Kawandilaa 6:12 - Mandinka Bible

¹² Jumaa le ka a loŋ, meŋ beteyaata hadamadiŋo ye, a baluu tili dantaŋ nafantaŋo kono, meŋ ka tambi ko niiniyo? Jumaa le ka a fo noo meŋ be naa ke la ñiŋ duniyaa tiloo koto, ate faariŋ koolaa?

Kawandilaa 6:12 Mawu Ofanana

1 Taarika 29:15

“M̀ be i ñaa koto le ko luntaŋo waraŋ tambilaa ko m mumuñolu, aduŋ n na baluwo ñiŋ duniyaa kono ka munta le ko niiniyo meŋ buka mee a si yeemaŋ.

Yuuba 14:2

A la kuwo be le komeŋ firoo ka finti ñaameŋ, a ye naa noro. A ka yeemaŋ ne komeŋ niiniyo, a buka tu keriŋ.

Yuuba 14:21

A diŋolu si tara kuliyaa kono, ate te a loŋ noo la. Ì si tara noo dooyaa kono, ate te a kalamuta noo la.

Yuuba 8:9

Ntolu mu dindiŋolu le ti, m̀ maŋ feŋ loŋ, ǹ wuluu saŋolu maŋ mee, ì ka tambi ko niiniyo.

Jabuuroolu 102:11

M baluu luŋolu be baŋ na le ko wulaara dubeŋo. N ka noro le ko ñaamoo.

Jabuuroolu 109:23

M be yeemaŋ kaŋ ne ko wulaara niiniyo. N ka munta le ko kuntiŋo, ì ka meŋ konkoŋ a ye joloŋ.

Jabuuroolu 144:4

Moo la baluwo la sutiyaa be le ko, niiseloo niŋ niijiyo teema, a ka yeemaŋ ne katabake komeŋ niiniyo.

Jabuuroolu 16:5

Nte la niiboroo ka bo ite Yaawe le bulu, aduŋ n suulafeŋo bee sumandiŋo be i bulu le. M baluuñaa be ite le bulu.

Jabuuroolu 17:15

Bari nte de, m be tara la i fee le, n na sootaaribaliyaa kaŋ. Niŋ n wulita, m be wasa la i ñaatiliŋo la le.

Jabuuroolu 4:6

Jamaa le ka ñininkaaroo ke ko, “Muna, m̀ be kuu betoo domandiŋ je noo la le baŋ?” Yaawe, i ñaa diyaa m̀ fee, i ye neema m̀ ma.

Jabuuroolu 47:4

A ye bankoo tomboŋ ǹ ye ka a ke ǹ na keetaafeŋo ti, Banisirayila la ŋaañaaraŋ bankoo, a la kanu moolu. S

Jabuuroolu 89:47

I hakiloo ye bula nte la baluwo loo la sutiyaa la. Fo i ye hadamadiŋo daa kensenke le baŋ, ka faa doroŋ?

Kawandilaa 10:14

toolewo daakumoo le ka siyaa. Moo buka saama loŋ noo. Jumaa le si a fo noo, ate faariŋ koolaa, meŋ be naa ke la?

Kawandilaa 12:13

A bee moyiriŋo koolaa, kuwo ñiŋ kumfaaraŋo fele: Sila Alla la, i ye a la yaamaroolu muta. Ñiŋ ne mu hadamadiŋo kekuwo ti.

Kawandilaa 2:24

Feŋ ne maŋ beteyaa hadamadiŋo ye, ka tambi domoroo niŋ miŋo la, aniŋ ka niiseewoo soto a la kata kuwolu to. Ŋa a je le ko, ñiŋ fanaa ka bo Alla le bulu.

Kawandilaa 2:3

N lafita nuŋ ka a kisikisi meŋ beteyaata hadamadiŋo to, a ye tara a ke la a la duniyaa baluu sutuŋo kono. Bituŋ n naata m faŋ seewondi wayinoo* la, aniŋ ka a loŋ muŋ ne faŋo mu tooleeyaa ti. Biriŋ m be ñiŋ ke la, ŋa m faŋ sansaŋ ñaameŋo le la.

Kawandilaa 3:22

Ŋa a je le ko, kuu bete te hadamadiŋo fee, meŋ fisiyaata faŋ seewondoo ti a la dookuwolu to. Wo le mu a taa ti. Jumaa le si a jerendi noo kuu la, meŋ be naa ke la, ate faariŋ koolaa?

Kawandilaa 6:11

Daa be siyaa la doroŋ, a kuma kenseŋo be siyaa la, a ye muŋ nafaa le soto moo ye?

Kawandilaa 7:15

N na ñiŋ baluu nafantaŋo kono, ŋa moo tilindiŋo je le, a maŋ siimaayaa a la tiliŋo kaŋ. Ŋa moo kuruŋo fanaa je, a siimaayaata a la kuruŋyaa kaŋ. Ŋa ñiŋ kuu fuloo bee je n ñaa la le.

Kawandilaa 8:13

Moo kuruŋolu, baawo itolu buka sila Alla la, ì te kayiroo soto la, aduŋ ì la baluwo te jamfa la, ì be yeemaŋ na le ko niiniyo.

Kawandilaa 8:7

Moo le buka saama kuwo loŋ noo. Wo to jumaa le si a fo noo a ye, meŋ be naa?

Kawandilaa 9:6

Ì la wo ñoo kanoo, ì la ñoo koŋo, ì la ñoo haasidiyaa, a fele a bee yeemanta. Itolu te nafaa-wo-nafaa le soto la kuwolu to kotenke, mennu be ke la ñiŋ duniyaa tiloo koto.

Kawandilaa 9:9

I niŋ i la musoo ye duniyaa ŋaañaa, i ye meŋ kanu, ñiŋ baluu sutuŋo kono, Alla ye meŋ dii i la. Ŋaañaa a fee, i baluu tili nafantaŋolu la. Ñiŋ ne mu i niyo ti baluwo to, aniŋ i la kata kuwolu to, ñiŋ duniyaa tiloo koto.

Mika 6:8

Ite hadamadiŋo, Yaawe ye a fo i ye le, meŋ mu kuu kendoo ti, aduŋ a ye meŋ kaniŋ i bulu, wo le mu, ka tooñaa taamandi, ka beteyaa kanu, aniŋ ka bula Alla nooma, i Maarii, fammajiyo kono.

Yankuba 4:14

Ali maŋ hani kuwo loŋ, meŋ be naa saama! Muŋ ne mu ali la baluwo ti? Ali mu tuutuwo doroŋ ne ti, meŋ ka finti waatindiŋ doroŋ, a ye yeemaŋ.