Kawandilaa 7:1 - Mandinka Bible

¹ Too diyaa, wo le be tulu seeralaa ñaato, aduŋ faa luŋo, wo le be wuluu luŋo ñaato.

Kawandilaa 7:1 Mawu Ofanana

Yuuba 3:17

Jee to, moo kuruŋolu ka i foño toorandiroo la le, moo bataariŋolu ye dahaa soto.

Jabuuroolu 133:2

Kaatu ka ke kiliŋ ti, wo ka munta le ko, tulu senuŋ* seeralaa, ì ye meŋ boŋ Haaruna kuŋo kaŋ, a borita ka jii a booraa la, ka taa a la dendika baa kaŋo to.

Kuma Kotoomaalu 15:30

Niŋ i ye moo je meŋ ñaalantoo be diyaariŋ, i fanaa ka jusulaa le, aduŋ kibaari diimaa ka jaatoo bambandi le.

Kuma Kotoomaalu 22:1

Too diyaa le fisiyaata ka ke naafulutiyo ti, ka ke buuñaa moo ti, le fisiyaata kodiforoo niŋ sanoo ti.

Kuma Kotoomaalu 25:10

Niŋ moo ye a moyi, a be i ñaawali la le, aduŋ horomantaŋyaa te bo la i la karoo la muumeeke.

Kuma Kotoomaalu 27:9

Karabaanijiyo niŋ cuuraayoo ka niyo seewondi le, teeriyaa fanaa diyaa mu ñoo yaamaroo le ti.

Kawandilaa 10:1

Ko sii furewolu ka tulu seeralaa seeroo tiñaa ñaameŋ, tooleeyaa, hani a domandiŋ, a ka ñaameŋo tiñaa le, aniŋ horomoo.

Kawandilaa 4:2

N naata m miira furewo la, meŋ faata fokabaŋ, mantaa benta wo le ye, ka tambi moo la, meŋ be baluwo to, a maŋ faa foloo.

Kawandilaa 7:8

Kuwo labaŋo, wo le ka fisa a foloo ti, muñoo le ye fisa faŋ waroo ti.

Suukuwo 1:3

I la tulu seeralaa diyaata ñaameŋ! I too janjanta ko karabaanijiyo meŋ bonta, wo le ye a tinna sunkutoolu ye i kanu.

Suukuwo 4:10

M baarimmusu, i la kanoo diyaata ñaameŋ! N na maañoo, i la kanoo le diyaata wayinoo* ti. I la tuloo seeroo le diyaata seerandi feŋ koteŋolu bee ti.

Yesaya 56:5

M be hakilibulandiraŋo niŋ too le dii la ì la, mennu be tara la n na Batudulaa Buŋo* kono, ì ye fisiyaa ì ye dinkewolu niŋ dimmusoolu ti. M be too le dii la ì la, meŋ te buruka la, a be tu la le fo abadaa.

Yunusa 4:3

Saayiŋ Yaawe, m bondi duniyaa, kaatu ŋa faa, wo le fisiyaata n ye baluwo ti.”

Luka 10:20

Hani wo ñaa-wo-ñaa, ali kana seewoo ko, seetaani jawoolu ye ì faŋ seyi ali ma le, bari ali seewoo, kaatu ali toolu safeeta Arijana kono le.”

Yohana 13:2

Bituŋ Yeesu niŋ a la saayiboolu be siimaŋo la. Ibiliisa ye Yeesu jamfaa kuwo ke Yudas, Simoni Isikariyoti dinkewo sondomoo kono le fokabaŋ.

2 Korintinkoolu 5:1

Ŋà a loŋ ne ko, ñiŋ duniyaa tiriliisoo*, m̀ be baluuriŋ meŋ kono teŋ saayiŋ, meŋ mu m̀ balajaatoo ti be toli la le, bari buŋo be pareeriŋ ǹ ye le Alla yaa. Wo buŋo maŋ dadaa hadamadiŋ buloo la, bari wo mu feŋ ne ti, meŋ be tu la Arijana kono fo abadaa.

2 Korintinkoolu 5:8

Ǹ ka tu bambandiŋ ǹ na jikoo kono le, aduŋ m̀ be hameriŋ ne ka tara suwo kono Maariyo fee, diina ka tara ñiŋ baloo kono.

Hiburunkoolu 11:2

Ka bo niŋ lannoo le la, m̀ mumuñolu ye seedeyaa betoo soto Alla ñaatiliŋo la.

Hiburunkoolu 11:39

Ñiŋ moolu bee ye seedeyaa betoo le soto ka bo niŋ ì la lannoo la. Bari hani wo ñaa-wo-ñaa, Alla ye laahidoo ke kuwo meŋ to, ì nene maŋ wo soto,

Lankenemoo 14:13

Bituŋ ŋa kumakaŋo moyi naŋ saŋo santo, meŋ ye n yaamari ko, “Ñiŋ safee: ‘Barakoo be moolu le ye, mennu be faa la Maariyo noomalankayaa kono ka bo saayiŋ na.’ Noora Kuliŋo ye a tooñaayandi le ko, ‘Barakoo be itolu ye le, kaatu ì be dahaa soto la ì la kata kuu koleŋolu to le, aduŋ ì la kebaaroolu be ì nooma la le.’ ”

Ruti 3:14

Wo to le a ye i laa a siŋo daala jee fo fanikewo. Bari a wulita waati le la, waatoo meŋ moo te moo suutee noo la. Kaatu Bowasi ko a ye le ko, “Kana soŋ ñiŋ ye lankenema ko, musoo le naata toñonkari dulaa to jaŋ.”