Kawandilaa 5:16 - Mandinka Bible

¹⁶ Ñiŋ fanaa mu kuu dimindiŋo le ti: Ko hadamadiŋo naata ñaameŋ, a be muru la wo le ñaama. Wo to, a la munafaŋ sotoo nafaa lee, baawo a ye dookuwo ke foñoo le ye?

Kawandilaa 5:16 Mawu Ofanana

Kuma Kotoomaalu 11:29

Moo meŋ ka mantoora kuwo samba a baadiŋolu kaŋ, wo te feŋ keetaa la fo foño kenseŋo, aduŋ toolewo le be ke la moo ñaamendiŋo la joŋo ti.

Kawandilaa 1:3

Hadamadiŋo ka muŋ nafaa le soto, a la kata kuwolu bee to, a ka tara mennu katariŋ duniyaa tiloo koto?

Kawandilaa 2:11

N naata m miira n kebaaroolu bee la, m faŋo buloo ye mennu ke, n na kata kuwolu. Heyi, wolu bee te feŋ ti, a ka munta le ko foño bayindoo. Nafaa te feŋ na ñiŋ duniyaa tiloo koto.

Kawandilaa 3:9

Dookuulaa ka muŋ tinee le soto, a la dookuwo bataa to?

Kawandilaa 5:13

Kuu dimindiŋo fele, ŋa meŋ je ñiŋ duniyaa tiloo koto: Fankamaa ye a la sotofeŋo bee laŋ-laŋ ñoo kaŋ, a naata ke a ye mantaabembaliyaa ti.

Yesaya 26:18

Ǹ ka munta le ko musukonomaa meŋ pareeta wuluu la, m̀ maŋ naa moo wuluu, ŋà foño kenseŋo le wuluu. M̀ maŋ ñaatotaa soto noo bankoo kaŋ.

Yeremiya 2:8

Piriisoolu* maŋ a fo ko, ‘Yaawe lee?’ Wolu mennu mu Luwaa karammoolu* ti, ì maŋ n loŋ. Ñaatonkoolu balanta m ma le. Annabiyomoolu ka kuma Baali* jalaŋo tooyaa le la, ka jalaŋ kenseŋolu batu.”

Hoseya 8:7

“Moo meŋ ye foñoo fii, turubaadoo le be faliŋ na wo maarii ye. Siimaŋ kaloo meŋ maŋ konomaa, muna wo si wuluu noo baŋ? Hani niŋ siimaŋo sotota fanaa, jawoolu si a bee kunuŋ.

Maaka 8:36

Moo be muŋ nafaa le soto la, niŋ a ye duniyaa feŋolu bee soto, bari a naata foo a niyo la?

Yohana 6:27

Ali kana bataa domoroo kunna, meŋ waatindiŋ doroŋ, a ye baŋ. Bari ali bataa domoroo kunna, meŋ te baŋ na, bari a ka badaa-badaa baluwo dii. Moo Dinkewo* be wo le dii la ali la, kaatu Alla a Faamaa faŋo ye a tomboŋ wo le kamma.”

1 Korintinkoolu 16:16

Ŋa ali daani ka soŋ ñiŋ moo siifaalu ma, ì niŋ ì dookuuñoolu bee mennu ye ì daa bula ñiŋ dookuwo to.

1 Samuweli 12:21

Ali kana bula jalaŋ fuuriŋolu nooma. Ì te feŋ ke noo la ali ye, sako ka ali tankandi, kaatu ì maŋ nafaa soto.