jambandi, bari moo meŋ laata Yaawe la, be taa ñaato le.

Kawandilaa 7:1

Too diyaa, wo le be tulu seeralaa ñaato, aduŋ faa luŋo, wo le be wuluu luŋo ñaato.

Luka 16:25

Bari Iburayima ko a ye le ko, ‘N diŋo, i hakiloo bulandi ko, i la baluwo tumoo la, i ye feŋ betoolu bee soto le, aduŋ Lasarus ye feŋ jawoolu le soto. Bari saayiŋ, a sabarindita jaŋ ne, ite be tooroo kono.

Luka 21:19

Ka bo niŋ ali la wakiiloo la, ali be badaa-badaa baluwo soto la le.

Kalatiyankoolu 5:22

Bari Nooroo ka meŋ diŋ, wo mu kanoo le ti, seewoo, kayiroo, muñoo, mooyaa, beteyaa, foroyaa,

Efesusinkoolu 4:2

Ali si baluu fammajiyo kono, mooyaa aniŋ sooneeyaa, aduŋ ali si muña ñoo ye kanoo kono.

Hiburunkoolu 10:36

Ali suulata wakiiloo le la, fo ali si Alla la lafoo ke noo, aniŋ ka a la laahidoo soto,

Yankuba 5:11

Moolu mennu wakiilita, ǹ ka wolu le je barakariŋ. Ali ye Yuuba la kuwo moyi le, a keta muñalaa ti ñaameŋ. Aduŋ ali ye Maariyo la balafaa niŋ hiinoo je kuwolu to le, a ye mennu ke Yuuba ye labaŋo la.

Yankuba 5:8

Ali fanaa ye i muña! Ali ali sondomoolu bambandi, kaatu Maariyo la naa sutiyaata naŋ ne.

1 Pita 1:13

Wo to, ali ali hakiloo tu, ali ye ali faŋ mara, aduŋ ali si ali jikoo bee loo hiinoo kaŋ, meŋ be dii la ali la, Yeesu Kiristu be muru la naŋ waatoo meŋ na.