Kawandilaa 7:12 - Mandinka Bible

¹² Ñaameŋo mu tankaraŋo le ti, ko kodoo mu tankaraŋo ti ñaameŋ. A kummaayaata le ka a loŋ ko, ñaameŋo, meŋ ye a soto, a ka wo maarii niyo le tanka.

Kawandilaa 7:12 Mawu Ofanana

Yuuba 1:10

Fo ite le maŋ a sansaŋ karoo bee la, a niŋ a la dimbaayaa niŋ a sotofeŋo bee? I neemata a ma kuwolu bee to, a ye mennu ke, a la sotofeŋolu janjanta bankoo bee kaŋ.

Jabuuroolu 57:1

Balafaa n ye, hee Alla, balafaa n ye, kaatu n niyo be karafariŋ ite le ma. M be i la tankoo koto le ko a dampammaa le ye m muuri, fo kasaaroo turubaadimaa ye tambi.

Kuma Kotoomaalu 11:4

Naafuloo te nafaa soto la Alla la kamfaa luŋo, bari tiliŋo si moo tanka noo saayaa ma le.

Kuma Kotoomaalu 14:20

Hani fuwaaroo siiñoo ka jutunnayaa tiliŋ a la le, a la fuwaareyaa kaŋ, bari fankamaa ka teeri jamaa le soto.

Kuma Kotoomaalu 2:11

Kekuu loŋo le be i tankandi la, fahaamuroo fanaa be i kanta la le.

Kuma Kotoomaalu 2:7

A ka ñaatotaa dii moo tilindiŋolu le la, a ka ke tankaraŋo ti moo kendoolu ye.

Kuma Kotoomaalu 3:18

Moolu mennu ye a muta kuu, a ka ke wolu ye baluwo yiroo le ti, mennu ye a muta kendeke, be neemoo soto la le.

Kuma Kotoomaalu 8:35

Moo-wo-moo ye n je, i ye baluwo le je, aduŋ i be maakoyiroo soto la Yaawe bulu le.

Kuma Kotoomaalu 9:11

Ali la siimaayaa be suŋ na nte le la, aduŋ sanji jamaa si lafaa ali siyolu kaŋ.

Kawandilaa 10:19

Domori kendoo ka dadaa faŋ seewondoo le kamma, wayinoo* ye niyo seewondi, kodoo, wo ka ñinnu bee le ke.

Kawandilaa 2:13

Bari n naata a je le ko, ñaameŋo le beteyaata tooleeyaa ti, ko maloo beteyaata diboo ti ñaameŋ.

Kawandilaa 7:19

Ñaameŋo ka semboo meŋ dii hakilimaa la, wo le ka tambi kantii taŋ na saatewo kono.

Kawandilaa 9:16

Nte de, ŋa ñiŋ ne fo ko, “Ñaameŋo le ye fisa sembe waroo ti.” Hani wo, ñiŋ kee fuwaaroo la ñaameŋo naata ke jutunna feŋo le ti, moolu maŋ a la kumoolu muta feŋ ti.

Kawandilaa 9:18

Ñaameŋo le ye fisa ka tambi kelejooraŋolu la. Junubelaa, hani a kiliŋ, a ka kuu bete jamaa le tiñaa.

Yesaya 30:2

Ì ka taa Misira, ì buka n na yaamaroo ñini, ka taa maakoyiroo ñini Firawoona bulu, fo ì si tara Misira la tankoo koto.

Yesaya 32:2

Ì meŋ-wo-meŋ be ke la moolu ye le ko taradulaa, ka ì tankandi foñoo la, aniŋ ka maabodulaa soto, niŋ burufatoo naata. Ì be ke la le ko boloŋo, meŋ ka woyi keñewuloo* kono, aniŋ bere konkoo niiniyo kene kenseŋo kono.

Yesaya 33:6

Ate le be ke la ali la waatoo fondamaŋ bambandiŋo ti, kiisoo, ñaameŋo aniŋ londoo diilaa. Yaawe ñaasilaŋo, wo le mu ali la naafuloo ti.

Yohana 12:50

Aduŋ ŋa a loŋ ne ko, a la yaamaroo mu badaa-badaa baluwo le ti. Wo kamma la, n ka meŋ fo, n ka a fo le ko m Faamaa ye n yaamari a la ñaameŋ.”

Yohana 17:3

Aduŋ ñiŋ ne mu badaa-badaa baluwo ti ko, ì si ite loŋ, ite meŋ dammaa mu Alla tooñaa ti, aniŋ ì si Yeesu Kiristu* loŋ, i ye meŋ kii.

5 Musa 32:47

Ñiŋ luwaalu maŋ ke kuma kenseŋolu ti, ì mu ali ye baluwo le ti. Niŋ ali bulata ì nooma, ali be siimaayaa la bankoo kaŋ ne, ali be naa duŋ na daameŋ ka a ke ali taa ti, Yoridani Boloŋo kara doo la.”

Filipinkoolu 3:8

Tooñaa, nte ye feŋo bee muta bonoo le ti, kaatu ka Kiristu Yeesu loŋ, m Maariyo, wo le nafaa warata ka tambi feŋo bee la. Ate le la kuwo kamma la, m bonota feŋolu bee la. Ŋa wolu bee muta suntukuŋo le ti, fo n si Kiristu soto,

Kiitindirilaalu 9:15

“Ŋaniŋ suŋo ko yiroolu ye ko, ‘Niŋ a ye a tara ali lafita nte le toloo la ka ke ali la mansa ti, wo to ali naa ali faŋ karafa n dubeŋo koto. Niŋ wo nte, dimbaa si bo m bala, a ye Libanooni sedari* yiroolu bee mala!’