Kawandilaa 7:26 - Mandinka Bible

²⁶ Ŋa feŋ ne je, meŋ jawuyaata saayaa ti: musoo meŋ ka munta ko kutindiŋo, a sondomoo mu jaloo ti, a buloolu mu nee joloo ti. Kee meŋ be Alla ye, wo be kana la ñiŋ musoo ma le. Bari junubelaa, a be wo duŋ na a la jaloo kono le.

Kawandilaa 7:26 Mawu Ofanana

1 Musa 19:35

Bituŋ wo suutoo fanaa ì ye ì faamaa mindi wayinoo la. Bituŋ dindimmaa taata, a niŋ a faamaa kafuta. A faamaa maŋ a loŋ, a niŋ a ye i laa waatoo meŋ na, aduŋ a maŋ a loŋ, a wulita waatoo meŋ fanaa la.

1 Musa 39:9

A maŋ a faŋ wara n ti ñiŋ buŋo kono, aduŋ a maŋ feŋ siyaa n ti fo ite, kaatu i mu a la musoo le ti. Nte si ñiŋ kuu jawu baa ke noo ñaadii le, ŋa junube kuwo soto Alla la karoo la?”

2 Musa 10:7

Firawoona la ñaatonkoolu ko a ye ko, “Ñiŋ keendiŋo be tu la m̀ batandi la fo waati jumaa le la? Moolu bula, ì ye taa, fo ì si Yaawe ì la Alla batu. I maŋ a kalamuta ko, Misira kasaarata le?”

Kuma Kotoomaalu 2:16

A be i tankandi la musu jeenelaa ma le, aniŋ musu tulunnaa, meŋ na kumoo ka neeneeroo ke.

Kuma Kotoomaalu 22:14

Musu jeenelaa daa mu dinka baa le ti, Yaawe be kamfaariŋ moo-wo-moo kamma, wo le be duŋ na jee.

Kuma Kotoomaalu 6:23

Kaatu ñiŋ yaamaroolu mu lampoo le ti, karandiroo mu maloo ti, aduŋ yitandiroo kuluuroo to, le mu duniyaa sambaraŋo ti.

Kuma Kotoomaalu 6:24

Ì be i tanka la musu jeenelaa ma le, aniŋ musu tulunnaa, meŋ ka moolu neenee niŋ a la kumoolu la.

Kuma Kotoomaalu 9:18

Bari moolu mennu ka taa a la buŋo kono, wolu maŋ a loŋ ko saayaa le be jee, aduŋ a la luntaŋolu be kaburoo kono le.

Kawandilaa 2:26

Moo meŋ ye Alla kontaanindi, a ka ñaameŋo dii wo le la, londoo, aniŋ niiseewoo. Bari junubelaa, a ka bataa le laa wo kaŋ, ka tara naafuloo kafu kaŋ ñoo ma ka a maabo moo ye, meŋ ka Alla kontaanindi. Ñiŋ fanaa maŋ ke feŋ ti, a ka munta le ko foño bayindoo.

Kawandilaa 7:27

Kawandilaa ye ñiŋ ne fo ko, “Ali a juubee ŋa ñiŋ ne je, biriŋ ŋa a dati ka kuu kesoolu tomboŋ, ka ì kafu ñoo ma domandiŋ-domandiŋ ka kuwolu koyindi.