Kawandilaa 7:16 - Mandinka Bible

¹⁶ Kana tiliŋo landatambindi, aduŋ i kana ñaameŋ kolenke. Muŋ ne be a tinna la i be i faŋ tiñaa la?

Kawandilaa 7:16 Mawu Ofanana

1 Musa 3:6

Wo le to biriŋ musoo ye a je ko, yiridiŋo ñiŋ beteyaata le ka a domo, aduŋ a be ñaaboo daa le to, aniŋ yiroo ñiŋ na kuwo be lafoo daa le to ka ñaameŋo dii moo la, a ye a diŋo taa, a ye a domo. A ye doo dii a keemaa la, a niŋ meŋ be jee, wo fanaa ye a domo.

Yuuba 11:12

Bari niŋ hakilintaŋo si fahaamuroo ke, faloo si wuluu, a diŋo ye ke hadamadiŋo ti.

Yuuba 28:28

Bituŋ a naata a fo hadamadiŋolu ye ko, “Tooñaa-tooñaa, nte Maariyo ñaasilaŋo, wo le mu ñaameŋo ti, aniŋ ka fata kuu jawu kewo ma, wo le mu fahaamuroo ti.”

Kuma Kotoomaalu 23:4

Kana i faŋo dookundi kendeke, fo i si naafuloo soto, i ñanta ñaameŋo soto la a taamandiñaa to le.

Kuma Kotoomaalu 25:16

Niŋ i ye liyo soto, i si a domoo kaañaŋ, niŋ i ye a landatambi domo, i be foonoo la le.

Kawandilaa 12:12

N diŋo, dandalaaroo fele, ñiŋ kumoolu koolaa, fata karandiri koteŋolu ma. Kitaaboo safewo maŋ dandulaa soto, aduŋ karaŋ baa, a ka balajaatoo batandi le.

Matiyu 23:29

“Kooroo be alitolu Luwaa karammoolu niŋ Farisewolu ye, alitolu bunaafayoolu! Ali ka buŋolu loo annabiyomoolu la kaburoolu ye, aniŋ ali ka moo tilindiŋolu la kaburoolu ñarandi.

Matiyu 23:38

A juubee, ali la buŋo be tu la kenseŋyaariŋ.

Matiyu 23:5

“Ì ka ì la kebaara betoolu bee ke le doroŋ, fo moolu si ì je. Ì ka ì la aaya keraŋolu fanundi le, aniŋ ì ye ì la waramba jimfiroolu jaŋayandi.

Matiyu 9:14

Wo to le Yaayaa la saayiboolu naata Yeesu kaŋ, ì ko a ye ko, “Muŋ ne ye a tinna ntolu niŋ Farisewolu ka suŋ, bari ite la saayiboolu buka suŋ?”

Luka 18:12

N ka suŋ siiñaa fula lookuŋo kono, aduŋ n ka jakoo dii feŋ-wo-feŋ to le, ŋa meŋ soto.’

Roomankoolu 10:2

N ka ñiŋ seedeyaa ì la kuwo to le ko, ì mu katalaa baalu le ti Alla la kuwo to, bari ì maŋ fahaamuroo soto a la siloo to.

Roomankoolu 11:25

Baadiŋolu, n lafita ali kalamutandi la kulloo le la fo ali la londoo kana tara dendiŋ ali fansuŋ miiroolu la. Wo le mu ñiŋ ti ko, Banisirayila kara doo sondomoo be tara la bambandiŋ ne fo waatoo meŋ na, wo moolu mennu maŋ ke Yahuudoolu ti hapoo ye timma ka Alla la kiisoo soto.

Roomankoolu 12:3

Alla ye hiinoo meŋ yita nte la, wo hiinoo le ye a tinna m be ali bee daani kaŋ: Ali kana ali faŋolu la kuwo landatambindi, bari ali si ali faŋolu kaañaŋ, meŋ-wo-meŋ ko ali la lannoo be ñaameŋ, Alla ye meŋ dii ali la.

1 Korintinkoolu 3:18

Ali kana ali faŋolu neenee: Moo meŋ ñaamenta a faŋ fee ñiŋ duniyaa kono, wo maarii ñanta ke la toolewo le ti fo a si naa ke noo ñaamendiŋo ti.

1 Korintinkoolu 3:20

Aduŋ a be safeeriŋ ne fanaa ko: “Maariyo ye hadamadiŋolu la miiroolu loŋ ne, a ye a loŋ ne ko, ì la miiroolu mu kenseŋ ne ti.”

Filipinkoolu 3:6

Hamoo la karoo la, nte ye Yeesu la kafoo toorandi baake le. Niŋ a ye a tara, Luwaa mutoo si moo tilindi noo Alla ñaatiliŋo la, wo to nte maŋ sootaaroo soto.

Kolosankoolu 2:18

Ali kana soŋ, moo-wo-moo ye ali daa bondi kañeerifeŋo ñoosaboo to. Wo moo siifaalu ka fantoorandoo le kummaayandi, a niŋ malaayika batoo, aduŋ ì ka kibiri ì la jeroolu la le. Ì la faŋ waroo tambita le, bari a maŋ daliila soto, kaatu a bee be dendiŋ ì la hadamadiŋyaa miiroolu le la.

Kolosankoolu 2:23

Tooñaa, ñiŋ yaamaroolu ka munta le ko ñaameŋo, kaatu ì ka baturi koleŋo le kummaayandi, aniŋ fantoorandoo meŋ buka balajaatoo kaari, bari ì maŋ nafaa soto ka hadamadiŋyaa la hame kuwolu mara.

1 Timoti 4:3

Ì ye futuwo haraamuyandi le, aduŋ ì ka domori feŋ doolu kasiyandi, Alla ye mennu daa fo lannamoolu mennu ye tooñaa loŋ si ì domo, ì niŋ tenturoo.

Lankenemoo 18:19

Bituŋ ì kumbootoo niŋ ì woosiitoo ka banku buutoo fayi ì kuŋolu kaŋ. Ì be woosii kaŋ santo ko: “Kooroo, kooroo be saatee baa ye! Moolu mennu bee ye kuluŋolu soto, wolu fankata ate le la, fankaasoo to. Bari waati kiliŋ doroŋ, a bee kasaarata.”