Kawandilaa 7:14 - Mandinka Bible

¹⁴ Kuwolu beteyaa waatoo, kontaani, koleyaa waatoo, ñiŋ miira ko: Alla le ye ñiŋ doo daa, a ye ñiŋ doo fanaa daa. Wo to hadamadiŋo te feŋ fo noo la, meŋ be naa ke la, ate faariŋ koolaa.

Kawandilaa 7:14 Mawu Ofanana

1 Mansoolu 8:47

Ì be mutoo kono tuma meŋ, a si ke noo ì hakiloo ye naa yelema, ì ye tuubi ka i daani ko, ‘Ŋà junube kuwo le ke. Ŋà kuu kuruŋo le ke. Ŋà kuu jawu baa le ke.’

Yuuba 2:10

Bari Yuuba ko a ye le ko, “I ka diyaamu le ko hakilintaŋo. Niŋ Alla neemata m̀ ma diimaa to, ŋà a taa. Wo to niŋ a ye koleyaa kuwo laa ǹ kaŋ, fo m̀ maŋ ñaŋ a taa la baŋ?” Ñinnu bee keriŋo, Yuuba maŋ hani kuu jawu kiliŋ fo Alla ma.

Jabuuroolu 119:71

Jaraboo meŋ laata n kaŋ, a beteyaata n to le, kaatu a ye n karandi i la luwaalu la le.

Jabuuroolu 40:3

A ye suukuu kutoo duŋ n daa ka ǹ na Alla jayi. Moo jamaa le be wo je la, ì ye masilaŋ, aduŋ ì be ì jikoo loo la Yaawe kaŋ ne.

Kawandilaa 10:14

toolewo daakumoo le ka siyaa. Moo buka saama loŋ noo. Jumaa le si a fo noo, ate faariŋ koolaa, meŋ be naa ke la?

Kawandilaa 11:9

Ite keendiŋo, i faŋ seewondi, i la fondinkeeyaa waatoo la. I hakiloo kali i samba niiseewoo kuwo kaŋ, i la fondinkeeyaa tiloolu la. Bula i niidiyaa nooma, aniŋ i ñaabo feŋolu. Bari i si ñiŋ loŋ ko, Alla be i kontibo la kuwolu bee le la, i ye mennu ke.

Kawandilaa 12:13

A bee moyiriŋo koolaa, kuwo ñiŋ kumfaaraŋo fele: Sila Alla la, i ye a la yaamaroolu muta. Ñiŋ ne mu hadamadiŋo kekuwo ti.

Kawandilaa 12:8

Kawandilaa ko, “Feŋ na feŋ te, a bee le maŋ ke feŋ ti.”

Kawandilaa 3:22

Ŋa a je le ko, kuu bete te hadamadiŋo fee, meŋ fisiyaata faŋ seewondoo ti a la dookuwolu to. Wo le mu a taa ti. Jumaa le si a jerendi noo kuu la, meŋ be naa ke la, ate faariŋ koolaa?

Kawandilaa 3:4

Waati le be kumboo la, waati be jeloo la. Waati le be niikuyaa la, waati be doŋo la.

Kawandilaa 5:17

Ñiŋ koolaa, a ka a la baluwo muumeelaa bee ke diboo le kono, wo niŋ niitoora bambaloo, kuuraŋo, aniŋ niikuyaa.

Kawandilaa 8:7

Moo le buka saama kuwo loŋ noo. Wo to jumaa le si a fo noo a ye, meŋ be naa?

Kawandilaa 9:7

Wo to i la domoroo domo niiseewoo kono, i ye i la wayinoo* miŋ sondome tenkuŋo kono. Alla lañinita i ye ñiŋ ne la.

Yesaya 26:11

Hee Yaawe, i buloo be teekariŋ ne, ka ì mantoora, bari ì maŋ a je. Allamaa ì ye i hamoo je, i ye meŋ soto i la moolu ye, ì ye malu. Allamaa dimbaa meŋ be pareeriŋ i jawoolu kamma, ye ì jani.

Yesaya 42:25

Wo le ye a tinna a ye a la kamfaa jindi ì kaŋ kendeke, ka koleyaa taki keloo kono. A la kamfaa jawuyaata le ko dimbaa, bari hani wo, ì maŋ a fahaamu, a ye ì jani le, bari ì maŋ a muta feŋ ti.

Yeremiya 23:20

Yaawe la kamfaa te sumayaa la, fo niŋ a ye a la lafoo bee timmandi, mennu be a sondomoo to. Wo luŋolu la, labandulaa to, ali be a kuwo fahaamu la le kendeke.

Niikuyaa Suukuwolu 3:38

Niŋ kasaaroo waraŋ kuu kendoo naata, fo Alla Mansa Tallaa le maŋ a lañini baŋ?

Mika 6:9

Ka sila Yaawe la, wo le mu ñaameŋo ti. Yaawe ye kiliroo ke Yerusalaamu saatewo to ko: “Ali i lamoyi, ali si sila busoo la, aniŋ busoo maarii.

Matiyu 9:13

Ali taa a karaŋ, ñiŋ kotoo mu meŋ ti: ‘N na lafoo mu balafaa le ti, a maŋ ke sadaa* ti.’ Kaatu nte maŋ naa ka moo tilindiŋolu kumandi, bari junubelaalu.”

Kiilaalu 14:22

Ì ye Yeesu noomalankoolu bambandi niŋ yaamaroo la ko, ì si tenteŋ lannoo kono. Aduŋ ì ko ì ye ko, “Ǹ ñanta toora kuu jamaa le taki la ka duŋ Alla la mansabaayaa kono.”

5 Musa 26:11

Bituŋ i niŋ i la dimbaayaa moolu, Lewi lasili moolu aniŋ tumarankewolu mennu be sabatiriŋ ali fee, ali bee si seewoo feŋ betoolu bee to, Yaawe ye mennu dii ali la, ali la Alla.

5 Musa 28:47

Yaawe ali la Alla ye fankoo meŋ dii ali la, niŋ ali maŋ a batu seewoo niŋ kontaanoo kono,

5 Musa 8:3

A ye a ke le konkoo ye ali muta ka ali fammajii. A naata ali domorindi manna* la, ali niŋ ali mumuñolu nene maŋ meŋ loŋ nuŋ. A ye ñiŋ ke le ka a yitandi ali la ko, moo buka baluu noo mbuuroo dammaa la, a ka baluu kuma-wo-kuma le la, Yaawe ye meŋ fo.

5 Musa 8:5

Ali kana ñina ko, Yaawe ali la Alla ye ñiŋ kuluuroo laa ali kaŋ ne, ko wuluulaalu ka ì diŋolu kuluu ñaameŋ.

Yankuba 5:13

Niŋ moo be ali kono, meŋ be bataariŋ, a maarii si duwaa. Niŋ moo be ali kono meŋ be seewooriŋ, wo maarii si jayiri suukuwolu laa.