Kawandilaa 5:10 - Mandinka Bible

¹⁰ Kodilandii baa, kodoo nene te a sii la muk, aduŋ feŋ landii baa, a nene buka sotoo ke fo a ye sii. Ñiŋ fanaa maŋ ke feŋ ti.

Kawandilaa 5:10 Mawu Ofanana

Jabuuroolu 52:1

Ite jarintewo, muŋ ne ye a tinna i ka i faŋ wara kuu jawoolu kaŋ, a ye a tara Alla la kanu bambaloo be nte le fee luŋ-wo-luŋ?

Jabuuroolu 52:7

“A juubee, kewo fele meŋ maŋ soŋ ka tankoo ñini Alla bulu, bari a jikita a la naafuloo la siyaa le la, ka fankoo ñini kuruŋyaa kono.”

Jabuuroolu 62:10

Ali kana jiki nakaroo la, waraŋ ka faŋ waroo ke suuñaari feŋo kaŋ. Ali la naafuloolu si lafaa ñaa-wo-ñaa, ali kana jiki ì la.

Kawandilaa 1:17

Bituŋ n naata bula siloo nooma, ka a loŋ meŋ faŋo mu ñaameŋo ti, tooleeyaa aniŋ fuuriŋyaa. Bari n naata a je le ko, ñiŋ fanaa ka munta le ko foño bayindoo.

Kawandilaa 1:8

Kuu-wo-kuu, bataa le mu, moo te meŋ daŋo fo noo la. Ñaa buka jeroo ke fo a ye kaañaŋ, tuloo buka moyiroo ke fo a ye kaañaŋ.

Kawandilaa 2:10

Feŋ-wo-feŋ ye n ñaabo, m maŋ a siyaa m faŋ ti. Feŋ-wo-feŋ mu niidiyaa feŋo ti, m maŋ foo feŋ na wolu kono. Hani dookuwo to, n ka niiseewoo le soto jee, niiseewoo, n na kata kuwolu bee joo.

Kawandilaa 2:11

N naata m miira n kebaaroolu bee la, m faŋo buloo ye mennu ke, n na kata kuwolu. Heyi, wolu bee te feŋ ti, a ka munta le ko foño bayindoo. Nafaa te feŋ na ñiŋ duniyaa tiloo koto.

Kawandilaa 2:26

Moo meŋ ye Alla kontaanindi, a ka ñaameŋo dii wo le la, londoo, aniŋ niiseewoo. Bari junubelaa, a ka bataa le laa wo kaŋ, ka tara naafuloo kafu kaŋ ñoo ma ka a maabo moo ye, meŋ ka Alla kontaanindi. Ñiŋ fanaa maŋ ke feŋ ti, a ka munta le ko foño bayindoo.

Kawandilaa 3:19

Hadamadiŋo labaŋo niŋ beeyaŋo labaŋo bee kiliŋ. Labaŋñaa kiliŋo le ka tara ì bee batu kaŋ. Ñiŋ doo ka faa ñaameŋ, ñiŋ doo fanaa ka faa wo le ñaama. Nii kiliŋo le be ì bee la. Hadamadiŋ maŋ fisa beeyaŋ ti. Ñiŋ bee maŋ ke feŋ ti.

Kawandilaa 4:16

A tarata moolu mennu mara kaŋ, wolu maŋ daŋ soto. Bari a jamaanoo labaŋo la, wo moolu maŋ seewoo ñiŋ fondinkeeriŋo la kuwo la, meŋ seyita mansa noo to. Ñiŋ fanaa maŋ ke feŋ ne ti, a ka munta le ko foño bayindoo.

Kawandilaa 4:4

Ŋa a je le moolu ka kata kuu baalu mennu ke, ka dookuwo ke fo ì buloo ye koyi a to. Kaatu ì ka tara lafiriŋ ñiŋ ne la ka tara ñoo ñaato. Ñiŋ fanaa maŋ ke feŋ ne ti, a ka munta le ko foño bayindoo.

Kawandilaa 4:8

Kewo doo le mu, a kiliŋ doroŋ ne be a faŋ ye. A maŋ diŋ soto, a maŋ baadiŋ soto. A la katoo warata, dandulaa te meŋ na. Bari hani wo, a la sotoo maŋ a ñaa faa. A ye a faŋ ñininkaa ko, “Nte be ñiŋ kata kuwo bee ke kaŋ jumaa le ye? Muŋ ne ye a tinna ŋa n koo dii niidiyaa kuwolu la?” Ñiŋ fanaa maŋ ke feŋ ti, bataa doroŋ ne mu.

Kawandilaa 5:9

Bari bankoo munafaŋo, wo be moo bee le ye. Mansakewo nafaa mu ñiŋ ne ti ka senekunkoolu tankandi.

Kawandilaa 6:7

Hadamadiŋo la kata kuwo bee ka tara a konoo le ye, bari hani wo, a buka wasa noo.

Matiyu 6:19

“Ali kana naafuloo maabo ali faŋolu ye ñiŋ duniyaa kono, daameŋ tumboolu niŋ komoŋo be ì tiñaa la, aniŋ daameŋ suŋolu be duŋ na ka ì suuñaa.

Matiyu 6:24

“Moo te maarii fula batu noo la, fo a si doo koŋ, a ye doo kanu, waraŋ a si doo buuñaa, a ye jutu doo la. Ali te Alla niŋ naafuloo batu noo la waati kiliŋ.

Luka 12:15

Wo to le a ko ì ye ko, “Ali ali hakiloo tu hadumoo to, kaatu moo la baluwo te dendiŋ a la sotofeŋolu la.”

1 Timoti 6:10

Kaatu kodilandiyaa le mu kuruŋyaa bee suloo ti. Moo doolu mennu la hame kuwo keta kodoo ti, wolu jenketa lannoo siloo la le, aduŋ ì ye ì faŋolu dimindi jawuke niŋ niikuyaa jamaa le la.